5 Astawanpis ima lugartachus Jehová Diosniykichej ajllakonqa sutin jatunchasqa kananpaj, chaypi payta yupaychankichej. Ayllusniykichej* ukhupi may lugartachá ajllakonqa, chayman rinkichej payta yupaychaj.+ 6 Chayman apankichej qʼolachina* ofrendasta,+ waj ofrendasta, sapa chunkamanta ujta Diosman qonaykichejpaj tʼaqasqaykichejta,*+ imastachus Diosman qoyta munankichej chaykunata,+ ruwasaj nisqaykichejmanta ofrendasta, sonqoykichejmanta qoyta munasqaykichej ofrendasta+ ima. Chantapis apallankichejtaj wakasniykichejpa ñaupaj kaj uñasninta, ovejasniykichejpa ñaupaj kaj uñasninta ima.+ 7 Chaypitaj chay ofrendasniykichejmanta mikhunkichej qankuna, jinallataj wasiykichejpi kajkunapis. Qankunaqa Jehová Diosniykichejpa ñaupaqenpi tukuy imata ruwasqaykichejmanta kusikunkichej,+ Jehová Diosniykichej bendecisusqaykichejrayku.