Sutʼinchaynin

e Persiamanta rey Jerjes I munaynillanta ruwaj, sajrataj karqa. Historiador griego Herodotoqa, rey Jerjes I, Greciawan maqanakunanpaj rishaspa, phiña runa kasqanmanta qhelqarqa. Herodoto nisqanman jina, chay reyqa uj kuti Helesponto cheqapi uj qochata chimpanankupaj uj puenteta ruwanankuta kamacherqa. Sinchʼi wayra puenteta thuñirparejtintaj, mayta phiñakuspa, puenteta ruwajkunaj umasninkuta qholuracherqa. Yakutapis maldecispa “jasutʼicherqa”. Chaypachallataj uj qhapaj runa, wawan mana soldadon kananpaj mañakojtin, chay waynata iskayman khuchucherqa, wajkuna mana kikinta mañakunankupajtaj ayanta sutʼiman churacherqa.