CRISTIANO KAUSAYNINCHEJ
Runas Jesuspa yachachisqasnin kanankupaj, willana, yachachinataj
Jesusqa discipulosninman kamacherqa, runasta yachachisqasninman tukuchimunankuta (Mt 28:19). Chayta juntʼanapajqa runasman willamuna, yachachinataj tiyan. Chayrayku piensarina tiyan, imaynatachus aswan sumajta runasman willamunapi, yachachimunapi ima.
WILLAMUNA
Runas qayllamunawanchejta suyanamantaqa, noqanchej “uyariyta” munajkunata maskʼamunanchej tiyan (Mt 10:11). Predicashaspa tukuy runaswan parlarinapaj kallpachakuna tiyan (Hch 17:17). Lidiaqa apóstol Pablo tukuynejpi willasqanrayku cristianaman tukorqa (Hch 16:13-15).
“Tutamanta mujuta tarpunki, chʼisiyaykuytapis ama tiyaykullaychu” (Ec 11:6).
“MANA SAYKʼUSPA” WILLAMUNALLAPUNI: MAYLLAPIPIS KASHASPA, WASIMANTA WASITAJ NISQA VIDEOTA QHAWAYTAWAN, KAY TAPUYKUNAMAN KUTICHIY:
¿Imatá Samuel ruwarqa, cheqa kajta mujuta jina runaspa sonqonman tarpunanpaj?
¿Imaraykutaj mana saykʼuspa mayllapipis predicana tiyan?
Mayllapipis kashaspa, ¿pikunamantaj Diosmanta parlarisunman?
YACHACHIMUNA
Runasta Jesuspa yachachisqasninman tukucheyqa, mana publicacionesta jaywayllachu. Diosman qayllaykunankupajqa, kutispa Bibliata estudiachinanchej tiyan (1Co 3:6-9). Wakin runasqa Diosmanta yachakuyta qallarispapis, mana ñauparinkuchu (Mt 13:19-22). Jina kajtin, ¿imatá ruwasunman? Kallpachakunallapuni “allin sonqoyoj kajkunata” maskʼanapaj (Mt 13:23; Hch 13:48).
“Noqa plantarqani, Apolostaj qarparqa, Diostajrí wiñachillarqapuni” (1Co 3:6).
“MANA SAYKʼUSPA” WILLAMUNALLAPUNI: CARRITOWAN WILLASPA, RUNASMAN YACHACHISPA IMA NISQA VIDEOTA QHAWAYTAWAN, KAY TAPUYKUNAMAN KUTICHIY:
Solomonwan señoranwan, ¿imaynatá Ezequielpa chantá señoranpa sonqonkupi tarpusqa mujuta qarparqanku?
Carritowan willashaspa chayri imaynallamantapis predicashaspa, ¿imata ruwanapajtaj kallpachakunanchej tiyan?
Yachachishanchej chay runas mana ñauparejtinku, ¿imatá ruwananchej kanman?