Chayman chayaytawantaj, 8 apostolesninman Jesús nerqa: “Kaypi tiyarikuychej, jaqayman Diosmanta mañakoj rinaykama”, nispa. Pedrotawan, Santiagotawan, Juantawan pusariykukuspataj, aswan jaqaynejman rispa mayta llakikuyta qallarerqa. Chantá Jesusqa nerqa: “Manchay llakisqa kashani. Kayllapi qhepakuychej, noqawan khuskataj rijchʼarisqallapuni kaychej”, nispa (Mateo 26:36-38).

Jesusqa cielomantapacha qhawamorqa Roma llajtamanta soldados runasta mayta sufrichispa wañuchisqankuta. Chayrayku Jesusqa mana munarqachu ajinata sufrispa wañuyta. Jinapis payqa ajinata sufrerqa. Imajtinchus mana munarqachu payta wañuchisqankurayku runas Tatanpa contranpi parlanankuta. Paytaqa chaypi mañakusqanmanta uj mashkha horasninman, “Diospa contranpi parlashan” nispa juchachaykorqanku. Chaymantataj uj rakhu kʼaspiman warkhuspa wañucherqanku.