Josué

21 Chay qhepata levita familiaspi uma kajkunaqa chimparqanku sacerdote Eleazarman,+ Nunpa wawan Josueman, israelita ayllusmanta* familiaspi uma kajkunamanwan. 2 Ajinata paykunaqa chimparqanku Silopi,+ Canaán jallpʼapi. Chaypi nerqanku: “Jehová Diosqa Moisesnejta kamacherqa llajtasta qonawaykuta chaypi tiyakunaykupaj, muyuyninpi pasto jallpʼastawan, chaypi uywasniykuta michikunaykupaj”,+ nispa. 3 Chayrayku israelitasqa Jehová Dios kamachisqanman jina, herencia llajtasninkumanta wakinta levitasman qorqanku,+ muyuyninpi pasto jallpʼastawan.+

4 Suerteta* choqajtinku ñaupajtaqa tocarqa cohatita+ familiasman. Sacerdote Aaronpa mirayninmanta levitasmanqa, 13 llajtasta sorteaspa qorqanku.* Chay llajtastaqa qorqanku Judá ayllu ukhupi,+ Simeón ayllu ukhupi,+ Benjamín ayllu ukhupiwan.+

5 Chay waj cohatitasmantaj chunka llajtas tocarqa,* Efraín aylloj+ familiasnin ukhupi, Dan ayllu ukhupi, Manasespa khuskan ayllun ukhupiwan.+

6 Guersonitasmantaj+ tocarqa 13 llajtas Isacar aylloj familiasnin ukhupi, Aser ayllu ukhupi, Neftalí ayllu ukhupi, Basanpi kaj Manasespa khuskan ayllun ukhupipis.+

7 Meraritasqa+ familiasninkuman jina 12 llajtasta japʼerqanku, Rubén ayllu ukhupi, Gad ayllu ukhupi, Zabulón ayllu ukhupipis.+

8 Ajinata israelitasqa levitasman chay llajtasta sorteaspa qorqanku pasto jallpʼasnintawan, Jehová Dios Moisesman kamachisqanman jina.+

9 Judá ayllu ukhupi, Simeón ayllu ukhupipis qosqanku llajtasqa kaykuna karqa, chay llajtastaqa sutinkumanta oqharikun.+ 10 Chay llajtastaqa qorqanku levitasmanta cohatita familiasman, Aaronpa mirayninmanta kajkunaman, imaraykuchus paykunaman ñaupajta suerte chayarqa. 11 Judá orqospeqa qorqanku Quiryat-Arbá+ llajtata nisunman Hebronta,+ muyuyninpi kaj pasto jallpʼastawan. (Arbaqa Anacpa tatan karqa). 12 Chay llajtaj muyuyninpi kaj ranchosta, jallpʼastapis Jefunejpa wawan Calebman qoporqanku paypata kananpaj.+

13 Sacerdote Aaronpa mirayninmanqa qorqanku Hebronta+ pasto jallpʼasnintawan, chay llajtaqa karqa runata wañuchejkuna pakakunankupaj.+ Chantá qollarqankutaj Libnata+ pasto jallpʼasnintawan, 14 Jatirta+ pasto jallpʼasnintawan, Estemoata+ pasto jallpʼasnintawan, 15 Holonta+ pasto jallpʼasnintawan, Debirta+ pasto jallpʼasnintawan, 16 Ainta+ pasto jallpʼasnintawan, Jutata+ pasto jallpʼasnintawan, Bet-Semesta pasto jallpʼasnintawan. Chay jisqʼon llajtasta qorqanku chay iskay ayllus ukhupi.

17 Benjamín aylloj jallpʼasnin ukhupitaj qorqanku: Gabaonta+ pasto jallpʼasnintawan, Guebata pasto jallpʼasnintawan,+ 18 Anatotta+ pasto jallpʼasnintawan, Almonta pasto jallpʼasnintawan ima. Chay tawa llajtasta qorqanku.

19 Aaronpa miraynin sacerdotesman qorqanku chay llajtasqa tukuyninpi karqanku 13 llajtas, pasto jallpʼasnintin.+

20 Levitasmanta ujnin cohatita familiasmantaj, sorteaspa llajtasta qorqanku Efraín ayllu ukhupi. 21 Efraín orqospeqa qorqanku Sichemta*+ pasto jallpʼasnintawan, chay llajtaqa karqa runata wañuchejkuna pakakunankupaj.+ Chantá qollarqankutaj Guezerta+ pasto jallpʼasnintawan, 22 Quibzaimta pasto jallpʼasnintawan, Bet-Horonta+ pasto jallpʼasnintawan. Chay tawa llajtasta qorqanku.

