6 Chaypacha Jehová Diosqa Moisespa qayllanta pasaspa nerqa: “Jehová Dios, Jehová Dios, khuyakoj Dios,+ kʼacha sonqoyoj,*+ pacienciayoj,*+ may jina munakuyniyoj,+ nisqantapis juntʼanpuni.+ 7 Munakuynenqa waranqa waranqa runaspaj,+ perdonantaj runaspa pantasqasninkuta, mana kasukuspa imatapis ruwasqankuta, juchasninkuta ima.+ Payqa mana qhawakullanqachu juchayoj runataqa,+ manachayqa tataspa juchasninkumantaqa wawasninkuta castiganqa, jinallataj allchhisninkuta, allchhisninkoj wawasninkutapis”,+ nispa.

17 Mana kasukuyta munarqankuchu,+ ñaupaqenkupi tʼukuna imasta ruwasqaykitapis qonqaporqanku. Kʼullukuspataj uj kamachejta churakorqanku Egiptoman esclavos jina kutinankupaj.+ Qantajrí Diosníy, wakichisqa kashanki perdonanapaj, khuyakoj Dios kanki, kʼacha sonqoyoj,* pacienciayoj,* may jina munakuyniyojtaj.+ Chayrayku mana paykunata saqerparerqankichu.+

 5 Jehová Diosníy, qanmin kʼacha kanki,+ perdonanapajpis wakichisqa kashanki.+

Munakuyniykeqa may jina jatun, qanmanta yanapata mañakusojkunapaj.+