¿Ima milagrostaj ruwakonqaña?

HOSPITALMAN operachikoj yaykushasqaykipi tʼukuriy, ¿imaynataj sientekuwaj doctorniyki ni jaykʼaj operasqanta yachaspa? Cheqamanta nisunman may llakisqachá kashasqaykita. Chaywanpis doctorniyki ashkha runastaña onqoyniykimanta jina operasqanta, sumaj doctor kasqanta ima yachaspaqa, chay doctorpi atienekuwaj, ¿icharí?

Kay pachapis onqosqa jina kashan, necesitantaj uj sumaj doctorta. Jehová Diosqa, Biblianejta kay Jallpʼata uj paraisoman tukuchinanta nin (2 Pedro 3:13). Chaywanpis paraisoman tukunanpaj ñaupajtaqa sajra runasraj chinkachisqa kanan tiyan (Salmo 37:9-11; Proverbios 2:21, 22). Jallpʼanchejqa, ni jaykʼaj uj paraisoman tukunmanchu, tukuy runasta mayta ñakʼarichej imas mana chinkachisqa kajtenqa. Chaypajqa, ¡uj milagro ruwakunanpuni tiyan! (Apocalipsis 21:4, 5.)

Jehovaj testigosnin sutʼita yachanku, uj chhikamantawan kay Jallpʼapi allin kausay kananta. ¿Imaraykutaj? Imaraykuchus Jehová Dios milagrosta ruwasqanqa, nisqanta juntʼananpaj atiyniyoj kasqanta rikuchin. Bibliapi parlaj milagrosmanta sojtallata, aswan qhepaman imachus kananta Diospa nisqanwan kikincharina.

Bibliaj nisqanta astawan yachakunaykita munayku. Creeyniyki kallpachakusqanman jinataj, Jehová milagrosta pisi tiempomantawan ruwananpi suyakusqaykipis kallpachakullanqataj.

[9, 10 paginaspi recuadro, dibujo/foto]

MILAGRO:

JESUSQA, MILAGRONEJTA ASHKHA RUNASTA MIKHUCHERQA. (MATEO 14:13-21; MARCOS 8:1-9; JUAN 6:1-14)

BIBLIA NIN:

“Jallpʼaqa sumajta poqon[qa], Diosninchejtaj bendeciwa[su]nchej.” (SALMO 67:6)

ALLINNINCHEJPAJ:

NI PI YARQHAYMANTA WAÑUNQAÑACHU.

MILAGRO:

JESUSQA, CIEGOSTA QHAWATATACHERQA. (MATEO 9:27-31; MARCOS 8:22-26)

BIBLIA NIN:

“Ciegospis rikuyta atenqanku.” (ISAÍAS 35:5)

ALLINNINCHEJPAJ:

CIEGOS RIKUYTA ATENQANKU.

MILAGRO:

JESUSQA, SUCHUSTA SANOYACHERQA. (MATEO 11:5, 6; JUAN 5:3-9)

BIBLIA NIN:

“Cojosqa tarukas jina phinkiykachanqanku.” (ISAÍAS 35:6)

ALLINNINCHEJPAJ:

RUNASQA ONQOYKUNAMANTA SANOYACHISQAS KANQANKU.

MILAGRO:

JESUSQA, RUNASTA IMAYMANA ONQOYMANTA SANOYACHERQA. (MARCOS 1:32-34; LUCAS 4:40)

BIBLIA NIN:

“Mana pipis nenqachu: Onqosqa kani, nispaqa.” (ISAÍAS 33:24)

ALLINNINCHEJPAJ:

TUKUY LAYA ONQOYKUNA CHINKANQA.

MILAGRO:

JESUSQA, WAYRAWAN, QOCHAWAN IMA KASUCHIKORQA. (MATEO 8:23-27; LUCAS 8:22-25)

BIBLIA NIN:

“Chaypi wasista ruwakuspa, tiyakonqanku. Uva huertasta churanqanku, poqoynintataj mikhonqanku. Paykunaqa mana qhasipajchu llankʼanqanku.” (ISAÍAS 65:21, 23)

“Manañataj manchachikunkichu, imaraykuchus manchachikoyqa manaña qanman qayllamusonqachu.” (ISAÍAS 54:14)

ALLINNINCHEJPAJ:

MANAÑA JATUCHAJ LLAKIYKUNA KANQACHU.

MILAGRO:

JESUSQA, WAÑUSQASTA KAUSARICHERQA. (MATEO 9:18-26; LUCAS 7:11-17)

BIBLIA NIN:

“Tukuy pʼampasqa kajkunaqa [...] kawsarimponqanku.” (JUAN 5:28, 29)

“Mama qochaqa chaypi wañusqa kajkunata jaywaporqa. Wañuypis, [...] wañusqa kajkunata jaywapullarqataj.” (APOCALIPSIS 20:13)

ALLININCHEJPAJ:

MUNASQA FAMILIARESNINCHEJ KAYSARIMONQANKU.