• Mateo 13:3-9
    Mosoj Jallp’api Kausajkunapaj Diospa Palabran

    • 3 Chantá Jesusqa kikincharispa+ ashkha imasta paykunaman yachacherqa, kay jinata: “Uj tarpoj runa tarpoj llojsisqa.+ 4 Tarpushajtintaj wakin mujoqa ñan pataman tʼakakusqa, pʼisqostaj jamuspa mikhukapusqanku.+ 5 Wakin mujutaj pisi jallpʼayoj rumiraraman tʼakakusqa. Jallpʼa mana ukhu kasqanraykutaj usqhayllata pʼutumusqa.+ 6 Inti llojsimojtintaj plantitasqa qawipusqanku, saphisnin mana ukhupichu kasqanraykutaj chʼakipusqanku. 7 Wakin mujutaj khishkas chaupiman tʼakakusqa, khishkastaj wiñaspa chay pʼutumojta pʼampaykusqanku.+ 8 Wakin mujutaj sumaj jallpʼaman tʼakakusqa. Wakenqa pachaj jinastawan poqosqa, wakintaj sojta chunkata, wakintajrí kinsa chunkata.+ 9 Pillapis ninriyojqa allinta uyarichun”.+

  • Marcos 4:3-9
    Mosoj Jallp’api Kausajkunapaj Diospa Palabran

    • 3 “Uyariychej. Uj tarpoj runa tarpoj llojsisqa.+ 4 Tarpushajtintaj wakin mujoqa ñan pataman tʼakakusqa, pʼisqostaj jamuspa mikhukapusqanku. 5 Wakin mujutaj pisi jallpʼayoj rumiraraman tʼakakusqa. Jallpʼa mana ukhu kasqanraykutaj usqhayllata pʼutumusqa.+ 6 Inti llojsimojtintaj plantitasqa qawipusqanku, saphisnin mana ukhupichu kasqanraykutaj chʼakipusqanku. 7 Wakin mujutaj khishkas chaupiman tʼakakusqa, khishkastaj wiñaspa chay pʼutumojta pʼampaykusqanku. Chayrayku mana poqosqankuchu.+ 8 Wakin mujutaj sumaj jallpʼaman tʼakakusqa, plantitastaj pʼutumuspa wiñasqanku, poqosqankutaj wakenqa kinsa chunka jinastawan, wakintaj sojta chunkata, wakintaj pachajta”.+ 9 Chantá nerqa: “Pillapis ninriyojqa allinta uyarichun”,+ nispa.