23 Dan aylloj jallpʼasnin ukhupitaj qorqanku: Eltequeta pasto jallpʼasnintawan, Guibetonta pasto jallpʼasnintawan, 24 Ayalonta+ pasto jallpʼasnintawan, Gat-Rimonta pasto jallpʼasnintawan. Chay tawa llajtasta qorqanku.

25 Manasespa khuskan ayllunpa jallpʼasnin ukhupitaj kay llajtasta qorqanku: Taanacta+ pasto jallpʼasnintawan, Gat-Rimonta pasto jallpʼasnintawan. Chay iskay llajtasta qorqanku.

26 Chay wakin cohatita familias japʼisqanku llajtasqa tukuyninpi karqanku chunka llajtas, pasto jallpʼasnintin.

27 Levita familiasmanta guersonitasqa,+ Manasespa khuskan ayllunpa jallpʼasninpi iskay llajtasta japʼerqanku: Basanpi Golanta+ pasto jallpʼasnintawan, chay llajtaqa karqa runata wañuchejkuna pakakunankupaj, chantá Beesterata pasto jallpʼasnintawan.

28 Isacar ayllu+ ukhupitaj kay llajtasta japʼerqanku: Quisionta pasto jallpʼasnintawan, Daberatta+ pasto jallpʼasnintawan, 29 Jarmutta pasto jallpʼasnintawan, En-Ganimta pasto jallpʼasnintawan. Chay tawa llajtasta japʼerqanku.

30 Aser ayllu+ ukhupitaj kay llajtasta japʼerqanku: Misalta pasto jallpʼasnintawan, Abdonta pasto jallpʼasnintawan, 31 Helcatta+ pasto jallpʼasnintawan, Rehobta+ pasto jallpʼasnintawan. Chay tawa llajtasta japʼerqanku.

32 Neftalí ayllu ukhupitaj kinsa llajtasta japʼerqanku, Quedesta+ pasto jallpʼasnintawan. Chay llajtaqa kashan Galileapi, chantapis chay llajtaqa karqa runata wañuchejkuna pakakunankupaj.+ Chantá japʼillarqankutaj Hamot-Dorta pasto jallpʼasnintawan, Cartanta pasto jallpʼasnintawan.

33 Guersonitasqa familiasninkuman jina tukuyninpi japʼerqanku 13 llajtasta, pasto jallpʼasnintawan.

34 Levitasmantaqa merarita+ familias puchorqankuraj. Paykunaqa Zabulón ayllu+ ukhupi kay llajtasta japʼerqanku: Jocneamta+ pasto jallpʼasnintawan, Cartá llajtata pasto jallpʼasnintawan, 35 Dimnata pasto jallpʼasnintawan, Nahalalta+ pasto jallpʼasnintawan. Chay tawa llajtasta japʼerqanku.

36 Rubén ayllu ukhupitaj japʼerqanku: Bezerta+ pasto jallpʼasnintawan, Jahazta pasto jallpʼasnintawan,+ 37 Quedemotta pasto jallpʼasnintawan, Mefaatta pasto jallpʼasnintawan. Chay tawa llajtasta japʼerqanku.

38 Gad ayllu+ ukhupitaj japʼerqanku Galaadpi pakakuna llajta Ramotta pasto jallpʼasnintawan,+ Mahanaimta+ pasto jallpʼasnintawan, 39 Hesbonta+ pasto jallpʼasnintawan, Jazerta+ pasto jallpʼasnintawan. Chay tawa llajtasta japʼerqanku.

40 Levita familiasmanta puchorqankuraj chay meraritasqa, familiasninkuman jina tukuyninpi japʼerqanku 12 llajtasta.

41 Israelitaspa jallpʼasninku ukhupi levitaspa japʼisqanku llajtasqa tukuyninpi karqanku 48 llajtas, pasto jallpʼasnintin.+ 42 Sapa llajtaj muyuyninpi pasto jallpʼas karqa. Tukuy chay llajtasqa pasto jallpʼasniyoj karqanku.

43 Ajinata Jehová Diosqa israelitasman tukuy chay jallpʼasta qoporqa, ñaupa tatasninkuman juraspa qonanta nisqanman jina.+ Paykunataj chay jallpʼasta japʼikapuspa chaypi tiyakaporqanku.+ 44 Chantapis Jehová Diosqa chay jallpʼaspi allin kausayta paykunaman qorqa,* ñaupa tatasninkuman juraspa nisqanman jina.+ Mana mayqen enemigonkupis paykunaman sayaykuyta aterqachu,+ imaraykuchus Jehová Diosqa tukuy enemigosninkuta makisninkuman jaywaykorqa.+ 45 Jehová Dios israelitasman sumaj imasta qonanta nisqanmantaqa, ni ujpis qhepakorqachu mana juntʼakuspaqa, tukuy ima nisqanpuni juntʼakorqa.+