Tapuykunapaq

◼ ¿Ima iskay publicacioneswantaq Bibliamanta yachakuqkunaman yachachinanchik tiyan?

Bibliamanta runata yachachinapaqqa, kay ¿Imatapunitaq Biblia yachachin?, libro kapuwanchik. Mayqin publicacionwanpis chayri juk tratadowanpis, Bibliamanta runaman yachayta qallarisunman, chaywanpis, usqhayllata Yachachin, libroman pasananchik tiyan. Yachachin librowan runaman yachachiyta qallarispaqa, aswan sumaqta runata yanapakusqanta rikukun.

Bibliamanta yachakuq Yachachin, librota yachaqayta tukuptinqa, kay Kʼata chiqa Diosta yupaychana, librowanñataq yachachisunman (Col. 2:7). Kay libro 2 paginanpi jinatanin: “Diospa yachachisqamanta ‘entiendeyta atinkichej ukhunman, sayayninman ima’ (Efesios 3:18). Kay libroqa chaypaq ruwasqa kachkan. Astawan Diosta riqsinaykipaq yanapasunanta munayku, kawsayman pusaq kʼullku ñannintataq purinaykipaq wakichisqa kanaykipaq ima”.

Bibliamanta yachakuq, manaraq kay iskaynin librosta yachaqayta tukuchachkaspa, kawsayninta chiqanchaspa bautizakun chayqa, payqa kay iskaynin librosta tukuchanankama yachakunallanpuni tiyan. Kay yachakuqqa bautizasqañapis kachun, hermanoqa atinman yupayta machkha horastachus yachachisqanta, chantapis yachakuqtajina, revisitatajina ima. Hermanowan riqpis, atillanmantaq machkha horasta yachachisqankuta yupayta.