• Job 38:8-11
    Mosoj Jallp’api Kausajkunapaj Diospa Palabran

    •  8 ¿Pitaj mar yakusta punkuswan jina jarkʼaykucherqa+

      juturimanta* mar yakus phullchimushajtin?

       9 Noqaqa mar qochata phuyuswan pʼachallicherqani,

      yana phuyuswantaj maytʼuykorqani.*

      10 Mar qocha maykamachus kananta señalarqani,

      punkusninta churaspataj wisqʼaykorqani.+

      11 Mar qochataqa nerqani: ‘Qanqa kaykamalla jamuyta atinki, mana astawan jaqaymanqa pasayta atinkichu.

      Mayta qhollchoqeyaspa oqharikusqaykeqa kaykamalla chayamonqa’,+ nispa.

  • Salmo 104:6-9
    Mosoj Jallp’api Kausajkunapaj Diospa Palabran

    •  6 Diosníy, jallpʼataqa ashkha yakuwan pʼampaykorqanki, ropatapis churaykuwaj jina.+

      Yakoqa orqostapuni pʼampaykorqa.

       7 Kʼamejtiykitaj yakusqa ayqerqanku.+

      Qhorurun nichimusqaykitawan mancharisqa ayqerqanku.

       8 Orqosqa pataman oqharikorqanku,+ wayqʼostaj chinkaykorqanku

      maypichá kanankuta nerqanki chayman.

       9 Lindesta* churarqanki yakus ama pasanankupaj,+

      manaña ujtawan jallpʼata pʼampaykunankupaj.

  • Jeremías 5:22
    Mosoj Jallp’api Kausajkunapaj Diospa Palabran

    • 22 Jehová Diosqa nin: ‘¿Manachu manchachikuwankichej?’.

      ‘¿Manachu ñaupaqeypeqa kharkatinaykichej kanman?

      Mar qochapajqa noqa tʼiyuta churarqani lindero* jina kananpaj.

      Unaypaj uj leyta churarqani, ama chaymanta aswan jaqayman pasananpaj.

      Mar yakus manchayta oqharikojtinpis, manapuni wasaykunkumanchu.

      Qhollchoqeyarispa manchayta sonarejtinpis, manapuni aswan jaqayman pasanmanchu.+