3 Israelpa reynintaj kuraj kamachisninta nerqa: “Ramot-Galaad+ jallpʼasqa noqanchejpata, ¿icharí? Noqanchejtajrí manchachikushanchej Siriaj reyninmanta qhechukapuyta”, nispa. 4 Chantá Jehosafatta nerqa: “¿Noqawan khuska riwajchu Ramot-Galaadpi maqanakoj?”, nispa. Jehosafattaj Israelpa reyninman kuticherqa: “Noqaqa qanwan khuska maqanakuman risaj. Soldadosniypis soldadosniykiwan khuska renqanku, caballosniypis caballosniykiwan khuska”,+ nispa.