Cristiano Kausayninchej tantakuypaj referencias — INTERNETPI BIBLIOTECA Watchtower

Cristiano Kausayninchej tantakuypaj referencias

3-9 DE OCTUBRE

BIBLIAMANTA SUMAJ YACHACHIYKUNA | PROVERBIOS 1-6

“Tukuy sonqoykiwan Tata Diospi atienekuy”

(Proverbios 3:1-4) Yachachisusqaymanta ama qonqapuychu, wawáy; sonqoykipi waqaychay kamachisqasniyta. ² Chantá unay watasta kawsakunki, may sonqo juntʼasqataj tiyakunki. ³ Khuyakuymanta, cheqa kajmantawan ama jaykʼajpis tʼaqakunkichu. Qanqa chaykunata apaykachay uj walqapis kanman jinata, sonqoykipitaj sumajta qhelqaykuy. ⁴ Chaywan khuyakuyta tarinki; Diospis, runaspis allimpaj qhawasonqanku.

w00-S 15/1 págs. 23, 24

Jehovaman astawan qayllaykuna

JESUSPA yachachisqan Santiago nerqa: “Diosman astawan qayllaykuychej; paypis qayllamusonqachej”, nispa (Santiago 4:8). Davidtaj takerqa: “Tata Diosqa payta manchachikojkunamanta ni imata pakanchu”, nispa (Salmo 25:14). Kaytaj rikuchiwanchej, Jehová Dios payman qayllaykunanchejta munasqanta. Jinapis kamachisninmanta mana tukuychu paypa qayllanpi kashasqankuta yuyanku.

¿Ima nisunmantaj noqanchejmanta? ¿Diospa qayllanpichu kashanchej? Tukuypis payman qayllaykuyta munanchej. ¿Imatá ruwasunman payman qayllaykunapaj? ¿Imaynatá qhawanchej Diosman qayllaykuyta? Proverbios libromanta kinsa kaj capítulo chay tapuykunaman kutichin.

Khuyakoj runa kana, cheqatataj parlana

Rey Salomonqa Proverbios libroj kinsa capitulonta ajinata qallarin: “Yachachisusqaymanta ama qonqapuychu, wawáy; sonqoykipi waqaychay kamachisqasniyta. Chantá unay watasta kawsakunki, may sonqo juntʼasqataj tiyakunki”, nispa (Proverbios 3:1, 2). Salomón chayta nerqa Dios payman yuyaychasqanrayku, chayrayku nisunman Jehová Dios uj tata jina noqanchejman chayta yuyaychashawasqanchejta. Kay yuyarichiwanchej Diospa nisqanman jina, kamachiykunasninman jinataj imatapis ruwana kasqanta. Diospa nisqasnintaj Bibliapi kashan. Chayman jina ruwajtinchejqa “unay watasta kawsaku[sun], may sonqo juntʼasqataj tiyaku[sun]”. Kunanpis wajkunawan allinta kausakusun, nitaj imatapis ruwasunchu suwa runas jina, kausayninchejta wañuy pataman churanapaj. Chantapis uj mosoj jallpʼapi wiñaypaj kausakuyta suyakusun (Proverbios 1:24-31; 2:21, 22).

Salomón nillarqapuni: “Khuyakuymanta, cheqa kajmantawan ama jaykʼajpis tʼaqakunkichu. Qanqa chaykunata apaykachay uj walqapis kanman jinata, sonqoykipitaj sumajta qhelqaykuy. Chaywan khuyakuyta tarinki; Diospis, runaspis allimpaj qhawasonqanku”, nispa (Proverbios 3:3, 4).

“Khuyakuy” palabraqa, hebreo parlaypi niyta munallanmantaj “tukuy sonqo sinchʼita munakuy”. Ajinata munakoj runaqa mana wasanchaj, qorikoj, Diosmantataj mana karunchakunchu. Noqanchejrí, ¿ima kajtinpis Jehovallawanpunichu kasun? ¿Hermanosninchejwan kashaspa khuyakuyniyoj kasqanchejta rikuchinchejchu? ¿Hermanosman ujchasqa kanapaj kallpachakunchejchu? Llakiypi kashaspapis, ¿khuyakuywan kʼachatachu hermanosninchejwan parlanchej? (Proverbios 31:26).

Jehovaqa khuyakoj kasqanrayku, “perdonanapaj wakichisqa” kashan (Salmo 86:5). Unay wataspi juchallikusqanchejmanta pesachikusunchej, Diospa kamachiykunasninman jinataj kausakusunchej chayqa, Jehová Diosmanta “samakuy pʼunchaykuna” chayamuwasun (Hechos 3:19, Qheshwa Biblia). ¿Manachu allin kanman Jehová jina ruwananchej wajkunata perdonaspa? (Mateo 6:14, 15).

Jehovaqa “cheqa Señor”, munantaj payman qayllaykunanchejta, paymanta cheqa kajta yachakuspa (Salmo 31:5). Imaynatachus ‘llulla runas’ wajkunaj rikunallanta allin imasta ruwanku, ajinallatataj noqanchejpis hermanosninchejpa ñaupaqellanpi allin imasta ruwasun chayqa, puraj uyas kasun. Ajina runas kaspa, ¿Jehovaj amigon kasunmanchu? (Salmo 26:4). Puraj uyas kaspaqa sonsos kasunman, imajtinchus Jehovaj ñaupaqenpeqa “tukuy imapis sutʼipacha, qhatarasqataj kashan” (Hebreos 4:13).

Khuyakoj runa kasun, cheqatataj parlasun chayqa ‘Diospis, runaspis allimpaj qhawawasun’. Ajina kasqanchejtaj ‘uj walqa jina’ sumaj valorniyoj kanqa. Manataj runaspa ñaupaqellanpichu khuyakoj kasqanchejta rikuchinanchej tiyan, manachayqa ‘sonqonchejpi sumajta qhelqaykunanchej’ tiyan. Arí, khuyakoj runa, cheqa kajtataj parlajkuna kananchej tiyan.

Jehovallapi atienekuna

Rey Salomón nillanpuni: “Tukuy sonqoykiwan Tata Diospi atienekuy; ama qampa yachasqallaykipeqa atienekuychu. Tukuy ima ruwasqaykipi Tata Diosmantaqa yuyarikuy. Paymin cheqan ñanta pusasonqa”, nispa (Proverbios 3:5, 6).

Jehovaqa tukuy imata kajta ruwarqa. Payqa ‘kallpayoj, atiyniyojtaj’. Chayrayku payllapi atienekuna tiyan (Isaías 40:26, 29). Payqa nisqanta juntʼayta atin. Sutenqa niyta munan “Pay Munayninta Juntʼachin”. Chaytaj nisqasninta juntʼananpi astawan atienekunapaj yanapawanchej. Jehovaqa “mana jaykʼaj llullakoj” Dios (Hebreos 6:18). Payqa mayta munakuwanchej (1 Juan 4:8). “Tukuy ruwasqasnimpi cheqampuni, tukuy imapitaj kʼacha sonqoyoj” (Salmo 145:17). Mana Jehovapi atienekunchejchu chay, ¿pipitaj atienekusunman? Chayrayku Jehovapi atienekunapajqa ‘qhawana, yachanataj tiyan Tata Diosqa kʼacha kasqanta’. Chaytataj ruwasunman Bibliaj nisqanman jina kausakuspa, chaytaj allinninchejpaj kasqanpi tʼukurispa (Salmo 34:8).

¿Imaynatá Jehová munasqanman jina tukuy imapi ruwasunman? Uj salmota qhelqaj nerqa: “Tukuy chay ruwasqasniykipi unanchasaj; chay ruwasqasniykimanta tʼukurisaj”, nispa (Salmo 77:12). Diostaqa mana rikuyta atinchejchu, chayrayku payman qayllaykunapajqa tukuy ruwasqasninpi, imaynatachus unay tiempopi llajtanta yanapasqanpi tʼukurinanchej tiyan.

Chantapis Diosmanta mañakuspaqa paypi atienekusqanchejta rikuchinchej. Rey Davidqa “tukuy pʼunchay” Diosmanta mañakoj (Salmo 86:3). Ashkha kutispitaj tutantin Diosmanta mañakorqa. Chay kutismanta ujnenqa chʼin nisqa lugarespi pakakushajtin karqa (Salmo 63:6, 7). Apóstol Pablo yuyaychawanchej: “Santo espíritoj yuyaychaskanmanjina tucuy sonkowan mañacuspapuni caychej”, nispa (Efesios 6:18, Dios Parlapawanchej). ¿Mashkha kutita sapa día Diosmanta mañakunchej? ¿Diosmanta mañakuytapunichu munanchej? Llakiypi kaspa, ¿Diosmanta mañakunchejchu? Niraj imatapis ajllashaspa, ¿Diosmanta mañakunchejchu? Jehovaqa tukuy sonqo paymanta mañakojkunata munakun. Chayrayku mañakuyninchejta uyarinanmanta mana iskayrayanchejchu, chantapis ‘payqa cheqan ñanta pusawasun’.

Jehovapi atienekuyta atishaspa noqallanchejpi, chayri kay mundomanta may rejsisqa runaspi atienekoyqa may llakiy. Salomón nerqa: “Ama may yachayniyoj kasqaykita yuyakuychu. Tata Diosta manchachikuy, sajra kajmantataj tʼaqakuy. Chaymá cuerpoykipaj sumaj jampi jina kanqa, tukuy tullusniykitapis kallpachanqa”, nispa (Proverbios 3:7, 8). Diospa contranpi juchallikuyta manchachikusqanchejta rikuchina ruwasqanchejpi, yuyasqanchejpi, imaynachus kasqanchejpi ima. Ajinata manchachikusqanchejtaj, mana juchaman urmanapaj yanapawanchej, chantapis uj jampi jina, Diosman astawan qayllaykunapajtaj yanapawanchej.

Tukuy kapuwasqanchejta Jehovaman qona

¿Imata ruwaspataj Diosman qayllaykullasunmantaj? Rey Salomón nerqa: “Tukuy kapuyniykiwan Tata Diosta jatunchay, chajraykej poqoyninwan ima”, nispa (Proverbios 3:9). Diosta jatunchanchej payta respetaspa, paymanta, sutinmanta runasman willaspa, willakunallanpajpuni yanapakuspa ima. Noqanchejpa kapuyninchejqa tiemponchej, imatachus ruwayta yachasqanchej, kallpanchej, imaschus kapuwasqanchej ima. Chaykunamantataj aswan allin kajta qona tiyan. Imaynatachus tukuy kapuyninchejta apaykachasqanchej, ¿manachu rikuchinan kanman “Diospa reinonta, cheqan kaynintawan” ñaupajman churashasqanchejta? (Mateo 6:33).

(Proverbios 3:5-8) Tukuy sonqoykiwan Tata Diospi atienekuy; ama qampa yachasqallaykipeqa atienekuychu. 6 Tukuy ima ruwasqaykipi Tata Diosmantaqa yuyarikuy. Paymin cheqan ñanta pusasonqa. 7 Ama may yachayniyoj kasqaykita yuyakuychu. Tata Diosta manchachikuy, sajra kajmantataj tʼaqakuy. 8 Chaymá cuerpoykipaj sumaj jampi jina kanqa, tukuy tullusniykitapis kallpachanqa.

w00-S 15/1 pág. 24

Jehovaman astawan qayllaykuna

Jehovallapi atienekuna

Tukuy kapuwasqanchejta Jehovaman qona

Sumaj yachachiykunata maskʼana

(Proverbios 1:7) Yachaypa qallarikuynenqa Tata Diosta manchachikuymin; wampu runasrí qhesachanku yachayta, yachachiytawan.

w06-S 15/9 pág. 17 párr. 1

Proverbios libromanta wakin allin yachachiykuna

Bibliamanta tapuykunaman kutichiykuna:

1:7; 9:10. ¿Imaynatapitaj Jehovata manchachikuy “yachaypa”, chantá yachayniyoj kaypa qallariynin? Jehovata mana manchachikuspaqa mana imatapis yachasunmanchu. Payqa Tukuy Imata Ruwaj, Biblia qhelqakunanpajpis pay yuyaycharqa (Romanos 1:20; 2 Timoteo 3:16, 17). Jehovallamanta jamun cheqa kaj yachayqa. Chayrayku Jehovaj sonqonta nanachiyta manchikuspaqa, yachakuyta qallarinchej. Chantapis Diosta manchachikoyqa yachayniyoj kaypa qallariynin. Mana yachakuspaqa, mana yachayniyoj kayta atisunmanchu. Chantapis Diospa sonqonta nanachiyta mana manchachikojqa, imatachus yachasqanwan mana Diosta jatunchanchu.

it-1-S pág. 526

Yachay

Yachayqa Jehovamanta jamun. Yachayqa Jehovamantapuni jamun. Kausaytapis Jehovallataj qowanchej, astawan yachakunapajtaj kausayta necesitanchej (Sl 36:9; Hch 17:25, 28). Chantapis Jehovaqa tukuy ima kajta ruwarqa. Chayrayku imastachus runas yachasqankoqa, Jehovaj ruwasqasninta qhawaspa yachakusqallanku kashan (Ap 4:11; Sl 19:1, 2). Chantapis Diosqa Bibliata qhelqacherqa, chaypitaj yachakuyta atinchej imachus munaynin kasqanta, imastachus ruwayta munasqanta ima (2Ti 3:16, 17). Chayrayku imamantapis yachakunapajqa Jehovamanta yachakuna tiyan. Pichus astawan yachakuyta munajtaj Jehovaj sonqonta nanachiyta manchikunan tiyan, ajinamanta Dioswan allinpi kanallanpajpuni. Imajtinchus “yachaypa qallarikuynenqa Tata Diosta manchachikuymin” (Pr 1:7). Diospa sonqonta nanachiyta manchikojqa maychus kajta yachakonqa, Diosmanta qonqapoj runatajrí, imastachus qhawasqanmanta pastasqata yuyayta qallarenqa.

(Proverbios 6:1-5) ¹^-2 Wawáy, sichus kawsaqeykimanta garante jina sayanki chayqa, chayri waj runamanta cuentallikunki chayqa, qanllataj tojllata churakushanki, kikin parlasqasniykiwantaj chʼipasqa rikhurinki. ³ Wawáy, ñapis runaj makimpiña kashaspa, chaymanta lluspʼinaykipajqa kayta ruway: Sonqoykita llampʼuyachiy; kʼumuykuspa, kawsaqeykimanta mañamuy. ⁴ Ama puñuychu, ni uj chhikallantapis puñuywan chʼutaychu. ⁵ Chay runamantaqa, wañuchejmanta taruka ayqekun, jinata ayqekuy; sipitata wakichejpa makinmanta uj pʼisqo ayqekun, jinata ayqekuy.

w00-S 15/9 págs. 25, 26

Wajkuna allinpajpuni qhawanawanchejpaj jina kausakuna

MAY KʼACHITU edificiospa planosninta ruwajtaqa, tukuypis “sumaj arquitecto” ninku. Escuelapi sumaj puntosniyoj chayri notasniyoj kajtaqa “mejor alumno” ninku. Mana imata ruwaj runaspis tukuypaj rejsisqa, “badolaque, qhella” nikuntaj. Wajkuna allinpaj qhawanawanchej may allin kasqanmanta parlaspa Biblia nin: “Allimpaj qhawasqa kay, munasqa kaytaj aswan allinraj kanku ashkha qorimanta, qolqemantawan nisqaqa”, nispa (Proverbios 22:1).

