Congregacionpi ujchasqa kanapaj yanapakuna

Hermanoswan khuska kaspaqa, rey David jina ninchej: “May allinpuni, may sumajpuni hermanospura ujchasqa, khuskataj kausakusqankoqa”, nispa (Salmo 133:1). Ajina ujchasqa kanapajqa sapa uj yanapakuna tiyan.

1. ¿Imatataj sutʼita reparanchej Diospa llajtanpi?

Sichus waj suyupi uj congregacionman risunman chayqa, hermanospa parlasqankuta mana entiendespapis, hermanosta familianchejta jina qhawasunman. Imajtinchus maypi tiyakuspapis kikin publicacionesllawantaj Bibliata estudianchej. Chantapis tukuyninchej kallpachakunchej purajmanta munanakunapaj. Maypi tiyakuspapis ‘Jehovaj sutinta oqharinchej, ujchasqataj payta yupaychanchej’ (Sofonías 3:9, sutʼinchaynin).

2. ¿Imatá ruwasunman tukuy hermanoswan ujchasqa kanapaj?

Biblia nin: “Sonqomantapacha mayta munanakuychej”, nispa (1 Pedro 1:22). ¿Imaynatá chayta ruwasunman? Hermanosninchej mana allin imasta ruwasqankuta qhawanamantaqa, allin imasta ruwasqankuta qhawana. Ama noqanchej jina yuyaj hermanosllawan masichakunachu, manaqa waj lugaresmanta hermanoswanpis. Chantapis mayta kallpachakuna wajkunamanta allintapuni yuyanapaj (1 Pedro 2:17 leey).a

3. ¿Imatá ruwasunman mayqen hermanollawanpis phiñanakuspa?

Ujchasqas kaspapis, pantaj runas kasqanchejrayku wakin kutis sonqonchejta nanachinakunchej. Chayrayku Biblia niwanchej: “Perdonanakuychej. Imaynatachus Jehová Dios qankunata tukuy sonqo perdonasorqachej, ajinallatataj qankunapis perdonanakuychej”, nispa (Colosenses 3:13 leey). Noqanchejqa ashkha kutista Jehovaj sonqonta nanachinchej, paytaj perdonawanchej. Chayrayku payqa munan hermanosninchejta perdonanata. Sichus uj hermanoj sonqonta nanachisqanchejta reparakunchej chayqa, chay hermanowan allinyakapuna (Mateo 5:23, 24 leey).b

ASTAWAN YACHAKUNA

4. Ama hermanosninchejta sajra ñawiwan qhawanachu

Tukuy hermanosninchejta munakunchej. Jinapis wakin kutisqa ichapis wakin hermanosta mana munakuyta atillasunmanchu waj lugarmanta kasqanrayku, chayri mana noqanchej jinachu kasqanrayku. Hechos 10:34, 35 leeriychej, chantá yachakojta tapuriy:

• Jehová Diosqa tukuy runasta uj rejllata qhawan. Chayrayku, ¿imaynatataj qhawananchej tiyan mana noqanchej jinachu kanku chay runasta?

• Lugarniykipi runas, ¿tukuytachu uj rejllata qhawanku? ¿Imaraykutaj mana allinchu kanman paykuna jina yuyanayki?

2 Corintios 6:11-13 leeriychej, chantá yachakojta tapuriy:

• ¿Imata ruwaytaj yanapawasunman hermanosninchejta astawan munakunapaj?

5. Tukuy sonqo perdonana, allinyakapunataj

Noqanchejqa mana jaykʼajpis Jehovata perdonananchejchu kanqa, jinapis Jehovaqa tukuy sonqo perdonawanchej. Salmo 86:5 leeriychej, chantá yachakojta tapuriy:

• ¿Imapajtaj Jehová wakichisqa kashan?

• ¿Jehová perdonasusqanmanta agradecekunkichu? ¿Imaraykú agradecekunki?

• ¿Ima kajtintaj wajkunawan mana allinta kausakuyta atillasunmanchu?

Jehovamanta yachakuna hermanosninchejwan ujchasqa kanapaj. Proverbios 19:11 leeriychej, chantá yachakojta tapuriy:

• Pillapis phiñachiwajtinchej chayri sonqonchejta nanachiwajtinchej, ¿imatá ruwana kanman allinyakapunapaj?

Wakin kutisqa noqanchej wajkunaj sonqonkuta nanachisunman. Ajina kajtintaj allinyakapunapaj kallpachakuna tiyan. VIDEOTA qhawariychej, chantá yachakojta tapuriy.

VIDEO: Wajkunawan allinyakuspaqa kusisqa kanchej (6:01)

• Videopi rikhurej hermana, ¿imatá ruwarqa sonqonta nanachej hermanawan allinyakapunanpaj?

6. Hermanosninchejpa allin ruwasqasninkuta qhawana

Hermanosninchejta astawan rejsispaqa imastachus allinta ruwasqankuta qhawanchej, mana allin imasta ruwasqankutapis. Chayrayku allin imasta ruwasqankuta qhawanapaj kallpachakuna tiyan. VIDEOTA qhawariychej, chantá yachakojta tapuriy.

VIDEO: Aswan kʼacha runaraj kay (5:11)

• ¿Imatá ruwasunman hermanosninchejpaj allin ruwasqasninkuta qhawanapaj?

Jehovaqa allin ruwasqasninchejtapuni qhawan. 2 Crónicas 16:9a leeriychej, chantá yachakojta tapuriy:

• Jehová allin ruwasqasniykita qhawasqanta yachaspa, ¿imayná sientekunki?

¿IMASTÁ YACHAKUNCHEJ?

Kaypi yachakunchej hermanosninchejwan ujchasqa kanapajqa paykunata perdonana kasqanta, munakunataj kasqanta.

Yuyarikunapaj

• ¿Imaynatataj hermanosninchejta qhawana tiyan?

• Mayqen hermanollawanpis phiñanakuspa, ¿imatataj ruwananchej tiyan?

• ¿Imaraykutaj Jehová jina perdonayta munanki?

ASTAWAN YACHAKUNAYKIPAJ

¿Jesús ima kikinchaywantaj yachacherqa mana wajkunata juzganata? Chayta yachanaykipaj kay videota qhawariy.

¡Ñawiykimantaraj kurkuta orqhoy! (7:01)

¿Pantaspallachu perdonta mañakuna tiyan? Chayta yachanaykipaj kayta leeriy.

“Perdonta mañakoyqa wajkunawan allinta kausakunapaj yanapawanchej” (La Atalaya, 1 de noviembre de 2002)

Qhawariy imaynatachus wakin runas tukuyta uj rejllata qhawayta yachakusqankuta.

Ama rikusqanchejman jinallachu juzgana (5:06)

¿Imatá ruwasunman wajkunawan allinyakapunapaj? Chayta yachanaykipaj kayta leeriy.

“Munakuywan chʼampaykunata allinchana” (Torremanta Qhawaj, mayo de 2016)

1. ¿Imatataj sutʼita reparanchej Diospa llajtanpi?

Sichus waj suyupi uj congregacionman risunman chayqa, hermanospa parlasqankuta mana entiendespapis, hermanosta familianchejta jina qhawasunman. Imajtinchus maypi tiyakuspapis kikin publicacionesllawantaj Bibliata estudianchej. Chantapis tukuyninchej kallpachakunchej purajmanta munanakunapaj. Maypi tiyakuspapis ‘Jehovaj sutinta oqharinchej, ujchasqataj payta yupaychanchej’ (Sofonías 3:9, sutʼinchaynin).