7 Ñaupaj kaj angelqa cornetanta waqacherqa. Karqataj granizowan ninawan, yawarwan chajrusqa, chaytaj jallpʼaman jichʼasqa karqa.+ Jallpʼa kinsaman tʼaqasqamanta ujnin kaj tʼaqantaj ruphaykorqa, sachʼaspis kinsaman tʼaqasqamanta ujnin kaj tʼaqan ruphaykullarqataj, tukuynin qʼomer qhoraspis ruphaykullarqataj.+

8 Iskay kaj angelñataj cornetanta waqacherqa. Ninawan laurarishaj jatun orqoman rijchʼasqataj mar qochaman choqaykusqa karqa.+ Mar qochamantataj kinsaman tʼaqasqamanta ujnin kaj tʼaqan yawarman tukuporqa.+

10 Kinsa kaj angeltaj cornetanta waqacherqa. Uj jatun chʼaskataj laurarishaj kʼanchana jina cielomanta urmaykamorqa, chaytaj chayarqa mayusmanta kinsaman tʼaqasqamanta ujnin kaj tʼaqaj patanman, yaku juturispa patanmanpis.*+

12 Tawa kaj angeltaj cornetanta waqacherqa. Intimanta,+ killamanta, estrellasmantawan kinsaman tʼaqasqamanta ujnin kaj tʼaqantaj laqhayaykorqa,+ ajinamanta pʼunchayqa kinsaman tʼaqasqamanta ujnin kaj tʼaqan mana kʼanchayniyoj karqa, jinallataj tutapis.

9 Phishqa kaj angeltaj cornetanta+ waqacherqa. Rikorqanitaj uj chʼaska cielomanta jallpʼaman urmaykusqanta. Chinkay ukhoj*+ llavesnintaj payman qosqa karqa.

13 Sojta kaj angeltaj+ cornetanta waqacherqa.+ Uj parlaytataj uyarerqani qori altarpa+ wajrasninmanta, mayqenchus Diospa ñaupaqenpi kashan chaymanta.

15 Qanchis kaj angeltaj cornetanta+ waqacherqa. Cielopitaj sinchʼi parlaykuna uyarikorqa: “Diosninchejpata, Cristonpatawan+ Gobiernonqa+ runasta kamachishanña, payqa wiñaypaj wiñaynintinpaj rey jina kamachenqa”,+ nispa.