Wajkuna allinpaj qhawanawanchejpaj unayta kallpachakorqanchej. Jinapis uj kutillata mana allin kajta ruwajtinchejqa, tukuy chay ruwasqanchej qhasillapaj kanman. Sutʼincharinapaj, uj kutillata khuchichakuy juchapi urmaspa manaña allinpajchu qhawasqa kasunman. Chayrayku rey Salomonqa Proverbios libroj sojta capitulonpi willawanchej imaschus pisipaj qhawachiyta, Diosmantataj karunchayta atiwasqanchejta. Chaykunamanta wakenqa kanku: mana piensarispalla imatapis ruway, qhellakuy, wajkunata engañay, khuchichakuy jucha, chantá tukuy Jehovaj chejnisqan imas. Kaypi yuyaychawasqanchejman jina ruwaspaqa allinpaj qhawasqallapuni kasunchej.

Ama imatapis mana piensarispallaqa ruwanachu

Proverbios 6:1-3 nin: “Wawáy, sichus kawsaqeykimanta garante jina sayanki chayqa, chayri waj runamanta cuentallikunki chayqa, qanllataj tojllata churakushanki, kikin parlasqasniykiwantaj chʼipasqa rikhurinki. Wawáy, ñapis runaj makimpiña kashaspa, chaymanta lluspʼinaykipajqa kayta ruway: Sonqoykita llampʼuyachiy; kʼumuykuspa, kawsaqeykimanta mañamuy”, nispa.

Kay versiculospa nisqanqa yanapawanchej mana ima negociosmanpis metekunapaj, astawanraj mana rejsisqa runaswanqa. Unay tiempopi israelitasqa, llajta masinkuta wajchayajtin yanapananku karqa (Levítico 25:35-38). Jinapis wakin israelitasqa jatun negociosta sayarichej churakoj kanku, chaypajtaj waj runasta garanteta jina sayachikuspa qolqeta mañakoj kanku. Kunan tiempopipis chay pasallanmantaj. Sutʼincharinapaj, bancosqa niraj pimanpis qolqeta mañarishaspa qhawarinkuraj, mañakuyta munaj kutichipuyta atinantachus manachus. Mana atej jina kajtintaj uj garanteta sayachikunanta ninku. Chayrayku imatapis usqhayllata “ya” nispaqa mana yuyayniyoj runa jina ruwasunman. Ajinata ruwaspataj ichá manu rikhurisunman, chantapis bancos, qolqeta mañarejkuna ima niña allinpajchu qhawawasunman.

Ichá yuyarqanchej qolqeta mañakunanchej allin kasqanta, jinapis kunan allinta qhawarispa reparanchej mana allinchu kasqanta. Kunan manuña kaspa, ¿imatá ruwasunman? Biblia yuyaychawanchej mana jatunchakunata, ‘sonqonchejta llampʼuyachinata, kʼumuykuspataj runa masinchejmanta mañamunata’ manunchejta juntʼanapaj suyarinawanchejta. Tukuy atisqanchejta ruwananchej tiyan manaña manu kanapaj. Uj libro nin: “Tukuy atisqaykita ruway manusojwan allinchanaykipaj, manachayqa manuyki familiykiman chamonqa”, nispa. Chaytataj usqhayllata ruwana tiyan. Rey Salomón nin: “Ama puñuychu, ni uj chhikallantapis puñuywan chʼutaychu. Chay runamantaqa, wañuchejmanta taruka ayqekun, jinata ayqekuy; sipitata wakichejpa makinmanta uj pʼisqo ayqekun, jinata ayqekuy”, nispa (Proverbios 6:4, 5). Imatapis mana allinta yachaspaqa, aswan allin “mana” ninanchej, atikojtintaj allin kanman ni imaman metekunanchej.

Sikʼimira jina chayri chhaka jina trabajana

Rey Salomón yuyaychawanchej: “Qhella runa, chhakasta qhawariy; qhaway imatachus ruwasqankuta, chantá yachaqakuy”, nispa. ¿Imatataj yachakusunman sikʼimiraspa ruwasqankumanta? Salomón nerqa: “Chaykunaqa ni pi kamachishajtin, ni pi imatachus ruwanankuta nishajtin, mikhunata qʼoñi tiempopi tantanku, cosechapi mikhunata waqaychanku”, nispa (Proverbios 6:6-8).

Sikʼimirasqa may sumajta imatapis ruwanku, purajmantataj sumajta yanapanakunku. Paykunaqa aswan qhepapaj mikhunata tantanku. ‘Nitaj pipis paykunata kamachinchu, nillataj pipis imata ruwananta ninchu’. Arí, sikʼimiras ukhupeqa uj reina tiyan. Jinapis chay reinaqa runtusta churan, chay lugarpi kaj tukuy sikʼimiraspa mamantaj, chaylla. Mana imatapis kamachinchu. Sikʼimirasqa mana capatazniyoj chayri kamachejniyoj kaspapis, mana saykʼuspa trabajallankupuni.

¿Manachu noqanchejpis sikʼimiras jina trabajajkuna kananchej tiyan? Wajkuna qhawawajtinchejpis chayri manapis, aswan sumajta imatapis ruwanapaj kallpachakoyqa yanapawanchej. Escuelapi, trabajonchejpi, Diosta yupaychaypi ruwanasninchejta ruwashaspaqa, tukuy atisqanchejman jina sumajta ruwananchej tiyan. Imaynatachus sikʼimirasta trabajasqanku yanapan, ajinallatataj Diospis munan ‘trabajonchejwan tarisqanchejpi kusikunanchejta’ (Eclesiastés 3:13, 22; 5:18). Sumajta trabajaspaqa sonqo juntʼasqa kanchej, nitaj imamantapis sonqonchej juchachawanchejchu (Eclesiastés 5:12).

Salomonqa qhella runata yuyayninman kutirichinanpaj nerqa: “Qhella, maykʼajkamataj puñullankipuniri? Maykʼajkamataj winkullankipuniri?”, nispa. Qhella runamanta nillanpuni: “Puñuywan kʼaywinaykikama, makisniykita purajman simpʼaykukuspa puñunaykikama, wajchayayqa chayamusonqa, chay wajcha kayniykeqa uj puriskiri runa sayaykun, ajinata sayaykusonqa”, nispa (Proverbios 6:9-11). Wajchayayqa usqhayllata qhella runata winkushajtin uj suwa jina japʼirparin, thantayaytaj uj manchay armasniyoj runa jina. Qhella runaj chajrasninmanqa qhoras, khishkas juntʼaykun (Proverbios 24:30, 31). Qhella runaj ima negocio jatarichisqanpis chay rato pierden. Uj patrón, ¿mashkha tiempotataj uj qhella runata japʼikunman? Uj qhella wawa, ¿suyanmanchu escuelapi allin rinanta?

Mana llullakunachu

Rey Salomonqa waj ima uj runata pisipaj qhawachiyta, Diosmantapis karunchayta atisqanmanta nin: “Millay sajra runa kajqa llullata parlaspallapuni purin. Parlaspaqa, ñawillanwan chʼirmin; chakinwan señaspa parlan, dedosninwan rikuchispa. Sonqompirí sajra kaylla juntʼa kashan; tukuy tiempopi sajra kayllapipuni yuyan, runa masinta phiñachispallapuni purin”, nispa (Proverbios 6:12-14).

Kay versiculosqa engañaj llulla runamanta parlashan. Llulla runaqa llullakushasqanta mana reparachikuyta munanchu. ¿Imaynatá chayta ruwan? Mana “llullata parlaspalla[chu]”, manachayqa cuerponta kuyuchisqanwanpis. Kaymanta astawan parlaspa uj runa nin: “Uj runaqa pillatapis engañananpaj cuerponta kuyuchin, ujinamanta parlan, uyantapis creechikunanpaj jina churan. Jinapis chay runaj ukhunpeqa sajra yuyaykuna, nitaj uj yuyayllaman chayayta munay kashan”, nispa. Manakaj runaqa sajra imasta ruwayllapi yuyan, chʼajwallatataj rikhurichin. ¿Imapitaj chay runa tukonqa?

10-16 DE OCTUBRE

BIBLIAMANTA SUMAJ YACHACHIYKUNA | PROVERBIOS 7-11

“Sonqoykeqa chay warmej ñankunanmanta tʼaqakuchun”

(Proverbios 7:6-12) Uj kuti noqa wasi ventanaymanta wateqaspa qhawasharqani. ⁷ Chaynejta risharqanku manaraj yuyayniyojkuna wayna runas, repararqanitaj ujnin aswan wampu kasqanta. ⁸ Uj esquinaman chayaspataj, calleta chimparqa chay warmej wasinnejman. ⁹ Ñapis inti yaykusharqaña, laqhayaykusharqañataj. ¹⁰ Jinallamanta payta taripaj uj warmi llojsimorqapacha, phisu warmi jina kʼachanchasqa, sonqompitaj sajra yuyayniyoj. ¹¹ Payqa qhalincha mana kasukoj warmi, wasimpi mana kakuyta atej. ¹² Tukuynejpi wateqaspa purin, callespi, plazaspi, esquinaspi ima.

w00-S 15/11 págs. 29, 30

“Kasuy kamachisqasniyta, [...] chantaqa kawsanki”

Rey Salomón nerqa: “Dedosniykiman [kamachisqasniyta] wataykuy; sonqoykipi sumajta qhelqaykuy”, nispa (Proverbios 7:3). Dedosninchejqa sutʼipipuni kashanku, nitaj imatapis ruwayta atisunmanchu mana dedosninchejwanqa. Ajinallatataj juchʼuymantapacha chayri Bibliata estudiaspa Diosmanta yachakusqanchejta mana qonqanachu tiyan. Astawanpis sonqonchejpi japʼikunanchej tiyan, chayman jinataj kausakunanchej tiyan.

Rey Salomonqa yachayniyoj kay, sumajtataj entiendey may allinpuni kasqanman nerqa: “Yachayman niy: Kan panay canqui, nispa. Entendimientota niy: Kan quʼisqui amigoy canqui”, nispa (Proverbios 7:4, Quechua de Cuzce [QC]). Yachayniyoj kaspaqa Diospa nisqanman jinapuni kausakunchej. Chay jina kausaytataj munasqa hermananchejta jina munakunchej. ¿Imaynataj entiendej runa? Sumajta entiendej runaqa imallatapis allinta qhawarin, reparantaj imaynatachus chay qhawasqan ujchakusqanta, tukuynintaj imaynachus kasqanta. Imatapis sumajtapuni entiendenanchej tiyan, chaytaj uj sumaj amigonchej jina kanan tiyan.

¿Imaraykú Bibliaj nisqanman jinapuni kausakuna, yachayniyoj, sumajta entiendejtaj kana tiyan? Imaraykuchus chayqa yanapawasun, pillapis chayri mana rejsisqa warmi miskʼi simiwan, convencinawanchejpaj jina parlawasqanchejta mana kasunapaj, nisunman khuchichakuy juchapi mana urmanapaj. Arí, “chaykuna jarkʼa[wasun] khuchi warmimanta, wajpa warmin pichus miskʼi palabrasninwan sonqota suwajmanta” (Proverbios 7:5).

Manchay viva warmiwan tinkun

Israel llajtamanta reyqa, imatachus pay rikusqanmanta nerqa: “Uj kuti noqa wasi ventanaymanta wateqaspa [reja kʼajllunejmanta, Qheshwa Biblia] qhawasharqani. Chaynejta risharqanku manaraj yuyayniyojkuna wayna runas, repararqanitaj ujnin aswan wampu kasqanta. Uj esquinaman chayaspataj, calleta chimparqa chay warmej wasinnejman. Ñapis inti yaykusharqaña, laqhayaykusharqañataj”, nispa (Proverbios 7:6-9).

Salomón qhawasharqa chay ventanaqa rejayoj karqa, ichapis chay rejaqa maderamanta karqa, wakin kutistaj chayqa kʼajlluyoj kaj. Astawan tardeyaykusqanman jina, callesqa laqhallaña kasharqa. Reytaj ajinata laqhayaykushajtin uj joventa rikorqa, chay jovenqa mana yuyayniyoj kasqanrayku, “wampu” chayri sonso karqa. Chantapis payqa yacharqa ima lugarpichus kashasqanta, ima peligroschus kasqantapis. Jinapis uj warmej wasinman rina ñanpi kaj “esquinaman” qayllaykorqa. ¿Pitaj chay warmi? ¿Imatataj maskʼan?

Chayta qhawaj rey Salomón nillanpuni: “Jinallamanta payta taripaj uj warmi llojsimorqapacha, phisu warmi jina kʼachanchasqa, sonqompitaj sajra yuyayniyoj. Payqa qhalincha mana kasukoj warmi, wasimpi mana kakuyta atej. Tukuynejpi wateqaspa purin, callespi, plazaspi, esquinaspi ima”, nispa (Proverbios 7:10-12).

Imayna kʼachanchasqachus chay warmi kasqanqa pichus pay kasqanta reparachiwanchej (Génesis 38:14, 15). Payqa khuchi warmi jina kʼachanchasqa kasharqa. Chantapis payqa sajra yuyayniyoj, “vivo sonkoyoj” ima karqa (QC). Chay warmeqa qhalincha, mana kasukoj, chʼajwilli, gustosapa, habladora, terca. Wasinpi kakunanamantaqa plazaspi, callespi, esquinaspi sayan pillatapis wateqaspa. Sonso jina kajkunatataj japʼikapun.

“Ya” nichinanpaj jina parlasqan

Chay sonso jovenqa, millay kausaypi purej warmej makisninpi urman, pichus ñaupajmantaña imatachus ruwananta yuyaychakorqa, chaypajpi. Chayta rikusqan Salomonta tʼukucherqachá, pay nin: “Chay warmeqa chay waynata ojllaykuspa, muchʼaykorqa, mana pʼenqarikuspataj nerqa: Noqa allinyakuna jaywanata Diosman qonayta nerqani, chaytataj kunan pʼunchay juntʼaniña. Chayrayku, qanta taripasoj llojsimorqani; qantaqa rikusuytapuni munarqani, kunantaj tariyki”, nispa (Proverbios 7:13-15).

Chay warmeqa miskʼi simi, mana pʼenqarikuspataj parlaj. Tukuy imata nisqanqa chay jovenpa sonqonta suwananpaj jinapuni karqa. Chantapis Diosta sirvej, cheqantataj ruwaj warmi kasqanta rikuchinanpaj allinyakuna jaywanata, imatachus Diosman qonanta nisqantapis juntʼasqantaña nerqa. Jinapis chaytaqa nishallarqa. Allinyakuna jaywanaspeqa kaj, aycha, jakʼu, aceite, vino ima. Chaytataj templopi jaywaj kanku (Levítico 19:5, 6; 22:21; Números 15:8-10). Chayta nispaqa nisharqa wasinpi ashkha mikhuna, vino ima kasqanta. Imajtinchus allinyakunapaj jaywanata Diosman qojkunaqa, chay jaywasqankumanta paykunapaj, familiankupaj ima apakoj kanku. Chayta nispataj chay joven wasinpi kusirikunanta nisharqa. Imajtinchus paypuni taripaj llojsisqanta nerqa. Chay jina cuentota creenapajqa may sonsospunichá kana kanman. Bibliamanta yachaj uj runa nerqa: “Arí, chay warmeqa pillatapis maskʼasharqa. Jinapis, ¿chay joventapunichu maskʼasharqa? Chaytaqa chay joven jina sonso kajlla creenman”, nispa.

Chay warmeqa, sonso jovenpa sonqonta suwananpaj jina kʼachanchakorqa; miskʼi simiwan parlarqa; abrazaykorqa, miskʼi qʼapayniyoj siminwan muchʼaykorqa, chantá sumaj miskʼita qʼapaj imasmanta parlarqa. Nerqataj: “Puñunaytaqa sumajta kʼachanchaykuni Egiptomanta lino phulluswan. Chaytataj ima munayta qʼapaj perfumewan chʼajchuykuni: Mirrawan, áloe nisqawan, canelawan ima”, nispa (Proverbios 7:16, 17). Egiptomanta lino camaswan sumajsituta camanta qhataykusqa, sumaj perfumeswantaj jichʼaykusqa mirrawan, aloeswan, canelawan.

