Imastachus yachakusqanchejpi tʼukurina

Estudiayta tukuytawan, ¿imatachus estudiasqanchejta nichu yuyarikuyta atillanchej? Tukuyta chay pasawanchej. ¿Imataj yanapawasunman yuyarikunapaj? Imastachus yachakusqanchejpi tʼukuriy.

Estudiashaspaqa tʼukurinapuni imatachus yachakushasqanchejpi. Apóstol Pabloqa, cartanta estudiaj hermanosman chaytapuni ruwanankuta nerqa. Pay nerqa: “Chay nisqaykuwanqa kayllata niyta munashayku”, nispa (Heb. 8:1). Ajinamanta paykunata yanaparqa imatachus nishasqanta entiendenankupaj, tukuy ima nisqantaj ujlla kasqanta entiendenankupaj.

Estudiayta tukuytawanqa tʼukurinapuni, ichapis 10 minutosta tʼukurisunman. Imastachus yachakusqanchejta mana sumajta yuyarikunchejchu chayqa, yuyarikunapaj subtitulosninta, sapa parrafoj qallariyninta tumpata leerisunman. Uj mosoj imata yachakuspataj, imatachus entiendesqanchejta palabrasnillanchejpi nina. Imastachus yachakusqanchejpi tʼukurispaqa chay imasta mana qonqapullasunchu. Chantapis imaynatachus kausayninchejpi chayman jina ruwanata sumajta reparasun.