LECCIÓN 25
¿Imatá Diosninchej runaspaj munan?
Bibliaqa niwanchej runasqa pisi watasllata kausasqanchejta, manchaytataj ñakʼarisqanchejta (Job 14:1). ¿Jehová Dios ajinata kausakunanchejtachu munarqa? Mana. ¿Imatá Diosninchej runaspaj munarqa? ¿Diosninchej imatachus runaspaj munasqan juntʼakonqapunichu? Chay tapuykunaman Biblia kutichiwasun.
1. ¿Imaynata kausakunanchejpajtaj Dios ruwawarqanchej?
Jehová Diosqa Adantawan Evatawan kusisqa kausakunankupaj ruwarqa. Chayrayku paykunata uj kʼachitu huertaman churarqa. “Diosqa paykunata bendecispa nerqa: ‘Miraychej, ashkhayaychejtaj. Jallpʼantinman juntʼaykuychej, tarpuychejtaj’”, nispa (Génesis 1:28). Chaywan nisharqa Adanwan Evawan wawasniyoj kanankuta, jallpʼantinta uj kʼachitu paraisoman tukuchinankuta, animalestapis cuidanankuta. Chantapis Jehovaqa munarqa sanitos, kusisqastaj wiñaypaj kausakunanchejta.
Jinapis, ¿imaraykutaj mana ajinatachu kausakushanchej?a Chanta, ¿imatachus Dios runaspaj munasqan juntʼakonqapunichu? Arí, juntʼakonqapuni (Isaías 46:10, 11). Diosqa munan payta kasukojkuna mana onqospa wiñaypaj kay jallpʼapi kausakunankuta (Apocalipsis 21:3, 4 leey).
2. ¿Imatá ruwasunman kay tiempopi kusisqa kausakunapaj?
Llakiykuna, problemas kajtinpis kusisqa kausakunapajqa, Jehová Diosta yupaychananchej tiyan. Payta yupaychaspaqa yachasun imapajchus kausasqanchejta. Bibliapi niwanchej: “Kusisqa kanku Diosta necesitasqankuta reparakojkunaqa”, nispa (Mateo 5:3-6 leey). Jehová Diosqa munan payman qayllaykunanchejta, ‘ñanninta purinanchejta, payta munakunanchejta, tukuy sonqotaj sirvinanchejtaʼ (Deuteronomio 10:12; Salmo 25:14).
ASTAWAN YACHAKUNA
Kaypi yachakusun Jehová Diosninchej jallpʼata noqanchej kausakunanchejpaj jina ruwasqanta. Yachakullasuntaj kusisqa kausakunapaj imatachus ruwananchej kasqanta.
3. Diosqa kusisqa kausakunata munan
VIDEOTA qhawariychej, chantá yachakojta tapuriy:
¿Imapajtaj Jehová Diosninchej kay jallpʼata ruwasqa?
Eclesiastés 3:11 leeriychej, chantá yachakojta tapuriy:
¿Imatataj Jehová Dios runaspaj munasqa?
4. Jehová imatachus runaspaj munasqanqa juntʼakonqapuni
Salmo 37:11, 29; Isaías 55:11 leeriychej, chantá yachakojta tapuriy:
¿Imaynapí yachanchej Jehová Dios imatachus runaspaj munasqan juntʼakunantapuni?
Runasqa kay jallpʼanchejta mana allinman tukuchishanku. Jinapis Jehová Diosqa kay jallpʼata allinchanqa, imaynatachus uj thanta wasita allinchanchej ajinata.
5. Jehovata sirveyqa kusichiwanchej
Imapajchus kausashasqanchejta yachayqa mayta kusichiwanchej. VIDEOTA qhawariychej, chantá yachakojta tapuriy:
Terumi sutiyoj señorata, ¿Jehová Diosta rejsisqan kusichisqachu?
Eclesiastés 12:13 leeriychej, chantá yachakojta tapuriy:
Jehová Dios tukuy imata ruwapuwasqanchejrayku, ¿imatataj agradecekunapaj ruwananchej kasqa?
ICHÁ WAKIN TAPUSONQANKU: “¿Imatá ruwasunman kusisqa kausakunapaj?”, nispa.
Jinata tapusojkunaman, ¿imatá kutichiwaj?
¿IMASTÁ YACHAKUNCHEJ?
Kaypi yachakunchej Jehová Diosqa wiñaypaj kay jallpʼapi kausakunata munasqanta. Yachakullanchejtaj kunanña Jehovata tukuy sonqo sirvispaqa kusisqa kausakunata.
Yuyarikunapaj
Adantawan Evatawan ruwashaspa, ¿imaynata kausakunankutataj Dios munarqa?
¿Jehová imatachus runaspaj munasqan juntʼakonqapunichu?
¿Imatá ruwasunman kunanña kusisqa kausakunapaj?
ASTAWAN YACHAKUNAYKIPAJ
¿Edén huerta karqapunichu? Chayta yachanaykipaj kayta leeriy.
“Edén huerta ¿juk cuentollachu?” (Torremanta Qhawaj, 1 de abril de 2011)
¿Kay jallpʼanchej chinkachisqachu kanqa chayri manachu? Chayta yachanaykipaj kayta leeriy.
“¿Jallpʼa thuñisqachu kanqa?” (Chaytaqa Internetpi jw.org nisqapi tarinki)
¿Bibliapi willawanchejchu imapajchus Jehová Dios ruwawasqanchejta? Chayta yachanaykipaj kayta leeriy.
“¿Imapajtaj kausanchej?” (Chaytaqa Internetpi jw.org nisqapi tarinki)
¿Imaraykutaj uj runa tukuy imayoj kaspapis mana kusisqachu karqa? Chayta yachanaykipaj kay videota qhawariy.
a Qhepan leccionpi yachakusun imajtinchus sufrishasqanchejta.