“Jamuy, munakuywan machaykusun, munanakuspataj sutʼiyamunankama karikusun”. Chay warmi chay joventa wajyarisqanqa mana mikhunallakupajchu karqa. Chay warmeqa nerqa paywan qhariwarmi jina puñuykuspa kusirikunankuta. Chay jovenmantaj chay nisqanqa mayta gustarqa. Chay joventa “ya” nichinanpajtaj chay warmi nerqa: “Qosayqa mana wasiypichu kashan, payqa karuman rin. Payqa apakun uj wayaqa qolqeta, killa juntʼa kashajtinraj chayamonqa”, nispa (Proverbios 7:18-20). Chantapis chay warmeqa, sonso jovenman mana manchikunanpaj, qosan negociosta ruwaj viajasqanta, unaymantarajtaj kutimunanta nerqa. ¡Ajina facilituta chay joventa engañaykorqa! “Chhikata parlaspa, kʼacha miskʼi palabrasninwan, waynaj umanta muyurpayacherqa” (Proverbios 7:21). Pillapis chay warmej nisqanta mana kasunanpaj José jina kanan karqa (Génesis 39:9, 12). Chay sonso joven, ¿chay warmej nisqanta qhesacharqachu?

(Proverbios 7:13-23) Chay warmeqa chay waynata ojllaykuspa, muchʼaykorqa, mana pʼenqarikuspataj nerqa: ¹⁴ Noqa allinyakuna jaywanata Diosman qonayta nerqani, chaytataj kunan pʼunchay juntʼaniña. ¹⁵ Chayrayku, qanta taripasoj llojsimorqani; qantaqa rikusuytapuni munarqani, kunantaj tariyki. ¹⁶ Puñunaytaqa sumajta kʼachanchaykuni Egiptomanta lino phulluswan. ¹⁷ Chaytataj ima munayta qʼapaj perfumewan chʼajchuykuni: Mirrawan, áloe nisqawan, canelawan ima. ¹⁸^-19 Jamuy, munakuywan machaykusun, munanakuspataj sutʼiyamunankama karikusun, imaraykuchus qosayqa mana wasiypichu kashan, payqa karuman rin. ²⁰ Payqa apakun uj wayaqa qolqeta, killa juntʼa kashajtinraj chayamonqa, nispa nerqa chay warmeqa. ²¹ Chhikata parlaspa, kʼacha miskʼi palabrasninwan, waynaj umanta muyurpayacherqa. ²² Chay rato chay waynaqa warmej qhepanta rerqa, imaynatachus uj toro ñakʼanaman yaykun, ajinata, uj wampu jasutʼichikunampaj japʼichikun, ajinata. ²³ Chaymantaqa sonqonta uj flecha tʼojsin, imaynatachus pʼisqo sipitawan japʼichikoj usqhayta rin, mana yachaspa chaypi wañunan kasqanta, ajinata.

w00-S 15/11 págs. 30, 31

“Kasuy kamachisqasniyta, [...] chantaqa kawsanki”

“Ya” nichinanpaj jina parlasqan

Uj toro jina ñakʼanaman yaykun

“Chay rato chay waynaqa warmej qhepanta rerqa, imaynatachus uj toro ñakʼanaman yaykun, ajinata, uj wampu jasutʼichikunampaj japʼichikun, ajinata. Chaymantaqa sonqonta uj flecha tʼojsin, imaynatachus pʼisqo sipitawan japʼichikoj usqhayta rin, mana yachaspa chaypi wañunan kasqanta, ajinata” (Proverbios 7:22, 23).

Chay warmej nisqanta mana qhesachayta aterqachu, tukuy nisqanta creespataj “imaynatachus uj toro ñakʼanaman yaykun”, ajinata chay warmej qhepanta rerqa. Imaynatachus jasutʼichikunanpaj watasqa runa mana ayqekuyta atinchu, ajinallatataj juchamanta mana ayqeyta aterqachu. Imatachus ruwasqan mana allinchu kasqanta reparan “sonqonta uj flecha” tʼojsejtinraj, nisunman wañuy patapi kashasparaj. Chay flechaj tʼojsisqantaj kanman uj warmiwan khuchichakuspa uj onqoyta chimpachikusqanrayku wañuy, chayrí Diosmanta karunchakuy. Tukuy kausaynin mana allinman chayarqa, Diospa contranpitaj juchallikorqa. Payqa imaynatachus uj pʼisqo trampawan japʼichikun, ajinallatataj wañuywan japʼichikorqa.

Ama qhepanta riychu

Salomonqa qhawasqanmanta imatachus yachakusqanta nerqa: “Kunanqa, wawáy, uyariway; allinta uyariway imastachus yuyaychasqasniyta. Sonqoykeqa chay warmej ñankunanmanta tʼaqakuchun. Ama pantaykuychu paypa qhepanta rispa. Chay warmirayku mashkhas parte wañusqas qhepakunku, jinataj aswan kallpasniyoj kajkunamantapis ashkhas wañuchisqa rikhurinku. Chay warmej wasinman rinaqa wañuy ñanta japʼiriywan ninakun”, nispa (Proverbios 7:24-27).

Rey Salomonpa yuyaychasqanqa sutʼi, pay niwanchej khuchichakuy juchapi purejkunaj ñankunanmanta tʼaqakunata, ‘kausanallatapunitaj’ (Proverbios 7:2). Chay yuyaychayqa, ¡kay tiempopaj jinapuni! Mana allinchu kanman, maypichus khuchichakuy juchapi purinku chay lugaresman rinanchej. ¿Imapajtaj chay lugaresman risunman? ¿Imata maskʼaspataj “wampu” jina ruwana kanman, chayri mana rejsisqa warmej ñanninpi purina kanman?

Rey Salomón rikorqa, chay warmeqa sonso jovenpa sonqonta suwananpaj nerqa: “Munanakuspataj sutʼiyamunankama karikusun”, nispa. ¿Manachu ashkha jovenesta, astawanqa sipaskunata, ajinallataj engañaykunku? Jinapis tapurikuna: “Pillapis paywan puñuykunata niwajtinchej, ¿munakuwasqanchejraykuchu chayta niwanchej chayri munayninta ruwayta munasqanraykullachu? Sichus uj qhari, uj warmita munakunpuni chayqa, ¿imaraykutaj Diospa kamachiykunasninta pʼakinanpaj tanqanman?”, nispa. Salomón yuyaychawanchej: “Sonqoykeqa chay warmej ñankunanmanta tʼaqakuchun”, nispa.

Sonqota suwaj runasqa miskʼi simiwan parlanku, yachankutaj imaraykuchus imatapis nisqankuta. Yachayniyoj kay, sumajta entiendeytaj yanapawasun, ajina runaspa parlasqankuta reparanapaj. Chantapis chaymanta jarkʼakunapajqa Jehovaj kamachiykunasninta ni jaykʼaj qonqanachu tiyan. Chayrayku ‘Diospa nisqanta kasukuna, wiñaypajtaj kausanallapuni’ (1 Juan 2:17).

(Proverbios 7:4, 5) Yachaytaqa panaykita jina qhaway, yuyaytataj warmiykita jina qhaway. ⁵ Chaykuna jarkʼasonqanku khuchi warmimanta, wajpa warmin pichus miskʼi palabrasninwan sonqota suwajmanta.

(Proverbios 7:24-27) Kunanqa, wawáy, uyariway; allinta uyariway imastachus yuyaychasqasniyta. ²⁵ Sonqoykeqa chay warmej ñankunanmanta tʼaqakuchun. Ama pantaykuychu paypa qhepanta rispa. ²⁶ Chay warmirayku mashkhas parte wañusqas qhepakunku, jinataj aswan kallpasniyoj kajkunamantapis ashkhas wañuchisqa rikhurinku. ²⁷ Chay warmej wasinman rinaqa wañuy ñanta japʼiriywan ninakun.

w00-S 15/11 pág. 29

“Kasuy kamachisqasniyta, [...] chantaqa kawsanki”

Manchay viva warmiwan tinkun

Israel llajtamanta reyqa, imatachus pay rikusqanmanta nerqa: “Uj kuti noqa wasi ventanaymanta wateqaspa [reja kʼajllunejmanta, Qheshwa Biblia] qhawasharqani. Chaynejta risharqanku manaraj yuyayniyojkuna wayna runas, repararqanitaj ujnin aswan wampu kasqanta. Uj esquinaman chayaspataj, calleta chimparqa chay warmej wasinnejman. Ñapis inti yaykusharqaña, laqhayaykusharqañataj”, nispa (Proverbios 7:6-9).

w00-S 15/11 pág. 31

“Kasuy kamachisqasniyta, [...] chantaqa kawsanki”

Uj toro jina ñakʼanaman yaykun

Ama qhepanta riychu

Sumaj yachachiykunata maskʼana

(Proverbios 9:7-9) Pichus machu machu runata kʼamejqa chay runawan pisipaj qhawachikonqa. Sajra runata kʼamejpis alqochachikuyllata tarikonqa. ⁸ Machu machu runataqa ama kʼamiychu, mana chejnichikuyta munaspaqa. Yachayniyoj runata kʼamiy, paytaj munakusonqa. ⁹ Yachayniyojman yachachiy, paytaj aswan yachayniyoj kanqa. Cheqan runaman yachachiy, paytaj astawan yachanqa.

w01-S 15/5 pág. 29, 30

“Yachaynejta kawsanayki pʼunchaykunaqa yapakonqa”

Cristianosqa llampʼu sonqo kana tiyan, yuyaychawasqanchejtataj japʼikuna tiyan. Qan joven kanki chay, reciellanrajtaj Diosmanta yachakushanki chayqa astawanraj wajkuna yuyaychasusqankuta japʼikunayki tiyan. Niraj unaytachu Diosmanta yachakoj jovenesqa, ichapis mana yuyayniyoj kankuman. Chaywanqa mana nishanchejchu tukuy ima ruwasqanku mana allinchu kasqanta, manachayqa Diosta kusichinapaj jina kausakuyta unaypi yachakusqanchejta nishanchej. Imajtinchus yuyasqanchej, munasqanchej, imastachus munakusqanchej, qhepaman imata ruwaypichus piensasqanchej ima, Diosta kusichinanpaj jina kanan tiyan. Chayrayku “mana imawan chhapusqa Diospa chʼuwa palabranta” munananchej tiyan (1 Pedro 2:2, 3).

Chantá, ¿manachu astawan Diosmanta yachakuna tiyan? Diospa “taripay mana atina” yachayninmanta astawan yachakuyta munananchej tiyan, Diospa Palabrantataj aswan sumajta estudiana tiyan (Hebreos 5:12–6:2; 1 Corintios 2:10). Allin kamachi yuyayniyojqa, Jesucristo kamachisqanman jina tukuyman maychus tiemponpi Diosmanta sumaj yachachiykunata qowanchej (Mateo 24:45-47). Diospa Palabranta sumajta estudiaspa kusirikuna, jinallataj Bibliamanta orqhosqa publicacionesta estudiaspapis.

“Machu machu runataqa ama kʼamiychu”

Yachayniyoj kanapaj yanapallawanchejtaj, pantasqanchejrayku cheqanchawasqanchej, kʼamiwasqanchej ima. Chayta japʼikuytaj mana atikullanchu. Chayrayku Proverbios libroj ñaupaj kaj partenpa tukukuyninpi yuyaychawanchej: “Pichus machu machu runata kʼamejqa chay runawan pisipaj qhawachikonqa. Sajra runata kʼamejpis alqochachikuyllata tarikonqa. Machu machu runataqa ama kʼamiychu, mana chejnichikuyta munaspaqa”, nispa (Proverbios 9:7, 8a).

Machu machu runaqa, payta yanapariyta munaj runapaj phiñakun, chantapis yanapayta munajta chejnikun. Sajra runaqa kʼamisqankuta pisipaj qhawan. Chayrayku mana allinchu kanman Bibliamanta yachachinanchej, Bibliata pisipaj qhawajkunamanqa. Apóstol Pabloqa Antioquiapi predicashaspa Diosmanta mana yachakuyta munaj judioswan tinkorqa. Chay runasqa Pablota chʼajwachiyta munarqanku, Diospa contranpi llullata parlaspa. Pablotajrí paykunaman nerqa: “[Diospa Palabranta] qhesachankichej, nitaj wiñay kawsaytapis japʼikuyta munankichejchu. Chayrayku kunanqa mana judío kajkunaman ripusqayku”, nispa (Hechos 13:45, 46).

Diospa Gobiernonmanta sumaj willaykunata kʼacha runasman willamuspaqa, tukuy atisqanchejta ruwana Diosmanta yachakuyta pisipaj qhawajkunawan mana chʼajwanapaj. Jesucristo yachachisqasninman nerqa: “Wasiman yaykuspataj, chaypi tiyakojkunata napaykuychej. [...] Napaykusqaykichejta japʼikunankupaj jinachus kanku chayqa, napaykusqaykichejqa paykunapi qhepakonqa. Manachayri qankunaman kutimponqa. Sichus pillapis wasinkuman mana wajyarikusunkichej, nitaj parlasqaykichejtapis uyarisunkichej chayqa, chay wasimanta, chayri chay llajtamanta llojsiychej, chakisniykichejmanta jallpʼata thalarakuspa”, nispa (Mateo 10:12-14).

Yachayniyoj runatajrí wajkunaj yuyaychasqankuta japʼikun. Salomón nerqa: “Yachayniyoj runata kʼamiy, paytaj munakusonqa. Yachayniyojman yachachiy, paytaj aswan yachayniyoj kanqa”, nispa (Proverbios 9:8b, 9a). Yachayniyoj runaqa yachan “mana mayqen castigopis chay ratoqa kusikunapaj jinachu [kasqanta], manachayqa llakikunapaj jina. Qhepamantajrí chay castigasqa kajkuna chaywan yachaqakuspa, allin kawsayta, cheqan kawsayta ima sumaj poqoyta jina oqharinku” (Hebreos 12:11). Mayta kʼamichikuspapis, ¿manachu allin kanman chay kʼamiwasqanchejta japʼikunanchej allinninchejpaj kasqanrayku?

Salomón nillarqataj: “Cheqan runaman yachachiy, paytaj astawan yachanqa”, nispa (Proverbios 9:9b). Yachayniyojña chayri wiñay tukusqaña kaspapis yachakunallapuni tiyan. Mayta kusikunchej machitusña kajkunapis Diosmanta yachakuspa payman kausayninkuta qopusqankuta rikuspa. Noqanchejpis kallpachakunallapuni yachakunapaj, yachakuyta munanapajpis.

“Ashkha watastataj kawsanki”

Salomonqa yachayniyoj kaymanta parlaspa, imatachus yachayniyoj kanapaj ruwananmanta parlarqa, nerqataj: “Yachaypa qallarikuynenqa Tata Diosta manchachikuymin. May Santo Kaj Diosta rejseyqa sumaj yuyayniyoj kaymin” nispa (Proverbios 9:10). Uj runaqa mana yachayniyojchu kanman Diosta mana manchachikuspaqa. Ichapis ashkha imata yachanman, jinapis Diosta mana manchachikun chayqa, yachasqanqa mana yanapanmanchu Diosta jatunchananpaj. Chantapis ichá pantasqata yuyanman rejsisqa kaj imasmanta, ajinamantataj uj sonsito jina ruwanman. Chantapis Santo Kaj Diosmanta yachakoyqa, entiendej kanapaj yanapawanchej, ajinamantataj yachayniyoj kayta atinchej.

Yachayniyoj kaspa, ¿imatá tarisun? (Proverbios 8:12-21, 35). Israelmanta rey nin: “Kawsanayki pʼunchaykunaqa yapakonqa, ashkha watastataj kawsanki”, nispa (Proverbios 9:11). Yachayniyoj kaspaqa ashkha watasta kausasun. Imajtinchus yachayqa “kawsayta qon pichus [...] taripajman” (Eclesiastés 7:12).

