Allinta qhawarikuna mana llulla imasta wajkunaman willaranapaj

Kay tiempopeqa ima noticiapis usqhayllata tukuy runasman chayan periodiconejta, radionejta, telenejta chayri Internetnejta. ‘Cheqa Diosta’ yupaychajkunaqa ni imaynamanta munanchejchu llulla imasta tukuyman willarayta (Sl 31:5; Éx 23:1). Wajkunamanta imallatapis waj runasman willaspaqa, wajkunata llakiypi rikhurichisunman. Imallapis ciertochus manachus kasqanta yachanapajqa kaykunapi piensarina:

• ¿Atienekunapaj jinachu willawarqanchej chay runa? Chay runaqa ichapis mana tukuy imatapunichu yachan. Runasqa yapasqataña wajkunaman imatapis willasunman. Chayrayku allinta qhawarikuna mana allinta yachaspaqa. Diospa llajtanta ñaupajman apajkunapeqa mayta atienekunchej. Chayrayku paykunaqa astawanraj allinta qhawarikunanku tiyan, imallatapis mana allinta yachaspaqa mana wajkunaman willanankupaj.

• ¿Pillatapis pʼenqaypichu rikhurichenqa? Pillatapis pʼenqaypi rikhurichenqa chayqa, mana wajkunaman imatachus yachasqanchejta willaranachu (Pr 18:8; Flp 4:8).

• ¿Willawasqanchej ciertochu? Allinta qhawarikuna yapasqa willaykunamanta chayri cuentosmanta.

AMA CUENTO QʼEPI KAYCHU NISQA VIDEOTA QHAWAYTAWAN, KAY TAPUYKUNAMAN KUTICHIY:

• 

  Proverbios 12:18 nisqanman jina, ¿imamantataj qhawarikunanchej tiyan?

• 

  Filipenses 2:4 nisqan, ¿imaynatataj yanapawanchej mana wajkunamanta imatapis parlarparinallapaj?

• 

  ¿Imatataj ruwasunman wajkuna mana allinta parlayta qallarishajtinku?

• 

  Wajkunamanta niraj parlashaspa, ¿imaspitaj piensarinanchej kanman?