Isaías

18 Ay khuruspa lijrasninku* sonarisqallan uyarikun chay nacionmanta,

Etiopía mayus chaynejpi.+

 2 Chay nacionqa mar qochanta willajkunata kachan,

yakunta kachan papiro nisqa totoramanta ruwasqa barcospi, nintaj:

“Riychej, usqhayta willajkuna,

jatun runasniyoj, lluskʼa qara runasniyoj nacionman,

tukuyta manchachej llajtaman,+

atiyniyoj kasqanrayku tukuyta atipaj nacionman,

qʼala yakoj mayllasqan jallpʼasniyoj nacionman”, nispa.

 3 Tukuynejpi tiyakojkuna, jallpʼantinpi tiyakojkuna,

imatachus rikunkichej chayqa orqo puntaspi churasqa señal jina kanqa.

“Noqaqa sonqo tiyaykusqa karikusaj, sumaj sayachisqa lugarniyta qhawarisqa,*

inti kʼanchay ruphamusqan jina,

cosecha tiempopi ruphamojtin pampa phuyu jina.

 5 Niraj cosecha tiempo chayamushajtin,

tʼika pasasqantawan uvas poqoykushajtin,

mosoj ramasqa josewan kʼutusqa kanqa,

chʼipanitasninpis qʼala kʼutusqa kanqa.

 6 Ayasninkoqa* orqosmanta aycha mikhu pʼisqospaj kanqa,

jallpʼapi purej animalespajwan.

 7 Chay tiempopi angelesta kamachej Jehová Diospaj regalota apamonqanku,

jatun runasniyoj, lluskʼa qara runasniyoj nacionmanta,

tukuyta manchachej llajtamanta,

atiyniyoj kasqanrayku tukuyta atipaj nacionmanta,

qʼala yakoj mayllasqan jallpʼasniyoj nacionmanta.