Sapa uj yachayniyoj kanapaj mayta kallpachakuna tiyan. Salomón nerqa: “Yachayniyoj kaspa allin imasta tarisqaykeqa qanllapajtaj kanqa. Sichus machu machu kanki chayri, qanllataj castigasqa kanki”, nispa (Proverbios 9:12). Yachayniyoj kayqa sapa ujta yanapawanchej, machu machu kajrí noqallanchejtataj mana allinman chayachiwanchej. Sapa uj imatachus tarpusqanchejta oqharinchej. Chayrayku “yachaytaqa uyariy” (Proverbios 2:2).

“Wampu warmeqa chʼajwa sayarichej warmi”

Salomonqa yachayniyoj kayta, machu machu kaywan kikincharerqa, nerqataj: “Wampu warmeqa chʼajwa sayarichej warmi, mana ima yachajtaj. Chay warmeqa wasi punkumpi tiyakun, llajta ukhupi aswan patanejpi. Chaynejta purejkunata wajyan, allin ñanta rishanku, chaykunata: Mana yuyayniyojkuna, jamuychej kayman”, nispa (Proverbios 9:13-16a).

Machu machu kaytaqa chʼajwata rikhurichej, ignorante warmiwan kikinchan. Chay warmeqa uj wasita ruwarqa, mana yuyayniyojkunatataj chayman wajyakorqa. Ñanta rejkunataj chimpaytachus manachus ajllananku karqa.

“Suwasqa yakoqa aswan miskʼi”

Yachayniyoj kaywan, machu machu kaywanqa uj runa jina wajyariwanchej “jamuychej kayman” nispa. Jinapis sapa uj waj jinamanta wajyawanchej. Yachayniyoj kayqa uj sumaj mikhunata rikuchiwanchej, vinoyojta, aychayojta, tʼantayojta. Machu machu kaytajrí, khuchi warmej ñanninta chayri ruwasqasninta yuyarichiwanchej. Salomón nerqa: “Pisi yuyayniyojkunamantaj nin: Suwasqa yakoqa aswan miskʼi; pakaypi mikhusqa tʼantapuni miskʼeqa”, nispa (Proverbios 9:16b, 17).

(Proverbios 10:22) Tata Diospa bendicionnenqa qhapajyachin, nitaj ima llakiytapis chay bendición apamunchu.

w06-S 15/5 págs. 26-30 párr. 3-16

Llimphu kausaypi pureyqa may sumaj

³ Proverbios 10:22 nin: “Tata Diospa bendicionnenqa qhapajyachin, nitaj ima llakiytapis chay bendición apamunchu”, nispa. ¿Manachu kusikunchej Diospa kamachisninta may allin risqanta rikuspa? Diospa kamachisninta imaspichus may allin risqanmanta yachakuna, chantá imaynatachus noqanchejta yanapawasqanchejtapis. Imaynatachus “llimphu kausaypi” purejkunata Jehová bendecisqanpi tʼukurinapaj tiempochakusunchej chayqa, Jehová Diosninchejta kusiywan sirviyta munallasunpuni (Proverbios 20:7).

‘Diospa bendicionnenqa qhapajyachiwanchej’

⁴ Bibliaj yachachiykunasninta sutʼita entiendenchej. Ashkha religionesmanta runasqa “Bibliapi creeyku” ninku, jinapis mana uj yuyayllaman chayayta atinkuchu imatapunichus Biblia yachachisqanmanta parlaspa. Wakin runasqa kikin religionniyoj kaspapis mana kikintachu Bibliamanta yuyanku. Jehovaj kamachisnintajrí, ¡mana paykuna jinachu kanchej! Noqanchejqa may llajtayoj kaspapis, ima costumbreyoj kaspapis uj Diosllata yupaychanchej, sutintataj yachanchej. Paytaj mana kinsa uyayojchu (Deuteronomio 6:4; Salmo 83:18; Marcos 12:29). Chantapis yachanchej pisimantawan Jehovalla kamachinanpaj derechoyoj kasqanta rikuchikunanta, noqanchejtaj Dios ladomanta kashanchej payta sirvispa. Chantapis yachachej imachus wañusqaswan kasqanta, nitaj Diosta manchikunchejchu, imaynatachus wakin runas manchikunku jinataqa. Paykuna yuyanku Dios infiernoman chayri purgatorioman kachananta (Eclesiastés 9:5, 10).

⁵ Chantapis mayta kusikunchej mana jinallamantachu rikhurisqanchejta yachaspa, manachayqa Diospuni payman rijchʼakojta ruwawarqanchej (Génesis 1:26; Malaquías 2:10). Uj salmota qhelqaj Diosman nerqa: “Jatunchayki, imaraykuchus tʼukunapaj jina ruwawarqanki; chaytaqa sumajta yachani”, nispa (Salmo 139:14).

⁶ Viciosninchejta saqepunchej. Cigarrota pitay, machay, khuchichakuy juchapi puriy mana allinchu kasqanta telenejta, radionejta, waj imasnejta willakojtinpis, runasqa mana kasunkuchu. Jinapis, ¿imatataj ruwan llampʼu sonqoyoj runa, chay viciosta Dios chejnikusqanta, chay viciosniyoj kajtinchej Dios llakikusqanta yachaspa? Chay viciosta saqenanta nin (Isaías 63:10; 1 Corintios 6:9, 10; 2 Corintios 7:1; Efesios 4:30). Diosta kusichiyta munaspa chay viciosta saqejtinpis, kausayninta cambiasqanqa waj jinasmanta yanapallantaj. Chay viciosta saqej runaqa sanito kausakun, aswan kusisqataj.

⁷ Viciosta saqey mana atikullajtinpis, sapa wata ashkha runas viciosninkuta saqepunku. Kausayninkutataj Diosmanta qopunku, bautizakunkutaj, ajinamanta rikuchinku Diospa chejnisqan viciosta saqepusqankuta. Chayta ruwasqankoqa kallpachawanchej, yanapawanchejtaj chay millay viciospi mana urmanapaj.

⁸ Familianchejwan khuska kusisqa kausakunchej. Ashkha suyuspi familiasqa mana allintachu kausakunku. Ashkha qhariwarmis divorciakunku, chaytaj wawasninkuta mayta llakichin. Europamanta wakin suyuspeqa sapa chunkamanta iskay familias jinapuni mana mamallankuwan chayri mana tatallankuwan kausakunku. ¿Imaynatataj Jehová yanapawanchej familianchejwan ujchasqa kausakunapaj? Efesios 5:22–6:4 versiculosta leeriy, yachakuytaj imatachus qosasman, warmisman, wawasman ima Dios yuyaychasqanta. Kay versiculospi chantá waj versiculospi kaj yuyaychaykunata kasukuspaqa qhariwarmis aswan ujchasqa kanqanku, tataspis aswan sumajta wawasninkuta uywanqanku, familiapitaj aswan kusisqa kanqanku. ¿Manachu kayqa mayta kusichiwanchej?

⁹ Kay mundomanta problemas chinkanqapuni. Científicos, sumajta yachaj runas yachasqankuwan kay mundomanta problemasta chinkachiyta munajtinkupis mana atinkuchu. Gobiernospis qhasillata tukuy atisqankuta ruwanku. Foro Económico Mundial nisqata rikhurichej Klaus Schwab runaqa nin: “Niraj unaychu kashan kay mundoj problemasnin yapakusqanqa, chaykunata allinchanapajtaj mana tiempo kanchu”, nispa. “Tukuy mundontinpi suwas kasqanmanta, jallpʼata runas chʼichichasqankumanta, qolqe pisiyasqanmanta” parlaspa nerqa: “Ni jaykʼaj jina kay mundoqa, tukuyninchej ujchakuspa allinchanata necesitan, chaytataj mana iskaychakuspa ruwana tiyan”, nispa. Kay 2001 watamanta qhepaman imaschus kasqanqa, llakiy kausaylla jamunanta rikuchiwanchej.

¹⁰ ¡Maytapuni kusikunchej Jehová uj sumaj gobiernota sayarichisqanmanta! Jesucristo kamachimuspaqa tukuy problemasta chinkachenqa. Diosqa chay gobiernonejta “chʼajwasta” chayri guerrasta chinkachenqa, ‘allin kausaytataj’ apamonqa (Salmo 46:9; 72:7). Diospa ajllasqan Rey Jesucristoqa, ‘ñakʼarichispa sarojkunaj makisninkunmanta salvanqa wajchasta, mana piniyoj ususqa runasta, llampʼu sonqoyojkunata’ ima (Salmo 72:12-14). Diospa Gobiernonpeqa jinantin mikhuna kanqa (Salmo 72:16). Jehovaqa “tukuy waqayta ñawisninkumanta pichanqa, manañataj wañuy kanqachu, nitaj waqaypis, nitaj qhapariypis, nitaj nanaypis, imaraykuchus ñawpaj kaj imasqa manaña kanqachu” (Apocalipsis 21:4). Diospa Gobiernonqa cielopi kamachishanña, pisimantawantaj kay mundomanta problemasta chinkachenqa (Daniel 2:44; Apocalipsis 11:15).

¹¹ Imaynatachus kusisqa kausakuyta yachanchej. ¿Imata ruwaspataj may kusisqapuni kasunman? Uj psicólogo chayri doctor nerqa, kusisqa kanapajqa kusichiwasqanchej imasta ruwanata, nisqanchejta juntʼanata (chayqa kanman familiapi, trabajopi waj imaspi ima), nitaj qhasipajchu kausanata (nisunman imatachus qhepaman ruwayta munasqanchejta juntʼanata). Chay kinsamantataj kusichiwasqanchej imasta ruwayta qhepaman chay doctor churarqa, nerqataj: “Chayqa aswan sumaj, imaraykuchus ashkha runasqa imaschus paykuna kusichin, chayllapi yuyanku”, nispa. ¿Imatataj Biblia chaymanta nin?

¹² Israelmanta rey Salomón nerqa: “Noqaqa sonqoypi nerqani: Kunanqa mayta kusikusaj, kusiy kawsaymantaj qokusaj, nispa. Chaypis qhasi manakajllataj kasqa. Chaypacha nerqani: Aseyqa sonseralla; aychaj munayninta ruwayqa qhasi manakajlla”, nispa (Eclesiastés 2:1, 2). Biblia nisqanman jina, kusichiwasqanchej imasllawan kusikoyqa uj tiempollapaj. ¿Ima nisunmantaj trabajopi nisqanchejta juntʼaymanta? Trabajonchej jinaqa mana imapis kanchu. Trabajonchejqa Diospa Gobiernonmanta willay, runasmantaj yachachiy (Mateo 24:14; 28:19, 20). Salvakunapaj imatachus ruwanata runa masinchejman yachacheyqa, noqanchejta, runa masinchejtawan salvawasunchej (1 Timoteo 4:16). “Dioswan khuska” trabajajkuna jinaqa, yachanchej “aswan kusiy wajman qoriy” kasqanta (1 Corintios 3:9; Hechos 20:35). Runasman willamuy, yachachiy imaqa kusisqa kausakunapaj, Satanasman Diosninchej kutichinanpaj ima yanapawanchej (Proverbios 27:11). Arí, Jehovaqa rikuchiwanchej kusisqa kausakunapaj payllata tukuy sonqo munakuspa sirvina kasqanta (1 Timoteo 4:8).

¹³ Sumaj yachachiykunata tiemponpi qowanchej. Jehovaj testigosninmanta uj anciano Gerhard sutiyoj nin: “Jovenllaraj kashaspa mana parlayta atillajchu kani. Manchay nervioso churakuspataj khaku khakullata parlaj kani. Chayrayku yuyaj kani ni imapaj valesqayta. Tatasneyqa allinta parlayta yachanaypaj uj escuelaman churawarqanku, qhasillapajtaj karqa. Noqaqa sanito kakusharqani, imatachus yuyasqallay má allinchu kasharqa. Jinapis Jehová yanapawarqa Diosmanta Parlayta Yachanapaj escuelanejta. Chayman anotachikusqayqa mayta kallpachawarqa. Yachakusqayman jina ruwanaypajtaj kallpachakorqani, chaytaj yanapawarqa. Aswan sutʼisituta parlayta yachakorqani. Kunanqa niña ñaupajta jinachu parlani, runasman willashaspapis mana manchikuspa parlani. Kunanqa discursostapis qoni. Jehovaman mayta agradecekuni chay escuelanejta yanapawasqanmanta”, nispa. ¿Manachu kusichiwanchej kamachiwasqanchejta juntʼanapaj Jehová yachachiwasqanchej?

¹⁴ Jehovaj amigosnin kanchej, mundontinpi hermanosniyojtaj. Katrinpa wawanqa Alemaniamanta Tailandiaman viajarqa. Wawan jaqaypi kashajtintaj, uj terremoto Tailandiapi pasarqa, jatun qochamanta yakupis wasaykamorqa. Katrinqa chayta yachaspa wawanmanta may llakisqa kasharqa, imajtinchus may chhika runas wañusqanku yachakusharqa, wañusqastaj yapakushallarqapuni. Casi uj día khuskanniyoj pasasqanmantaraj wajyamorqanku wawan mana imanakusqanta willanankupaj. Chayta yachaspataj, ¡mayta kusirikorqa!

¹⁵ ¿Imataj Katrinta yanaparqa mana llakiywan atipachikunanpaj? Pay nin: “Tukuy rato Jehovamanta mañakorqani. Ashkha kutispi repararqani Jehová kallpata qowasqanta, mana llakikunaypajtaj yanapawasqanta. Chantapis hermanos visitariwarqanku, noqawan khuskataj kasharqanku”, nispa (Filipenses 4:6, 7). Diosmanta mana mañakunmanchu karqa, sapitallantaj kanman karqa chayqa may llakisqallachá kanman karqa. Jehovawan, Jesuswan amigos kasqanchej, hermanosninchejwan ujchasqa kasqanchejqa, uj bendición, chaytataj mana pisipajchu qhawananchej tiyan.

¹⁶ Wañupoj familiaresninchejta ujtawan rikuyta suyakunchej (Juan 5:28, 29). Matthiaspa familianqa Jehovaj testigosnin karqanku. Paytaj jovenyashaspa imaschus tiyapusqanta pisipaj qhawasqanrayku congregacionmanta karunchakorqa. Pay nin: “Tataywan noqawanqa ni jaykʼapis allinta parlarqaykuchu. Sapa kuti chʼajwasqallayku kaj. Jinapis tatayqa noqaj allinniytapuni munaj. Mana reparajchu kani pay mayta munakuwasqanta. 1996 watapi tatayta wañupushajtinña makinmanta japʼiykuspa waqan waqan nerqani: ‘Mana kasukoj kaspa pantaykorqani, pardonaway. Munakuyki tatay’, nispa. Paytajrí manaña uyariwarqachu, wañuporqa. Payqa ujllata onqoykuspa wañuporqa. Wañusqas kausarimusqankuta rikunaypaj jina kausakuspaqa, tataywan tinkuyta atisaj, chaypitaj sumajta paywan parlarikusqayku. Tatayqa maytachá kusikonqa anciano kasqayta, warmiywan khuskataj precursores kasqaykuta willarejtiy”, nispa. ¡May sumajpuni wañusqas kausarimunankuta suyakusqanchejqa!

17-23 DE OCTUBRE

BIBLIAMANTA SUMAJ YACHACHIYKUNA | PROVERBIOS 12-16

“Yachayniyoj kayqa qorimanta nisqa aswan valorniyoj”

(Proverbios 16:16, 17) Qorita rantinamanta nisqaqa aswan allin yachayniyoj kana; qolqeyoj kanamantaqa aswan allin sumaj yuyayniyoj kana. ¹⁷ Cheqanta purejkunaj ñannenqa sajra kajmanta tʼaqakun; cheqanta purejqa pay kikinta waqaychakun.

w07-S 7/15 pág. 8

“Yachay[qa] jarkʼakuna escudo”

PROVERBIOS 16:16 nin: “Qorita rantinamanta nisqaqa aswan allin yachayniyoj kana; qolqeyoj kanamantaqa aswan allin sumaj yuyayniyoj kana”, nispa. ¿Imaraykutaj yachayniyoj kay, may valorniyoj? Imaraykuchus “yachaywan, qolqewanqa jarkʼakuna escudo jina kanku. Yachayrí astawanraj yanapan, imaraykuchus kawsayta qon pichus yachayta taripajman” (Eclesiastés 7:12). Chantá, ¿imaynatataj yachay kausayta qon?

