15 Ajina kajtenqa pitachus Jehová Diosniykichej ajllakonqa, chay runata reyta churankichej.+ Ujnin llajta masiykichejtapuni reyta churankichej. Ama forastero runataqa rey kananpaj churankichejchu, pichus mana llajta masiykichejchu chaytaqa.

17 Chantapis reyqa ama ashkha warmisniyoj kachunchu, ama Diosmanta karunchakunanpaj.+ Amallataj tantachunchu may chhika qolqeta, orotapis.+

11 Rey Salomonqa faraonpa* warmi wawanmanta+ nisqaqa, ashkha waj llajtayoj warmistawan munakorqa:+ moabitasta,+ ammonitasta,+ edomitasta, sidoniasta,+ hititasta+ ima. 2 Chay warmisqa waj nacionesmanta karqanku. Jehová Diosqa chay nacionesmanta israelitasman kamachisqaña: “Ama chay nacioneswan chajrukunkichejchu,* nitaj paykunapis qankunawan chajrukuchunkuchu. Chajrukojtiykichejqa sonqoykichejta suwanqanku diosesninkuta yupaychanaykichejpaj”,+ nispa. Salomontajrí paykunamanpuni kʼaskakorqa, munakorqataj. 3 Salomonpataqa tiyaporqa 700 warmisnin, paykunaqa princesas karqanku, tiyapullarqataj 300 tanta warmisnin.* Warmisnintaj pisimanta pisi Salomonpa sonqonta Diosmanta karuncharqanku.

26 ¿Nichu Israelmanta rey Salomonqa waj llajtayoj warmiswan casarasqanpi juchallikorqa? Mana mayqen nacionpipis pay jina reyqa karqachu.+ Diosnenqa payta munakorqa,+ chayrayku tukuynin Israelpa reynin kananpaj churarqa. Chay waj llajtayoj warmisnintajrí paytapis juchaman urmacherqanku.+