2 Juan

1 Noqa anciano* qhelqamuyki qanman ajllasqa señora, wawasniykimanwan. Qankunataqa cheqamanta munakuykichej. Mana noqallachu, manachayqa cheqa kajta tukuy rejsejkunapis munakullasunkichejtaj. 2 Qankunataqa munakuyku cheqa kajrayku, chay cheqa kajqa noqanchejpi kashan, wiñaypajtaj noqanchejwan kallanqapuni. 3 Tata Diosqa Wawan Jesucristowan khuska cheqa kajta yachachiwasun, munakuwasuntaj. Paykunaqa qowasun bendicionesta, khuyakuyta, sonqo tiyaykuytawan.

4 Maytapuni kusikorqani wakin wawasniyki cheqa kajpi purishasqankuta yachaspa,+ Tata Dios kamachiwasqanchejman jina. 5 Kunantaj señora, kasukunaykita mañakuspa qhelqamuyki, mana mosoj kamachisqatachu, manachayqa qallariymantapacha tiyapuwarqanchej chay kamachisqallata: Ujkuna ujkunawan munanakunanchejta.+ 6 Kaymin munakoyqa: Tata Diospa kamachisqasninman jina purinanchej.+ Kaymin chay kamachisqaqa, mayqentachus qallariymantapacha uyarerqankichej chay: Munakuypi purillaychejpuni. 7 Ashkha chʼaukiyajkuna* kay mundopi rikhurinku,+ paykunaqa ninku Jesucristoqa mana runaman tukuspachu jamusqanta.+ Chayta nejqa chʼauka, anticristotaj.*+

8 Allinta qhawarikuychej ama chinkachinaykichejpaj, imastachus mayta llankʼaspa tarerqayku chaykunata, ajinamanta tʼinkaykichejta tukuyninta japʼinaykichejpaj.+ 9 Pichus mana Cristoj yachachisqanman jina kausakuspa pantasqata yachachejqa, manamin Diospaj ñaupaqenpeqa allinpaj qhawasqachu kashan.+ Pichus Cristoj yachachisqanman jina kausakojtaj, allinpaj qhawasqa kashan Tata Diospa ñaupaqenpi, Wawanpa ñaupaqenpipis.+ 10 Sichus pipis qankunaman jamuspa mana Cristoj yachachisqanman jinachu yachachin chayqa, ama chay runata wasiykichejpi japʼikuychejchu,+ nitaj napaykullaychejpischu. 11 Pichus chay runata napaykojqa sajra ruwasqasninta ruwaysishan.

12 Ashkha imastaraj qankunaman qhelqamunay kashajtinpis, mana munanichu chay imasta cartallapi qhelqamuytaqa. Astawanqa qankunaman jamuyta munani uyapura parlarikunanchejpaj, ajinamanta mayta kusikunaykichejpaj.

13 Ajllasqa hermanaykej wawasnin napaykamusunku.