Diospa Palabranmanta astawan yachakuy, chayman jinataj ruwayqa, Diosta kusichinapaj jina kausakunapaj yanapawanchej (Proverbios 2:10-12). Israelmanta rey Salomón nerqa: “Cheqanta purejkunaj ñannenqa sajra kajmanta tʼaqakun; cheqanta purejqa pay kikinta waqaychakun”, nispa (Proverbios 16:17). Arí yachayniyoj kaspaqa wañuymanta salvakunchej. Proverbios 16:16-33 versiculospi, pisi parlayllapi sumaj yuyaychaykuna tiyan. Arí, Diosmanta yachakusqanchejqa rikukun imaynatachus kausakusqanchejpi, parlasqanchejpi, ruwasqanchejpi ima.

Llampʼu sonqo kana

Bibliaqa yachayniyoj kayta uj runawan kikinchan, yachayniyoj kaytaj niwanchej: “Jatunchakuyta, runaykachayta [...] noqaqa chejnini”, nispa (Proverbios 8:13). Yachayniyoj kaywan jatunchakuywanqa ni imapi kikinchu kanku. Chayrayku may allin yachayniyoj kana, nitaj jatunchakuyta qallarinachu. Jatunchakuypi mana urmanankupaj astawanraj qhawarikunanku tiyan congregacionpi waj ruwaykunata japʼejkuna chayri wajkunamanta nisqa aswan sumajta kausakojkuna.

Proverbios 16:18 nin: “Runaykachaypa qhepantapacha urmanaqa chayamun. Jatunchakuypa qhepantaqa waqay jamun”, nispa. Satanaspi piensarina, payqa Diospa wawan karqa, mana pantayniyoj, jinapis pay kikillantaj Satanasman tukorqa (Génesis 3:1-5; Apocalipsis 12:9). ¿Manachu pay jatunchakuyta qallarerqa niraj Satanasman tukushaspa? Bibliaqa nin congregacionpi anciano kananpaj mana uj mosoj hermanotachu churanata, “manachayqa jatunchakuspa urmanman, Kuraj Supay juchachasqa karqa, chay juchaman” (1 Timoteo 3:1, 2, 6). Chayrayku ama wajkunata jatunchakunankupaj tanqanachu, nitaj noqanchejpis jatunchakunachu.

(Proverbios 16:18, 19) Runaykachaypa qhepantapacha urmanaqa chayamun. Jatunchakuypa qhepantaqa waqay jamun. ¹⁹ Wajchaswan khuska, llampʼu sonqoman tukunaqa aswan allinmin, runaykachajkunawan qhapajyanamanta nisqaqa.

w07-S 15/7 8, 9

“Yachay[qa] jarkʼakuna escudo”

Llampʼu sonqo kana

Proverbios 16:19 nin: “Wajchaswan khuska, llampʼu sonqoman tukunaqa aswan allinmin, runaykachajkunawan qhapajyanamanta nisqaqa”, nispa. Babiloniamanta rey Nabucodonosorpa kausaynenqa rikuchiwanchej kay yuyaychay allinpuni kasqanta. Kay runaqa Dura nisqa pampapi uj jatun santota ruwacherqa. Ichapis chay santoqa Nabucodonosorman rijchʼakorqa. Chay santoqa uj jatun patilla patapi kasharqa, pampamantapachataj altonmanqa 27 metros jina miderqa (Daniel 3:1). Nabucodonosorqa munarqa kamachiyninpi kaj llajtas chay santowan rejsichikunankuta. Ichapis runasta tʼukuchinman jatuchej may tʼukuna imasta qhaway. Chaykunamanta wakin ichá kanman uj jatun santo, uj torre, uj estatua, uj obelisco chayri uj jatun edificio. Diostajrí chay imasta qhawaspa mana tʼukunchu. Uj salmota qhelqaj nerqa: “Aswan patapipis Tata Diosqa kachun, llampʼu sonqosta qhawamumpuni, may kasqankuta yuyakoj runastatajrí karullamanta rejsimun”, nispa (Salmo 138:6). Chantapis “runaspa sumajpaj qhawasqankoqa Diospa ñawpaqempi ancha millay” (Lucas 16:15). Chayrayku “pisipaj qhawasqa kajkunawan” kausakunaqa aswan allin, ‘jatunchakunamanta’ nisqaqa (Romanos 12:16).

Allin yuyaywan, kʼacha simiwantaj parlana

¿Imaynatataj parlasqanchejpi yachakun yachayniyoj kasqanchej? Yachayniyoj rey nin: “Yachachisqa runataqa allimpuni renqa; kusikuyniyojmin pichus Tata Diospi atienekojqa. Pichus sumajta unanchajqa yachayniyojpaj qhawasqa kanqa; miskʼi parlaynenqa wajkunaman yapan yachayta. Sumaj yuyayniyoj kayqa kawsaypa juturimpis kanman jina; wampusman yuyaychayrí qhasi manakajlla. Pichus yachaywan unanchajqa parlayta yachan, kʼacha parlasqasnintaj sumajta wajkunata yachachin”, nispa (Proverbios 16:20-23).

Yachayniyoj kaspaqa, allinta yuyaychakuspa ‘miskʼi parlaywan parlasun’. ¿Imaraykú? Imaraykuchus imapipis allin kajtapuni qhawasun, Jehovapitaj atienekusun. Wajkuna imastachus allinta ruwasqankuta qhawaspaqa, allin kaj imasta paykunapi tarisun, paykunamantataj allinta parlasun. Parlasqanchejqa mana sonqonta nanachinanpaj jinachu kanqa, manachayqa miskʼi. Uj runa imapichus rikukusqanta qhawarispaqa, allinta entiendenchej imaynachus kashasqanta, imapichus rikukusqanta ima.

Diospa Gobiernonmanta willashaspa, runasman yachachishaspapis parlasqanchejpi yachayniyoj kasqanchejta rikuchina. Diospa Palabranmanta yachachishaspaqa mana Bibliaj nisqallantachu willana tiyan, manaqa runaj sonqonman chayana tiyan, chaypajtaj miskʼi parlaywan parlana tiyan. Apóstol Pablo, Timoteoman nerqa: “Allinta sayay imatachus [...] creesqaykipi”, nispa (2 Timoteo 3:14, 15).

(Proverbios 16:20-24) Yachachisqa runataqa allimpuni renqa; kusikuyniyojmin pichus Tata Diospi atienekojqa. ²¹ Pichus sumajta unanchajqa yachayniyojpaj qhawasqa kanqa; miskʼi parlaynenqa wajkunaman yapan yachayta. ²² Sumaj yuyayniyoj kayqa kawsaypa juturimpis kanman jina; wampusman yuyaychayrí qhasi manakajlla. ²³ Pichus yachaywan unanchajqa parlayta yachan, kʼacha parlasqasnintaj sumajta wajkunata yachachin. ²⁴ Kʼacha parlayqa abeja miskʼi jina; yuyayta miskʼichan, cuerpotataj jampin.

w07-S 7/15 9-10

“Yachay[qa] jarkʼakuna escudo”

Proverbios 16:19 nin: “Wajchaswan khuska, llampʼu sonqoman tukunaqa aswan allinmin, runaykachajkunawan qhapajyanamanta nisqaqa”, nispa. Babiloniamanta rey Nabucodonosorpa kausaynenqa rikuchiwanchej kay yuyaychay allinpuni kasqanta. Kay runaqa Dura nisqa pampapi uj jatun santota ruwachicherqa. Ichapis chay santoqa Nabucodonosorman rijchʼakorqa. Chay santoqa uj jatun patilla patapi kasharqa, pampamantapachataj altonmanqa 27 metros jina miderqa (Daniel 3:1). Nabucodonosorqa munarqa kamachiyninpi kaj llajtas chay santowan rejsichikunankuta. Ichapis runasta tʼukuchinman jatuchej may tʼukuna imasta qhaway. Chaykunamanta wakin ichá kanman uj jatun santo, uj torre, uj estatua, uj obelisco chayri uj jatun edificio. Diostajrí chay imasta qhawaspa mana tʼukunchu. Uj salmota qhelqaj nerqa: “Aswan patapipis Tata Diosqa kachun, llampʼu sonqosta qhawamumpuni, may kasqankuta yuyakoj runastatajrí karullamanta rejsimun”, nispa (Salmo 138:6). Chantapis “runaspa sumajpaj qhawasqankoqa Diospa ñawpaqempi ancha millay” (Lucas 16:15). Chayrayku “pisipaj qhawasqa kajkunawan” kausakunaqa aswan allin, ‘jatunchakunamanta’ nisqaqa (Romanos 12:16).

Allin yuyaywan, kʼacha simiwantaj parlana

Griego parlaypi “kʼacha parlay” nisqa palabraqa niyta munan: “Pillatapis yuyasqanta cambiachiy imaraykuchus imapis ajina kasqanmanta chayri imaraykuchus waj jinamanta kausakuna kasqanmanta” (Ñaupa chantá Mosoj testamentopi kaj palabrasmanta sutʼinchaj Diccionario, de W. E. Vine). Uj runa nisqanchejta creenawanchejpaj, uj jinamanta yuyayta qallarinanpaj ima, sumajta yachananchej tiyan imatachus yuyasqanta, munasqanta, imaynatachus kausakushasqanta, ñaupa kausayninmanta ima. ¿Imaynatá chayta yachasunman? Jesuspa yachachisqan Santiago nerqa: “Uyariyta yachaychej, amataj anchata parlaychejchu”, nispa (Santiago 1:19, 20). Uj runa imaynachus kashasqanmanta willariwajtinchej sumajta uyarisun chayqa, imaynachus kashasqanta, imatapunichus yuyasqantapis yachasun.

Apóstol Pabloqa wajkuna yuyasqankuta parlasqanwan cambiachiyta atej (Hechos 18:4). Cristianosta chejnikoj platero Demetriopis, Pablomanta nerqa: “Chay nisqanwantaj ashkha runaj sonqonta tijrachishan, mana kay Efeso llajtallapichu, astawanqa tukuy Asiantimpi”, nispa (Hechos 19:26). ¿Pablo nerqachu tukuy chayta payllamanta ruwasqanta? Mana. Pay nerqa: “Espíritu Santoj atiyninta rikuchispa willarqani, [...] astawanqa Diospa atiynimpi”, nispa (1 Corintios 2:4, 5). Noqanchejpis Diospa atiyninwan yanapachikunchej. Yachanchejtaj Jehová may allinpaj qhawasqanta, paypi atienekusqanchejrayku runasman willamusqanchejta, kʼacha parlaywan parlasqanchejta ima.

Mana tʼukunapajchu “yachayniyoj sonkota”, “allin yuyayniyoj runa” nisqankoqa (Proverbios 16:21, Quechua de Cuzce [QC]). “Sumaj yuyayniyoj kayqa kawsaypa juturimpis kanman jina”. Chantá, ¿ima nisunmantaj sonso kajkunamanta? Paykunaqa “qhesachanku yachayta, yachachiytawan” (Proverbios 1:7). ¿Imapitaj Jehovaj yachachiyninta qhesachasqankurayku rikukunku? Ñaqha yachakorqanchej jina, Salomón nerqa: “Pero zonzo-cayka zonzocunaj castigoncu”, nispa (Proverbios 16:22, QC). Sonso runasqa ashkha kutispi aswan mana allinman chayanku. Chantapis ichá problemaspi, pʼenqaypi ima rikukunku, chayri uj onqoyta tarikunku, manachayri niraj wañunapi wañunku.

Israelmanta reyqa, allinta yuyaychakuspa parlasqanchej, imaynachus kasqanmanta nerqa: “Kʼacha parlayqa abeja miskʼi jina; yuyayta miskʼichan, cuerpotataj jampin”, nispa (Proverbios 16:24). Abeja miskʼeqa yarqhayta chay rato pasachin, manchay miskʼitaj. Kʼacha parlaywan parlasqanchejpis wajkunata kallpacharin, sonqocharintaj. Chantapis imaynatachus miskʼeqa jampipaj valen, kikillantataj kʼacha parlaywan parlasqanchejpis jampi jina (Proverbios 24:13, 14).

Sumajta qhawakuna allin ñanman rijchʼakojmanta

Salomón nerqa: “Runapajqa uj ñan tiyan, mayqentachus yuyan allin kasqanta, chay; chay ñampa tukukuynimpirí wañuylla tiyan”, nispa (Proverbios 16:25). Kay yuyaychayqa yanapawanchej, Diospa kamachiykunasninta mana kasukuspa kausakuy allillan kasqanta mana yuyananchejpaj. Ichapis qhawasqanchejman jina wakin ruwaykuna allin rijchʼawasunman, jinapis mana Bibliaj yuyaychaykunasninman jinachu kanman. Satanastaj ichá yuyachiwasunman Diospa chejnisqan wakin imasta ruway allillan kasqanta, jinapis chayqa wañuyllaman chayachiwasunman.

Sumaj yachachiykunata maskʼana

(Proverbios 15:15) Pichus llakisqa kajpajqa sapa pʼunchay llakiyllapuni; pichus kusisqa kajpajrí, sapa pʼunchay fiesta jinallapuni.

g-S 11/13 pág. 16

Qanpaj, ¿sapa diachu “fiesta jinallapuni”?

“Pichus llakisqa kajpajqa sapa pʼunchay llakiyllapuni; pichus kusisqa kajpajrí, sapa pʼunchay fiesta jinallapuni” (Proverbios 15:15).

¿IMAMANTÁ parlashan kay versículo? Imatachus yuyasqanchejmanta, imaynachus kashasqanchejmanta ima. Llakisqa kajqa mana allin kaj imasllapi piensan, chayrayku sapa diapis llakisqalla. Kusisqa kajtajrí, allin kaj imaspipuni yuyan. Ajinata yuyasqantaj ‘fiestapipis kashanman’ jina kusisqallapuni kananpaj yanapan.

Tukuypis problemasniyoj kanchej, chayraykutaj mana kusisqallapuni kayta atinchejchu. Llakisqa kaspapis kusisqallapuni kayta atisunman. Bibliaj nisqanta qhawarina:

• Ama imachus qʼaya kananmanta llakikuychu. Jesucristo nerqa: “Ama phutikuychejchu ari, qʼaya pʼunchaymanta [...]. Sapa pʼunchaypa llakiynenqa chay pʼunchayllapaj kachun”, nispa (Mateo 6:34).

• Imaspichus allin risusqanta anotakuy. Chantá maykʼajllapis llakiy japʼisojtin chay listata orqhoy, anotasqaykipitaj piensariy. Chantapis ama pantasqallaykipi yuyaychu. Manachayqa pantasqaykimanta yachakuy, ñaupajllamanpunitaj riy. Uj choferqa mana sapa ratochu autoj espejonta qhawan, manachayqa maypi jinalla. Chantapis yuyarikuy Dios pantasqaninchejta perdonasqantapuni (Salmo 130:4).

• Problemasniyki llakichisunki chayqa, pichus kallpacharisunanpaj jina kashan, chayman willay. Llakiykunasninchejqa asllata llakichiwanchej “miskʼi palabrasrí sonqonta tʼikarichin” (Proverbios 12:25). Kallpacharinawanchejpaj jina imallatapis niwasunman uj familiarninchej chayri uj amigonchej, pichus allin kaj imaspipuni yuyan, “tukuy tiempopi munakuyniyoj”, chay (Proverbios 17:17).

