RÄ LECCIÓN 13

ꞌÑudi hanja ma dä benefisiabi

Proverbios 3:21

NÄꞌÄ MÄHYONI GI PE̱FI: Ora gi uti märꞌaa, fatsꞌi pa dä da ngue̱nda hanja di benefisiabi rä imformasion ꞌne hanja dä za dä aplika ha yä mꞌu̱i.

Yꞌo̱tꞌe ngue̱nda nuꞌu̱ toꞌo ma dä yꞌo̱xꞌäꞌi. Änte de gi uni nꞌa rä imformasion, mbeni te japäbi mꞌe̱di dä bädi nuꞌu̱ toꞌo ma dä yꞌo̱xꞌäꞌi ꞌne te mä punto mänꞌa ma dä benefisiabi.
ꞌÑudi hanja dä aplika rä imformasion. Dende ri mu̱di, gatꞌho nuꞌu̱ toꞌo o̱xꞌäꞌi debe dä mbeni: «¡Nunä imformasion pa geki!». Ora ma gi esplika kada nꞌa rä punto, ꞌñudi hämꞌu̱ ꞌne hanja dä za dä aplikaꞌu̱ ha yä mꞌu̱i.

Ko rä tꞌekꞌei ꞌñudi hanja dä aplikaꞌu̱ rä imformasion ha yä mꞌu̱i. ꞌÑudi ge gi ntiende näꞌä sentiꞌu̱ ꞌne näꞌä thogiꞌu̱. En lugar de gi u̱mbäbi yä mfeni, fatsꞌi pa mänꞌa dä ze̱di yä jamfri ꞌne yä mhäte po Äjuä. ꞌÑudi ge gi pe̱ꞌspäbiꞌu̱ rä komfiansa ge ma dä me̱fi näꞌä xä ñho.