¿Imatá Diospa Gobiernon ruwanqa onqoykunawan?

Doctor Tedrosqa 22 de mayo de 2023 watapi nerqa: “COVID-19 onqoy niña ancha sinchʼichu kasqanqa, mana niyta munanchu wañuchej onqoykuna chinkananta. [...] Chayrayku waj wañuchej onqoy chayamunanpaj wakichisqa kananchej tiyan”, nispa. (Doctor Tedros Adhanom Ghebreyesusqa director general de la Organización Mundial de la Salud nisqamanta).

COVID-19 onqoy kasqanrayku ashkha runasqa kunankama nanaykunasta sienteshallankupuni, llakisqastaj kashanku. Gobiernoswan doctoreswan, ¿wakichisqachu kashankuman waj wañuchej onqoypaj? ¿Paykuna kay tiempopi onqosqa kajkunata jampisqata jampiyta atinkumanchu?

Bibliaqa niwanchej: “Cielopi kaj Diosqa uj gobiernota sayarichenqa”, nispa. Chay gobiernotaj yanapawasun sanitos kanapaj (Daniel 2:44). Chaypachaqa “ni mayqen runapis nenqachu: ‘Onqosqa kani’, nispaqa” (Isaías 33:24). Tukuy runas sanitos, kallpayojtaj kanqanku jóvenes jina (Job 33:25).