Bibliapi kaj yuyaychaykunaqa ashkha runasta llakiypi kajtinkupis, kusisqa kausakunankupaj yanapan. Munaykutaj qankunatapis yanapasunaykichejta.

(Proverbios 16:4) Tata Diosqa tukuy imasta ruwan imapajchus kanallampaj; juchasapa runatapis wakichin uj pʼunchay castigasqa kanampaj.

w07-S 5/15 págs.18-19

‘Imatachus ruwanaykipaj wakichisqasniykeqa juntʼakonqa’

Noqallanchejpi yuyasun chayqa, imata mana allinta ruwaspapis achakista maskʼasun, “ajinapuni kani” nisun, yuyayninchejtataj mana cambiasunchu. Jinapis Jehovataqa mana engañasunmanchu. Payqa “qhawan ima laya yuyaywanchus” imatapis ruwasqanchejta. Uj runa imaynachus sonqonpi kasqanqa, ima laya yuyayniyojchus kasqanpi rikukun. Imatachus yuyasqanchejqa imaynachus sonqonchejpi kasqanchejman jinapuni. Runasqa yuyanchej imatachus piensasqanchejman jina, imastachus munakusqanchejman jina chayri chejnikusqanchejman jina, imatachus ruwayta munasqanchejman jinataj. Sonqonchejta qhawaj Jehovaqa, yuyayninchejta qhawan, tukuytataj uj rejllata qhawawanchej. Chayrayku may allin sajra kajmanta yuyayninchejta jarkʼananchej.

“Ruwasqasniykitaqa Tata Diospa makinman saqey”

Imatapis ruwanapajqa piensarinchejraj, chaytataj sonqonchejpi ruwanchejpuni. Chantá piensasqanchejman jina ruwanchej. ¿Imatachus piensasqanchejta ruwasunchu? Salomón nerqa: “Ruwasqasniykitaqa Tata Diospa makinman saqey, imatachus ruwanaykipaj wakichisqasniykitaj juntʼakonqa”, nispa (Proverbios 16:3). Ruwasqasninchejta Diospa makinpi saqenapajqa, pay jarkʼanawanchejpi atienekuna tiyan. Chayta ruwaspaqa kausayninchejta Diospa makinpi churasun. Uj salmota qhelqaj takerqa: “Tata Diospa makisninman kawsayniykita churay. Paypi atienekuy, paytaj yanapasonqa”, nispa (Salmo 37:5).

Imatachus ruwayta munasqanchejpi allin rinawanchejta munanchej chayqa, imatachus ruwayta munasqanchej Diospa Palabranman jina kanan tiyan, nitaj sajra yuyaywanchu. Chantapis Jehovaj yanapayninta mañakuna, Bibliaj nisqanman jina kausakunapajtaj kallpachakuna tiyan. Astawan allenqa Diospa makinman kausayninchejta saqepunanchej llakiypi chayri problemaspi rikukuspa, ‘paytaj yanapawasun’. Jehovaqa “cheqan runata ni jaykʼaj urmajta saqenqachu” (Salmo 55:22).

“Tata Diosqa tukuy imasta ruwan imapajchus kanallampaj”

Diospa makinman kausayninchejta saqespa, ¿imatawan suyasunman? Yachayniyoj rey nerqa: “Tata Diosqa tukuy imasta ruwan imapajchus kanallampaj”, nispa (Proverbios 16:4a). Diosqa tukuy imata ruwarqa, imatachus ruwanantataj nin. Paypa makinman kausayninchejta churaspaqa manaña qhasillapajchu kausasunchej, kusisqataj kasunchej. Imatachus Dios kay jallpʼapaj, runaspaj ima ruwayta munasqanqa mana uj tiempollapajchu (Efesios 3:11). Diosqa kay jallpʼata ruwarqa “ama chʼusajlla kanampaj” (Isaías 45:18). Imatachus qallariypi runaspaj munasqanqa juntʼakonqapuni (Génesis 1:28). Chayrayku Diosman kausayninchejta qopuspaqa, wiñaypaj kusisqa kausakusun.

Jehovaqa uj sajra runata “wakichin uj pʼunchay castigasqa kanampaj” (Proverbios 16:4b). Diosqa mana pitapis sajratachu ruwarqa, paypa “ruwasqasnenqa may sumajpuni” kanku (Deuteronomio 32:4). Jinapis payqa sajrata ruwajkuna uj tiempota kausanankuta saqellan, chinkachisqa kananku tiempo chayamunankama. Sutʼincharinapaj, Jehovaqa Egiptomanta Faraonman nerqa: “Kawsajta saqeyki, qampi atiyniyta rikuchinaypaj, qannejta sutiy willasqa kanampaj tukuy kay pachantimpi”, nispa (Éxodo 9:16). Egiptopi chunka ñakʼariykuna kasqan, Faraonta Puka Qochapi Dios chinkachisqan ima, Dios may atiyniyoj kasqanta rikuchin.

Chantapis Jehovaqa sajrata ruwajkuna mana reparakunallankuta, paykunata apaykachanman munayninta juntʼananpaj. Uj salmota qhelqaj nerqa: “Runaj phiñakuynenqa qanta jatunchanaman tukun, uj chhikan phiñakuyninkupis pilluykiman tukun”, nispa (Salmo 76:10). Jehovaqa ichapis saqenqa sajra runas llajtanta ñakʼarichinanta, jinapis chaytaqa uj tiempollata saqenqa, llajtanmanta kajkuna cheqanchasqa kanankukama. Manaña aguantanapaj jina kajtintaj Dios yanapawasun.

Jehovaqa llampʼu sonqo kamachisninta yanapan. Chantá, ¿imaynatá qhawan runaykachajkunata? Israelmanta rey nin: “Tata Diosqa runaykachajkunata millachikun. Cheqamanta castigasqapuni kanqanku”, nispa (Proverbios 16:5). Runaykachajkunaqa ichapis yanapanakunankupaj ujchaykukunkuman. Jinapis chay ruwasqankoqa mana salvanqachu castigomanta. Chayrayku profesionniyoj, wakin imasta aswan sumajta ruwaj, congregacionpi ashkha ruwanasniyoj kaspapis chayri manapis llampʼu sonqo kananchej tiyan.

“Diosta manchachikuy”

Tukuypis juchasapas nacekusqanchejrayku, imapipis pantanchejpuni (Romanos 3:23; 5:12). ¿Imataj yanapawasun imatachus ruwayta munasqanchej allinpuni kananpaj? Proverbios 16:6 nin: “Juchaqa munakuywan, cheqa kajwantaj pampachakun. Tata Diosta manchachikuspa, runaqa juchamanta tʼaqakun”, nispa. Jehová Dios munakuywan, cheqa kajwantaj juchasninchejta perdonajtinpis, payta manchachikusqanchej mana juchallikunapaj yanapawanchej. Chayrayku Diosta munakuspapis, munakuwasqanchejmanta agradecekuspapis, sonqonta nanachiyta manchachikunanchej tiyan.

Diospa sonqonta nanachiyta manchikuytaqa sonqonchejpi qallarinchej. Diostataj manchikunchej payta may atiyniyoj kasqanmanta respetasqanchejrayku. Jehovaqa tukuy imata ruwasqanpi may jina atiyniyoj kasqanta rikuchin. Chaypitaj piensarinanchej tiyan. Jobqa Dios atiyninwan imastachus ruwasqanpi piensarispalla yuyayninta cambiarqa (Job 42:1-6). Bibliata leespaqa imaynatachus Jehová llajtanta qhawasqanta yachakunchej. Chay leesqanchejpi piensarispa, ¿manachu Job jinallataj yuyanchej? Uj salmota qhelqaj takerqa: “Jamuychej Diospa ruwasqasninta qhawanaykichejpaj, runasrayku chay jina sumaj ruwasqasninta”, nispa (Salmo 66:5). Ama jaykʼajpis Dios munakuywan khuyawasqanchejta pisipaj qhawanachu. Israelitasqa “mana kasukuspa, Espíritu Santonta phiñacherqanku. Chayrayku Diosqa paykunaj enemigonkuman tukuspa, paypuni contrankuta maqanakorqa” (Isaías 63:10). “Maypachachus uj runaj kawsaynin Tata Diosta kusichin chaypacha[tajrí], Tata Diosqa chay runaj enemigosnintapis paywan allinyachin” (Proverbios 16:7). Jehovaj sonqonta nanachiyta manchikusqanchejqa mayta jarkʼawanchej.

Yachayniyoj rey nerqa: “Cheqanta ruwaspa, pisitapis ganakoyqa aswan allin, sajrata ruwaspa ashkhata gananamanta nisqaqa”, nispa (Proverbios 16:8). Proverbios 15:16 nin: “Pisi imayoj kaspapis Tata Diosta manchachikuywan kawsanaqa aswan allin, qhapaj kaspa musphaykachasqalla kawsanamanta nisqaqa”, nispa. Diospa sonqonta nanachiyta manchikoyqa cheqan kajta ruwanallapajpuni yanapawanchej.

“Runaqa imatachus ruwananta yuyaynimpi wakichin”

Runasqa mana máquinas jinachu kanchej, atinchej ajllakuyta allin kajta chayri mana allin kajta (Deuteronomio 30:19, 20). Sonqonchej ukhupi ashkha imasta ruwaypi yuyaspaqa, atisunman chaykunamanta ujta chayri ashkhata ajllayta. Chaytaqa sapa ujpuni ajllana tiyan. Chaymanta parlaspa Salomón nerqa: “Runaqa imatachus ruwananta yuyaynimpi wakichin”, nispa. Imatachus ruwananta ajllajtinñataj Jehovaqa “chay wakichisqasninta cheqanchan” (Proverbios 16:9). Jehová yanapayta atiwasqanchejrayku, may allin kanman paywan yanapachikunanchej, ajinamanta ‘imatachus ruwanapaj wakichisqanchej juntʼakonqa’.

24-30 DE OCTUBRE

BIBLIAMANTA SUMAJ YACHACHIYKUNA | PROVERBIOS 17-21

“Wajkunawan allinpi kausakuna”

(Proverbios 19:11) Runaj yuyayniyoj kaynenqa phiñakuyninta thasnun; phiñakuyta qonqayman churasqanrayku payqa allimpaj qhawasqa.

w14 1/12 págs. 12, 13

“Runaj yuyayniyoj kaynenqa phiñakuyninta thasnun”

Pelotata phujllayta yachachejqa, manchay phiña runa kasqanrayku wijchʼuchikun.

Uj wawaman mana munasqanta jaywasqankurayku maytapuni qʼellikun.

Uj warmeqa wawanta rimaykun, mana kʼuchunchakuyta yachasqanmanta.

PHIÑAKUYTAQA tukuypis yachanchejpuni. Phiñakuy mana allinchu rijchʼawajtinchejpis, ñitʼikuna kasqanta yachashaspapis, wakin kutisqa runas mana allin kajwan pagawajtinchej, phiñarpakunchejpuni. Astawanpis kay Asociación Americana de Psicología nisqaqa, nin: “Runasqa phiñakuyta yachanchejpuni, chayqa mana onqochikunchu”, nispa.

Chay Asociación nisqanta apóstol Pabloj nisqanwan kikinchaspa, ichá phiñakuy allillan rijchʼawasunman. Pabloqa tukuypis phiñakusqanchejta yachaspa, kayta yuyaycharqa: “Phiñakuspaqa, ama juchallikuychejchu, nitaj inti yaykunankama phiñasqallapuni kaychejchu”, nispa (Efesios 4:26). Pablo nisqanman jina, ¿juchachu kanman phiñakuspa imatapis ruwarpallay? Chayrí, ¿kallpachakunachu tiyan phiñakuyninchejta thasnunapaj?

¿PHIÑAKUY JUCHACHU?

Apóstol Pablo chayta yuyaycharishaspa, ichá Salmo 4:4 versiculopi tʼukurisharqa, mayqenchus nin: “Manchachikuychej, amataj juchallikuychejñachu”, nispa. Apóstol Pablo, ¿phiñakuna kasqantachu nishanman karqa? Mana. Imajtinchus payllataj kayta yuyaycharqa: “Qankunamanta wijchʼuychej tukuy jaya sonqo kayta, phiñakuyta, rabiakuyta, qhaparqachayta, runaj contranta sajra parlakuyta, tukuy sajra yuyaytawan”, nispa (Efesios 4:31). Kay Asociación Americana de Psicología nillantaj phiñakuspa imatapis ruwarpareyqa, chʼampaykunallata astawan yapaykusqanta.

Phiñakusqanchejrayku chʼampaykunapi mana rikukunapaj, ¿imatá ruwasunman? Israelmanta rey Salomonqa nerqa: “Runaj yuyayniyoj kaynenqa phiñakuyninta thasnun; phiñakuyta qonqayman churasqanrayku payqa allimpaj qhawasqa”, nispa (Proverbios 19:11). Arí, allin yuyayniyoj kayqa, phiñakuyninchejta thasnunapaj yanapawasun.

ALLIN YUYAYNIYOJ KANA

Allin yuyayniyoj kayqa, sumajta tʼukurispa allinta qhawarikuy niyta munan. Chayrayku allin yuyayniyoj kayqa, mana phiñakuyninchejwan atipachikunapaj yanapawasun.

Sutʼincharina pillapis mana allin kajta ruwashasqanta rikuspaqa, ichá mayta phiñakusunman. Chay phiñakuyninchejwan atipachikuspa imatapis ruwarpallasunman chayqa, sonqonchejta nanachisunman, jinallataj runa masinchejpatapis. Phiñakuspa imatapis ruwarpallasun chayqa, runaswan chejnichikusun, paykunawantaj mana allintachu kausakusun, astawanpis Diosmanta karunchakusunman. Chayrayku phiñakushasqanchejta reparaspaqa, niraj imata ruwashaspa allinta tʼukurina. Allin yuyaywan tʼukureyqa, phiñakuyninchejta nitʼiykukunanchejpaj yanapawasun.

Salomonpa tatan rey Davidqa, Nabalta wañuchimunman karqa, sichus uj warmi mana reparachinman karqa chayqa. Pay, kamachisnin ima, Judeaj chʼin pampanpi Nabalpa michejkunasninta yanaparqanku. Ovejaspa millmanta ruthuna tiempo chayamojtintaj, Davidqa Nabalmanta mikhunata mañakorqa. Nabaltajrí nerqa: “Ovejasta ruthojkunaypaj wakichisqa kashan chay mikhunasmantachu, [...] qoyman kasqa mana rejsisqa maymantachus runasman?”, nispa. Nabalpa nisqanqa Davidta mayta phiñacherqa. Chayrayku 400 runasta pusariykukuspa Nabalta familiantawan wañuchimunanpaj risharqa (1 Samuel 25:4-13).

Nabalpa warmin Abigailqa chayta yachaytawankama usqhayllata Davidta taripamoj rerqa, qonqorikuspataj nerqa: “Mañarikuyki parlarejta saqenawaykita, nisqasniytataj uyarinawaykita”, nispa. Chantá qosan mana allin yuyayllawan parlarpasqanrayku, perdonananta mañakorqa. Nillarqataj chay sajrata ruwajtenqa aswan qhepaman sonqonta nanachikunanta (1 Samuel 25:24-31).

Abigailqa nisqasninwan Davidta reparacherqa, chay chʼampayta allinchananpaj. Davidqa repararqa Nabal tukuywan wampupuni kasqanta, manataj payllawanchu. Reparallarqataj Nabalta wañuchispaqa, runa wañuchiman tukupunanta. David jina mayta phiñakusunman chayqa, ¿imatá ruwana tiyan? Kay Clínica Mayo nisqaqa phiñakuyninchejta ñitʼikunapaj kayta ruwananchejta nin: “Niraj imata ruwashaspa, jatunmanta samarispa chunkakama yupay”, nispa. Arí, allintaraj tʼukurina imaraykuchus chay chʼampay rikhurisqanta, chantá ima llakiykunapichus rikhurichinawanchejpi ima. Allin yuyayniyoj kaywan yanapachikuna phiñakuyninchejta thasnunapaj, sonqonchejtataj tiyaykuchinapaj (1 Samuel 25:32-35).

