¿Imatá Biblia Mesiasmanta willarqaña?

“Qanmantataj Belén Efrata, [...] qanmantaqa noqapaj uj kamachej llojsenqa, Israelpi kamachinanpaj”.

Miqueas 5:2

“Jesusqa Judeapi kaj Belén llajtapi nacekorqa, rey Herodes kamachishajtin. Chaymantataj inti llojsimuynejmanta chʼaskasta qhawaj yatiris Jerusalenman jamuspa”.

Mateo 2:1

“Ropasniyta partinakunku, ropayrayku suerteta choqanku”.

Salmo 22:18

“Jesusta rakhu kʼaspiman clavaytawan, soldadosqa ropanta tawaman tʼaqaspa partinakorqanku [...]. Chay ropanqa mana sirayniyoj karqa, patamanta urakama awasqa kasqanrayku. Soldadostaj ninakorqanku: ‘Kaytaqa ama llikʼinachu. Suerteta choqanachej pipajchus kananta yachanapaj’, nispa”.

Juan 19:23, 24

“Payqa tukuy tullusninta waqaychashan. Ni uj tullullanpis pʼakisqachu karqa”.

Salmo 34:20

“Jesusman qayllaykuspataj wañusqataña rikorqanku. Chayrayku mana chakisninta pʼakerqankuñachu”.

Juan 19:33

“Paytaqa juchasninchejrayku tʼojserqanku”.

Isaías 53:5

“Ujnin soldadotaj Jesuspa wajtannin chaynejta lanzawan tʼojserqa, chay ratopachataj yawarwan yakuwan llojsimorqa”.

Juan 19:34

“Paykunataj pagapuwarqanku 30 qolqesta”.

Zacarías 11:12, 13

“Chaypacha 12 apostolesmanta ujnin, Judas Iscariote sutiyojqa kuraj sacerdotesman rerqa, taporqataj: ‘Jesustachus jaywaykuykichejman chayqa, ¿imatataj qowankichejman?’, nispa. Paykunataj 30 qolqesta qonankuta nerqanku”.

Mateo 26:14, 15; 27:5