“Diospa ujchasqantaqa”

Moisespa Leynin nisqanman jina, sichus uj runa warminmanta divorciakuyta munarqa chayqa, uj papelta ruwanan karqa. Ajinamanta mana pipis usqhayllata divorciakojchu. Jinapis Jesuspa tiemponpi, judiospa religionninkuta kamachejkunaqa, saqellaj kanku pipis usqhayllata divorciakunanta. Qharisqa, warminkumanta imitallamantapis divorciakoj kanku (nwtsty Mr 10:4, 11 sutʼinchaykunasnin: “divorcio papelta”, “warminmanta divorciakuspa”, “warminta wasanchaspa qhenchachakun”). Jesusqa qhariwarmi kausayta Jehová rikhurichisqanta nerqa (Mr 10:2-12). Chantá nillarqataj, casarasqa kajkunaqa “ujllaña” kasqankuta, nisunman wañunankukama khuska kananku kasqanta. Mateo libropi nisqanman jinataj, casarasqasqa mayqenninku khuchichakuy juchaman urmajtillan divorciakuyta atinku (Mt 19:9).

Kay tiempopi ashkha runasqa mana Jesús jinachu yuyanku. Astawanpis qhariwarmi kausayta fariseos jina pisipaj qhawanku. Chayrayku imitallamantapis divorciakunkupacha. Cristianosrí mana chay runas jinachu kanku. Astawanpis casarakushaspa imatachus ninakusqankuta jatunpaj qhawanku. Problemasninku kajtintaj, Bibliaj nisqanman jina allinchanku. Qhariwarmi jina munanakuspaqa ujchasqa kausakusunchej nisqa videota qhawaytawan, kay tapuykunaman kutichiy:

• 

  ¿Imaynatá casarasqa kajkuna Proverbios 15:1 nisqanta juntʼankuman? ¿Imaraykutaj chayta ruwanankupuni kanman?

• ¿Imaynatá Proverbios 19:11 nisqan casarasqasta yanapanman mana phiñanakunankupaj?

• Casarasqa kajkuna niña allintachu kausakushanku chay, ¿divorciakuypichu piensananku kanman? Chayri, ¿imatarajtaj ruwananku kanman?

• Mateo 7:12 nisqan, ¿imaynatá yanapawasunman aswan sumaj qosa chayri aswan sumaj warmi kananchejpaj?