Kunanpis ashkha runas, David jina yanapata japʼillankutaj. Sebastianqa Polonia suyu carcelpi, 23 watayoj kashaspa Bibliamanta yachakorqa, chaytaj phiñakuyninta ñitʼinanpaj yanaparqa. Pay nin: “Ñaupajtaqa chʼampayniypi sumajta tʼukurini, chantá Biblia yuyaychasqanman jina ruwanaypaj kallpachakuni. Bibliaqa sumajtapuni yanapawan”, nispa.

Setsuopis Sebastian jinallataj ruwan. Pay nin: “Unayqa llankʼaj masisniy rabiachiwajtinku qhapariykojpacha kani. Kunanrí Diospa Palabranmanta yachakuytawanqa, kayta tapurikuyta yachani: ‘¿Pitaj juchayoj? ¿Noqallatajchu juchayoj kani?’”, nispa. Ajinata tapurikuspa Setsuoqa, phiñakuyninta thasnuyta yachan.

Phiñakuyninchej atipanawanchejpaj jina kajtinpis, Bibliaj yuyaychaykunasnin sonqonchejta tiyaykuchiyta atin. Chayman jina ruwaspa, Diospa yanapayninta mañakuspa ima, sonqo tiyasqa kausakunapaj, allin yuyayta tarisunchej.

(Proverbios 18:13) Manaraj allinta uyarishaspa imatapis kuticheyqa wampu kaymin, pʼenqaytaj.

(Proverbios 18:17) Juiciopi ñawpajta parlarejqa cheqampi kasqanta rijchʼakun, uj chayamuytawan sutʼinchanankama.

(Proverbios 21:13) Sichus pipis wajcha runaspa mañakusqankuta mana uyarin chayqa, paypa mañakusqampis manallataj uyarisqachu kanqa.

w11 15/8 pág. 30 párrs. 11-14

Allin kawsayta maskʼana

Imaynatá ancianos yanapankuman

¹¹ Juk hermano familianmanta chayri qutuchakuymanta pillawanpis juk chʼampaypi kasqanmanta juk ancianoman willarisqanpi tʼukurina. ¿Imatá chay anciano ruwanqa? Ñawpaqtaqa sumaqta uyarinqa, Proverbios 21:13 nisqanta yuyarikusqanrayku, chaypi nin: “Sichus pipis wajcha runaspa mañakusqankuta mana uyarin chayqa, paypa mañakusqampis manallataj uyarisqachu kanqa”, nispa. Chantapis mana sunqu nanasqa kaqllamanchu sayaykukunqa, imaraykuchus Biblia nin: “Juiciopi ñawpajta parlarejqa cheqampi kasqanta rijchʼakun, uj chayamuytawan sutʼinchanankama”, nispa (Prov. 18:17). Ancianoqa, uyariytawan chay hermanota phiñanakusqan hermanowan parlasqantachus manachus tapunqa. Chantapis allinpi kawsakunanpaq imatachus ruwanan kasqanta Bibliawan rikuchinqa.

¹² Chʼampaypi kaqkunamanta juknillanta uyariyqa mana allinchu. Bibliapiqa, kimsa runas ajinapi rikukusqankuta sutʼinchan. Ñawpaq kaqqa, Potifar payqa, warmin llullakuspa José paywan puñuykuyta munasqanta willaptin chiqa kasqanta yuyarqa. Mayta phiñakuspataq Joseta carcelman wisqʼachirqa (Gén. 39:19-21). Qhipan kaqtaq David paypis, Mefi-boset paypa enemigonman tukusqanta Siba niptin, payqa mana chiqata yachaspa nirqa: “Kunanqa qampataña, Mefi-bosetpata tukuy imasninchus karqa, chaykunaqa”, nispa (2 Sam. 16:4; 19:25-27). Kimsa kaqtaq Persiamanta rey Artajerjes karqa. Payqa, judíos Jerusalenpa pirqasninta watiqmanta sayarichispa contranpi uqharikunankuta ima willachiptinku, mana chiqachu kaptinpis, chay chiqa kasqanta yuyaspa ruwachkasqankuta saqichinankupaq kamachirqa. Ajinamantataq Diospa templonta ruwachkasqankuta sayachikurqa (Esd. 4:11-13, 23, 24). Ancianosqa, kaymanta mayta yachakunkuman. Ima chʼampayta allinchanankupaqpis, allintaraq yachananku tiyan, Pablo nisqanmanjinataq mana jukllamanchu kutikunanku tiyan (1 Timoteo 5:21 ñawiriy).

¹³ Chʼampaypi kaqkunata uyarispapis, mana allintapunichu yachasunman. Imaraykuchus Biblia nin: “Sichus pipis yuyanman imatapis allinta yachasqanta chayqa, manaraj imatapis yachanchu, yachanata jinaqa”, nispa (1 Cor. 8:2). Imaynatachus chay chʼampay rikhurisqanta chayri imaynapichus chay chʼampaypi rikukusqankumantaqa, ichá mana allintachu yachanchik. Ancianosqa, pillatapis juchachanapaq juzgachkaptinku, mana qhasi mana kaq parlaykunawan chʼawkiyachikunankuchu tiyan. Diosqa, Jesucristollata Jueztajina akllarqa, paytaq “mana rikusqanman jinallachu juzganqa, nitaj uyarisqanman jinallachu justiciata ruwanqa” (Isa. 11:3, 4). Jesusqa, Jehovap espíritu santon yuyaychasqanmanjinapuni ruwan, ancianospis kikillantataq ruwananku tiyan.

¹⁴ Chayrayku niraq pitapis juzgachkaspaqa, Jehovamanta espíritu santonta mañakunanku tiyan. Chantapis Bibliapi, allin kamachi yuyayniyuq quwasqanchik publicacionespi ima, yanapayninta maskʼananku tiyan (Mat. 24:45).

(Proverbios 17:9) Pichus contrampi ima nisqatapis mana kasuta ruwajqa munakuyta maskʼan; pichus chay nisqasta willarajrí kawsaqesta phiñanachin.

w11 15/8 pág. 31 párr. 17

Allin kawsayta maskʼana

¹⁷ Wakin kutipi hermanospura chʼampaypi kasqanchikqa, allinchayta atinapaqjinalla, nitaq ancianospuni allinchanankutachu necesitanchik. Chantapis, munakusqanchikrayku tukuy sunqu perdonanchik. Biblia nin: “Pichus contrampi ima nisqatapis mana kasuta ruwajqa munakuyta maskʼan; pichus chay nisqasta willarajrí kawsaqesta phiñanachin”, nispa (Pro. 17:9). Biblia nisqanmanjina ruwaptinchikqa, hermanosninchikwan, Jehovawan ima allinpi kawsakusun (Mat. 6:14, 15).

Sumaj yachachiykunata maskʼana

(Proverbios 17:5) Pichus wajcha runamanta alqochakojqa ruwajnin Diosta pisipaj qhawan. Pichus wajcha runata kusipayajqa castigasqapuni kanqa.

w10 15/11 pág. 6 párr. 17

Wayna, sipas, Diospa Palabran nisqanmanjina kawsakuy

¹⁷ Sapallayki kachkaspa Diosman chiqa sunqu kanki chayqa, “imachus allin imataqchus mana allin kasqanta” reparayta atisqaykita rikuchinayki tiyan. Chantapis, allin kaqtapuni ruwanaykipaq “yachasqa kan[ayki]” tiyan (Heb. 5:14). Sutʼincharinapaq, takiykunata uyarichkasqayki, peliculata qhawachkasqayki chayri Internetpi imatapis qhawachkasqayki, allinchus manachus kasqanta tapurikuy. Allin kaqta akllanaykipaq, saqra kaqtataq qhisachanaykipaqqa, kaykunata tapurikuwaq: “¿Allinniypaqchu akllasqay kanqa? Chayri ¿‘Runas ñakʼarisqankuta kusipayanaypaqchu’ tanqawanqa?” (Pro. 17:5). “¿Allin kaqta munakunaypaqchu chayri saqra kaqta mana chiqnikunaypaqchu tanqawanqa?” (Amós 5:15.) Sapallaykipi imatapis ruwasqaykiqa, imastachus allinpaq qhawasqaykita rikuchinqa (Luc. 6:45).

w10 15/11 pág. 31 párr. 15

Juntʼa sunqullapuni kanachik

¹⁵ Jobqa, payta chiqnikuqkuna ñakʼariptinku, mana kusipayaqchu. Chaymanta Proverbios nin: “Ama kusikuychu, nitaj fiestata ruwaychu, enemigoyki miskʼajtin, chayri urmajtimpis. Pajtataj Tata Diosqa chay asikusqaykita rikuspa, phiñakunman, jinaspataj urmajpa patanmanta phiñakuyninta oqharikapunman”, nispa (Pro. 24:17, 18). Jehovaqa, imachus sunqunchikpi kasqanta yachasqanrayku, wakkuna ñakʼariptinku kusipayaptinchikqa yachan, chaytataq mayta chiqnikun (Pro. 17:5). Pay, imatachus ruwananta yachan, chayrayku niwanchik: “Vengakunay, kutichipunaypis noqaj makiypimin”, nispa (Deu. 32:35).

(Proverbios 20:25) Mana walejchu runapaj usqhayllata imatapis Diosman qosaj niytawan, chay qhepata iskayrayananqa.

w09 15/5 págs 15, 16 párrs. 12, 13

Waynas ñawpaqman richkasqaykichikta tukuy rikuchunku

¿Casarakuypichu yuyachkanki?

¹² Wakin waynas, sipaskuna ima, casarakunankupaqjinaña kaspa, llakiyninkumanta, sapayakuyninkumanta, chʼampayninkumanta ima ayqinankurayku usqhayllata casarakunku, casarakuytaq mana pukllakuyllachu. Ñawpa tiempopi wakin runasqa, mana allinta tʼukurispalla usqhayllata Diosman imatapis qusaq niq kanku (Proverbios 20:25, ñawiriy). Kunan tiempopipis wakin waynas, sipaskuna ima, imatachus casarakuspa ruwanankupi, mana allinta tʼukurinkuchu, qhariwarmi kawsayninkupi chʼampaykuna kaptillanña, casarakusqankumanta mayta pesachikunku.

¹³ Juk waynawan chayri juk sipaswan lluqsiyta munachkanki chayqa, kaykunata tapurikuy: “¿Imaraykutaq casarakuyta munani? ¿Imatataq qhariwarmi kawsaymanta suyani? ¿Kay qhari chayri kay warmi ñuqapaqjinachu? ¿Imaynatá qhariwarmi kawsayniykupi yanapayman?”, nispa. “Allin kamachi, yuyayniyoj[qa]”, casarakuyta munaqkunapaq wakin publicacionespi sumaq yachaqanasta urqhun, kay publicacionesta ñawirinki chayqa, imatachus ruwanaykipaq yanapasunqa (Mat. 24:45-47). Chay yachaqanasta ñawirichkaspaqa, Jehovapis tukuy chay yuyaychaykunata quchkasunkimanjina, allinta tʼukuriy, kawsayniykipitaq ruway. Ama “caballo jinaqa, chayri mula jinaqa kaychu mana entiendey atejqa” (Sal. 32:8, 9). Manaqa, machu runajina, imaynachus qhariwarmijina kawsay kasqanmanta yachasqaykita rikuchiy. Juk waynawan chayri juk sipaswan riqsinakunaykipaq wakichisqa, kasqaykita yuyakunki chayqa, “allin kajta rikuchiy llimphu kawsaypi” (1 Tim. 4:12).

31 DE OCTUBRE–6 DE NOVIEMBRE

BIBLIAMANTA SUMAJ YACHACHIYKUNA | PROVERBIOS 22-26

“Wawamanqa imaynatachus kawsananta allinta yachachiy”

(Proverbios 22:6) Wawamanqa imaynatachus kawsananta allinta yachachiy; machuyaynimpipis mana qonqanqachu chay yachasqantaqa.

(Proverbios 23:24, 25) Cheqan runaj tatanqa mayta kusikun. Yachayniyoj churita yumajqa payrayku kusikun. ²⁵ Tataykiwan mamaykiwanqa kusikuchunku; pichus nacechisojqa kusikuchumpuni.

w08-S 1/4 pág. 16

¿Imaynatá kay tiempopi wawasman yachachisunman?

Allinta flechay

Hebreo parlaypi Salmo 127:4, 5 versiculospeqa uj tatata ‘wapu maqanakojwan’ kikinchan. ¿Chay ninayanchu tataslla sumajta yachachiyta atisqankuta? Mana. Kay versiculopi imatachus nisqanqa mana tatasllapajchu, manachayqa mamaspajpis, chayri sapallanku wawasninkuta uywajkunapajpis (Proverbios 1:8). Unay tiempopi soldadosqa ‘wapu maqanakojkuna’ kananku karqa, ajinamanta fechata arcowan flechanankupaj. Unay tiempopeqa flechanapaj arcosta cobrewan bañaj kanku, chayrayku flechanankupajqa arcoj uj kantunta chakinkuwan saruykoj kanku, ajinamanta arcota tesaykuspa flechayta atinankupaj (Jeremías 50:14, 20). Unay tiempopi arcota doblaykuspa uj flechata flechanankupajqa, may kallpayojpuni kananku karqa.

Wawasta uywanapajpis ajinallatataj kallpachakuna tiyan. Flechaqa mana sapallanmantachu flechakun, ajinallatataj wawaspis mana sapallankuchu yachachikunku. Llakikunapaj jinataj, kay tiempomanta tatasqa wawasninkuman yachachinankupaj mana kallpachakunkuchu. Astawanpis saqenku llimphu kausayniyoj kanamanta, qhariwarmi jina puñuykuymanta wawasninku yachakunankuta telellapi, escuelallapi chayri amigosnillankuwan. Chantapis wawasninkuman tukuy ima munasqankuta qonku. Imatapis wawas mañakojtinku mana niyta atinkuchu “mana” nispaqa, manachayqa mañakusqankuta qollanku, ninkutaj: “Ni imata faltachiyta munanichu wawaypajqa”, nispa. Chayta ruwaspaqa tatas wawasninkuta mana yanapankuchu.

Wawasman yachacheyqa mana atikullanchu. Chayrayku sumajta Diospa Palabranman jina yachachinapajqa mayta kallpachakuna tiyan. Chayta ruwaytaj may allinpuni, imajtinchus wawasta mayta yanapan. Tatas (Parents) nisqa revista nin: “Estudiosta ruwakusqanman jina, [...] wawasninkuta munakoj, wawasninkuwan kasuchikoj tataspa wawasninkoqa, sumaj estudiantes kanku, chantapis wajkunawan allinta kausakunku, imaynachus kasqankumanta mana llakikunkuchu, aswan kusisqastaj kanku, pikunatachus tatasninku munayninta ruwajta saqellaj kanku chay wawasmanta nisqaqa”, nispa.

Chantapis waj bendiciones kallantaj. Niraj chay bendicionesmanta parlarishaspa leerina Proverbios 22:6 versiculoj ñaupaj partenta, chaypi nin: “Wawamanqa imaynatachus kawsananta allinta yachachiy”, nispa. Kay versiculoj tukukuyninpitaj nin: “Machuyaynimpipis mana qonqanqachu chay yachasqantaqa”, nispa. ¿Chay ninayanchu wawasta allinpuni rinanta? Mana. Imajtinchus wawasqa sapa uj ajllananku kanqa imatachus ruwanankuta. Jinapis kay versiculoqa tatasta sonqochan, ¿imaynamantá?

Wawasninchejta Bibliaj nisqanman jina yachachisun chayqa, aswan qhepaman kusisqa kausakunanchejpaj wakichikushasunchej. Imajtinchus kusikusun wawasninchej wiñayta tukuytawan kusisqa, uj trabajoyoj, nisqanta juntʼaj kasqankuta rikuspa (Proverbios 23:24). Chayrayku tukuy atisqanchejta ruwana wawasninchejta yachachinapaj, jarkʼanapaj, yuyaychanapaj ima. Chayta ruwasqanchejmantaqa ni jaykʼaj pesachikusunchu.

w07-S 1/6 pág. 31

Leejkunaj tapuyninku

Proverbios 22:6 versiculoj nisqan, ¿ninayanchu tatas wawasninkuman Diosmanta yachachejtinku, wawasninku Diosllatapuni sirvinankuta?

Kay versículo nin: “Wawamanqa imaynatachus kawsananta allinta yachachiy; machuyaynimpipis mana qonqanqachu chay yachasqantaqa”, nispa. Imaynatachus uj sachʼitata wataykuspa cheqanchajtinchej kʼachituta wiñan, ajinallatataj wawaspis Diosmanta yachachejtinchej, jatunña kaspa Diosta sirviyta munallanqankupuni. Tukuy tatamamastaj yachanku chaypaj tiempochakunanku, kallpachakunanku kasqanta. Wawas jatunña kaspa Diosta sirvinankupajqa, tatasninku kallpachakunanku tiyan yachachinankupaj, yuyaychanankupaj, kallpachanankupaj. Kʼachamanta, munakuywantaj cheqanchanankupaj.

Uj wawa Diosmanta karunchakojtin, ¿nisunmanchu chay wawaman tatasnin mana allinta yachachisqankuta? Ichapis tatasnenqa mayta kallpachakorqanku Jehovamanta yachachispa uywanankupaj (Efesios 6:4). Chantapis Proverbios libropeqa mana niwanchejchu tatas Diosmanta wawasman yachachejtinku, wawas mana Diosmanta karunchakunankuta. Tatasqa mana atinkuchu munasqankuman jina wawasta uywayta. Wawasqa tukuy runas jinallataj imatachus ruwanankuta ajllayta atinku. Chayrayku wawaspuni ajllananku tiyan Diosta sirviytachus manachus (Deuteronomio 30:15, 16, 19). Tatas wawasninkuman yachachinankupaj mayta kallpachakojtinkupis, wakin wawasqa Proverbios 22:6 versiculota qhelqaj Salomón jina Diosmanta karunchakunku. Chantapis Jehovaj wakin wawasnin Jehovata wasancharqanku.

Kay versiculoqa mana nishanchu tukuy wawaspuni yachakusqankuman jina ruwanankuta. Jinapis ashkha wawas yachakusqankuman jina ruwanku. Chayta yachaytaj ashkha tatasta kusichin. Tatasqa kusikunanku tiyan wawasninkuman Diosmanta yachachisqanku mana qhasillapajchu kasqanta yachaspa. Chantapis wawasninkuman yachachiyta mana pisipajchu qhawananku tiyan (Deuteronomio 6:6, 7).

Wawas Diosmanta karunchakojtinkupis, wawasninkuman sumajta yachachej tatasqa atinku suyakuyta wawasninku yuyayninkuman churakuspa kutinpunankuta. Bibliapi kaj cheqa yachacheyqa atiyniyoj, tataspa yachachisqankutataj wawasqa mana qonqankuchu (Salmo 19:7).

(Proverbios 22:15) Wampu kayqa wawajpa sonqompi kashan, wanachina varataj chay wampu kayninta chinkachenqa.

(Proverbios 23:13, 14) Ama michʼakuychu wawaykita wanachinapaj seqʼoytaqa; uj mashkhata seqʼosqaqa mana payta wañuchenqachu. ¹⁴ Manachayqa, ajinata varawan seqʼospaqa, ukhu pachaman rinanmanta libranki.

w97-S 15/10 pág. 32

¿Atisunmanrajchu wawasman yachachiyta llimphu kausayniyoj kayta?

INSTITUTO Vanier de la Familia, de Ottawa (Canadá) nisqamanta Robert Glossop nin: “Kay tiempopi runasqa tukuy imaymana kanchej, tukuy clase costumbresniyoj, manataj kikintachu llimphu kausayniyoj kaymanta yuyanchej”, nispa. Chayrayku, ¿imaynataj kay tiempopi kausay? Uj informepi Toronto llajtamanta Estrella (The Toronto Star) nisqa periódico nin: “Sapa kuti astawan yapakun jóvenes maqanakusqanku, wañuchikuyta munasqanku, jovencitas onqoj rikhurisqanku ima”, nispa.

Chaytaj mana Estados Unidosllapichu. Centro para el Desarrollo Humano de la Universidad Brown, de Rhode Island (Estados Unidos) nisqamanta director Bill Damon, imaynatachus jóvenes llimphu kausayta qhawasqankuta estudiarqa Gran Bretañapi, Europamanta waj suyuspi, jinallataj Australiapi, Israelpi, Japonpi ima. Pay nisqanman jinaqa iglesiaspi , escuelaspi, waj institucionespi ima manaña unay tiempopi jinachu jovenesman yachachikun. Chantapis pay yuyasqaman jina, kay tiempopi “runasqa manaña yachankuchu imatachus wawas necesitasqankuta, sumaj runas kanankupaj, imatapis sumajta ruwayta yachanankupaj”. Wawasta uywaymanta yachaj runas ninku: “Wawasta cheqanchayqa wawasta onqoykuchinman, nitaj paykunapaj allinchu kanman”, nispa. Chaymanta parlaspa Damon nerqa: “Ajinata yuyajtinchejqa wawasninchej tercos chayri kʼullus, mana kasukojkuna kanqanku”, nispa.

¿Imaynatá kay tiempopi jovenesta yanapasunman? Munakuywan yuyaychaspa yachachispa ima. Wawasqa mana kikinchu kanku, chayrayku mana tukuy wawastachu kikinta cheqanchana kanqa. Wawasninchejta munakusqanchejrayku, ashkha kutispi paykunawan parlarina kanqa, parlasqanchejwantaj cheqanchana kanqa. Chayrayku Proverbios 8:33, (NM) nin: “Cheqanchasqa kayta uyariychej”, nispa. Jinapis wakenqa “simillataqa mana uyarinkuchu”. Ajina kajtenqa ichá allin kanman castigananchej (seqʼonanchej), jinapis pantaykusqankuman jinalla castigananchej tiyan (Proverbios 17:10; 23:13, 14; 29:19). Kayta Biblia yuyaychaspaqa mana nishanchu uj wawata mayta phiñakuspa castigananchejta, ukhun may nanasqatataj saqenanchejta (Proverbios 16:32). Manachayqa wawa entiendenan tiyan imaraykuchus castigachikushasqanta, chantapis reparanan tiyan tatan, maman paypa allinninta munasqanta (Hebreos 12:6, 11 kikinchay).

Kay jina sumaj yuyaychaykuna, Bibliaj nisqanman jinataj, Imaynatá familiaykipi kusisqa kawsakuwaq nisqa libropi kashan.

it-2-S pág 1183 párr. 1

Vara (kʼaspi), tojnu

Tataspa kamachina atiyninku. Bibliaqa “Vara” chayri castiganapaj kʼaspi nispaqa tataspa kamachina atiyninkumanta parlashan. Proverbios librotaj chaymanta ashkha kutispi parlan. Chay libropi “vara” nispaqa tukuy imaynasmanta uj wawata cheqanchayta atisqanchejmanta parlashan, wakin kutistaj varamantapuni chayri chicotemantapuni parlashan. Tatasmanqa Dios kamachin wawasninkuta cheqanyachinankupaj chay varata chayri chicoteta apaykachanankuta nin. Tatas mana ruwayninkuta juntʼanqankuchu chayqa, wawasninkuta mana allinman, wañuyman ima chayachenqanku, paykunataj pʼenqaypi rikhurenqanku, Diostaj paykunata mana allinpajchu qhawanqa (Pr 10:1; 15:20; 17:25; 19:13). “Wampu kayqa wawajpa sonqompi kashan, wanachina varataj chay wampu kayninta chinkachenqa”. “Ama michʼakuychu wawaykita wanachinapaj seqʼoytaqa; uj mashkhata seqʼosqaqa mana payta wañuchenqachu. Manachayqa, ajinata varawan seqʼospaqa, ukhu pachaman rinanmanta libranki” (Pr 22:15; 23:13, 14). Chantapis “pichus wawanta mana jasutʼejqa mana payta munakunchu; pichus munakojrí juchʼuymantapacha wanachinapaj jasutʼin” (Pr 13:24; 19:18; 29:15; 1Sa 2:27-36).

(Proverbios 23:22) Pichus yumasoj tataykitaqa allinta uyariy, mamaykitapis payayajtenqa, ama pisipaj qhawaychu.

w04-S 15/6 pág. 14 párrs. 1-3

Kausayninchejta may valorniyojpaj qhawana

“¿MASKHA valenki?” nispa nisojtinku, ¿mashkha valesqaykitataj niwaj? Tukuypis kausayninchejta, wajkunaj kausayninkuta ima jatunpaj qhawanchej. Chayraykutaj doctorman rinchej, onqospapis jampichikunchej, manataj wañuyta munanchejchu, manachayqa sanitos kayta munanchej. Nipunitaj pipis wañuyta munanchu, ni machituspis, nillataj discapacitadospis. Astawanqa tukuy kausayta munanchej.

² Imaynatachus kausayninchejta qhawasqanchejqa waj runaswan imaynatachus kausakusqanchejpi rikukun. Sutʼincharinapaj, Biblia niwanchej: “Pichus yumasoj tataykitaqa allinta uyariy, mamaykitapis payayajtenqa, ama pisipaj qhawaychu”, nispa (Proverbios 23:22). “Uyariy” nispaqa mana uyarinallamantachu parlashan, manachayqa uyarisqanchejman jina kausakunamanta (Éxodo 15:26; Deuteronomio 7:12; 13:18; 15:5; Josué 22:2; Salmo 81:13). ¿Imaraykutaj Biblia niwanchej kasukunanchej kasqanta? Mana ashkha watasniyojña, unaytañataj kausakusqankuraykullachu kasukunanchej tiyan, manaqa paykuna kay mundoman apamuwasqanchejrayku. Wakin Bibliaspi kay versículo nin: “Tataykita kasuy, kausayta qosusqanrayku”, nispa. Pillapis kausayninta jatunpaj qhawajqa, pichus kausayta qojman agradecekun.

³ Diosta sirvinki chayqa, yachanki Jehová kausayta qowasqanchejta. “Diospi kawsanchej, kuyurinchej, kanchejtaj”. Chayrayku imatachus qhepaman ruwananchejpi piensanchej, chaypajtaj wakichikunchej, chantapis imaynatachus wiñaypaj kausananchejpi piensayta atinchej (Hechos 17:28; Salmo 36:9; Eclesiastés 3:11). Proverbios 23:22 versiculomanta yachakunchej Diosta uyarina kasqanta. Chaytataj ruwanchej Diosta kasukuspa, pay jinataj kausayta qhawaspa, chantapis chayman jina ruwaspa.

w00-S 15/6 pág. 21 párr. 13

“Qankunaqa tukuyniykichej hermanos kankichej”

¹³ Familianchejta jatunpaj qhawaspaqa mana warminchejta, wawasninchejta imallachu jatunpaj qhawanchej. Japonmanta runas niyta yachanku: “Viejoña kaspaqa wawasniykita kasukuy”, nispa. Chay nisqankoqa rikuchin, tatas viejituña kaspa, wiñay tukusqa wawasninkuta uyarinanku kasqanta. Tatas wawasninkuta jatunpaj qhawanankuta, uyarinankuta Biblia nejtinpis, wawasqa tatasninkuta respetananku tiyan. Proverbios 23:22 nin: “Mamaykitapis payayajtenqa, ama pisipaj qhawaychu”, nispa. Rey Salomonqa kay nisqanman jina ruwarqa, mamanpa mañakusqantataj qorqa. Payqa kamacherqa mamanpaj uj jatun tiyanata, paypa kamachina tiyananpa paña ladonman churanankuta. Chantapis maman Bat-seba nisqanta uyarerqa (1 Reyes 2:19, 20).

Sumaj yachachiykunata maskʼana

(Proverbios 24:16) Cheqan runaqa qanchis kutita urman, chantaqa uj qanchis kutillatataj sayarikun. Sajra runastajrí llakiyman urmachisqa kanqanku.

w13 15/3 págs. 4, 5 párrs. 5-8

Mana Imapis “Miskʼachiyta” Atiwanchejchu

URMASPAPIS SAYARISPA CORRELLAYPUNI

⁵ Miskʼajtinchej chayri urmajtinchej imatachus ruwasqanchejqa imayna runachus kasqanchejta rikuchin. Wakenqa pesachikuspa Diosta yupaychallankupuni. Wakintaj mana pesachikuyta munankuchu. Proverbios 24:16 nin: “Cheqan runaqa qanchis kutita urman, chantaqa uj qanchis kutillatataj sayarikun. Sajra runastajrí llakiyman urmachisqa kanqanku”, nispa.

⁶ Jehovaqa paypi atienekojkunata uj chʼampayrayku chayri imapi pantasqanrayku miskʼajtinku chayri urmajtinku yanapanpuni. Payqa munakusqanchejta yachasqanrayku tukuy sonqowan payta sirvinallapajpuni yanapawasun. Chaytaj mayta sonqochawanchej. Sajra runastajrí, urmachisqa kaspa manaña sayarikuyta munankuchu, espíritu santonnejta, llajtannejta ima Dios yanapayta munasqantapis qhesachanku. Jehovaj yachachisqanta munakojkunataj mana jinachu kanku. Ni “imapis paykunata miskʼachiyta atinchu” nisunman wiñay kausayman apaj ñanmanta ni ima orqhoyta atinchu (Salmo 119:165 leey).

⁷ Wakin hermanosqa imapipis urmanankupaj jina kasqankurayku, ashkha kutista pantanku. Chaywanpis, sayarikojtinku nisunman sonqomantapacha pesachikojtinku, cheqa sonqowantaj Diosta sirvinankupaj kallpachakojtinku, Jehová paykunata allillanpajpuni qhawanman. Imaynatachus ñaupa Israel llajtanwan ruwarqa ajinata (Isa. 41:9, 10). Proverbios 24:16 versiculopeqa mana urmasqanchejmantachu astawan parlashan, manaqa khuyakoj Diosninchejpa yanapayninwan sayarikuyta atisqanchejmanta (Isaías 55:7 leey). Jehovawan Jesucristowanqa sayarikuyta atisqanchejta yachanku, chayraykutaj sayarikunata niwanchej (Sal. 86:5; Juan 5:19).

⁸ Atipanakupi correjqa miskʼaspa chayri urmaspa usqhayllata sayarikojtin chayananman chayanmanraj. Wiñay kausayta tarinapaj correjkunaqa “ima pʼunchaychus, ima horachus” chay tukukunanta mana yachanchejchu (Mat. 24:36). Jinapis, mana anchata miskʼasunchu chayqa sumajllatapuni corresun, chayananchejmantaj chayasun. Chantá, ¿imatá ruwasunman mana miskʼanapaj?

(Proverbios 24:27) Jawapi imachus ruwanasniykitaraj allinta wakichiy, campopi ruwanasniykitapis ruwamuy; chaymantaraj wasiykita ruwakunki.

w09 15/10 pág. 12 párr. 1

Ñawiriqkunapta tapuyninku

Proverbios libro, juk waynata yuyaychaspa nin: “Jawapi imachus ruwanasniykitaraj allinta wakichiy, campopi ruwanasniykitapis ruwamuy; chaymantaraj wasiykita ruwakunki”, nispa. Kay pʼiti nisqanmanjina juk qhariqa, familiayuq kaspa imastachus ruwanan kasqanta yachanan tiyan, chaypaqtaq niraq casarakuchkaspa wakichikunan tiyan.