¿Yuyarikunkichu?

Kay 2020 watamanta Torremanta Qhawaj revistasta leerqanki chayqa, kay tapuykunaman kutichiyta atiwaj.

¿Imaynatá ajllasqa cristianosta qhawana tiyan?

Paykunaj creeyninkuta jatunpaj qhawaspapis, mana anchata alabanachu tiyan. Runasta jatunchaymanta jarkʼakuna tiyan. Chantapis mana allinchu kanman, sonqonkuta nanachinapaj jina tapuykachananchej (w20.01, páginas 28, 29).

¿Imaraykú ninchej Jehová rejsiwasqanchejta?

Bibliaqa niwanchej, Jehová Dios niraj nacekushajtinchejña munakuwasqanchejta. Payqa mañakusqanchejta uyariwanchej. Chantapis yachan, imachus sonqonchejpi kasqanta. Imatachus ruwasqanchejtaj, Jehová Diosta kusichinman chayri llakichinman (1 Cró. 28:9; Pro. 27:11). Payqa sapa ujninchejta payman qayllaykunapaj yanapawarqanchej (w20.02, página 12).

¿Maykʼajtaj parlana tiyan, chanta maykʼajtaj mana parlanachu tiyan?

Parlana tiyan: Runasman Diosmanta willarina kajtin, pillatapis juchaman urmashajta rikojtinchej ima. Uj hermano yuyaychanata necesitajtintaj, ancianosqa yuyaycharinanku tiyan. Mana parlanachu tiyan, autoridades mana predicajta saqewanchejchu, chay lugaresmanta imatapis yachajtinchej. Nillataj parlanachu tiyan, imatachus wajkuna mana yachanankuchu tiyan, chayta yachajtinchej (w20.03, páginas 20, 21).

Joelpa profecianmanta langostas, ¿apóstol Juanpa rikusqan langostaswan kikinchu kanku?

Mana. Joel 2:20-29 nisqanman jina, Jehovaqa langostasta karuman wijchʼun. Chantá israelitasman nin, langostasrayku ‘pierdesqankuta kutichipunanta’. Chaytaj Babiloniamanta soldados, Israelman yaykojtinku juntʼakorqa. Joelqa nillarqataj, langostas llankʼayninkuta tukusqankutawan, Dios atiyninta tʼakaykamunanta. Chaypis qhepaman juntʼakullarqataj. Apocalipsis 9:1-11 versiculosmanta langostasqa, ajllasqa cristianoswan ninakun. Paykunaqa Jehová Dios sajra runasta chinkachinanta willashanku. Chay willasqankutaj runasta mayta llakichin (w20.04, páginas 3 al 6).

¿Pitaj kay tiempopi ‘wichaynejmanta rey’?

Rusia, paywan ujchasqa suyuswan ima. Paykunaqa Diospa llajtanta chejnikunku. Chantapis chay lugarpi tiyakoj hermanosta niña predicajta, nitaj tantakojta saqenkuchu. Paykunaqa uray ladomanta reywan, nisunman Gran Bretañawan Estados Unidoswan ima maqanakushanku (w20.05, páginas 12, 13).

¿Gálatas 5:22, 23 versiculospi kaj imasllachu ‘Diospa atiyninpa poqoyninmanta’ kanku?

Mana. Diospa atiynenqa mana chay versiculospi kaj imasta ruwanallapajchu yanapawanchej, manaqa cheqan kajta ruwanapaj, waj imaspajpis yanapallawanchejtaj (Efe. 5:8, 9) (w20.06, página 17).

¿Imaraykutaj mana allinchu kanman Internetman tukuy imata churananchej?

Internetman imastachus churasqanchejqa, alaraco kasqanchejta rikuchinman, manataj kʼumuykukoj sonqo kasqanchejtachu (w20.07, páginas 6, 7).

¿Imatá sumaj pescadoresmanta yachakunchej?

Sumaj pescadoresqa, maypichus, ima horastatajchus pescadosta tarinankuta yachanku. Paykunaqa pescado japʼina chʼipankuta, waj imasninkutawan sumajta apaykachanku. Chantapis ni parata, ni wayrata manchachikuspa trabajallankupuni. Noqanchejpis paykuna jina predicacionpi ruwasunman (w20.09, página 5).

¿Imatá ruwasunman estudionchej Diosta munakunanpaj?

Estudionchejta Bibliata sapa día leenanpaj kallpachana. Chantá chay leesqanpi tʼukurinanpaj yanaparina. Diosmanta mañakuytapis yachachina (w20.11, página 4).

“Cristonejta tukuy kausarichisqa kanqanku” nispa, ¿pikunamantataj Pablo parlasharqa? (1 Cor. 15:22).

Payqa mana tukuy runas kausarichisqa kanankumantachu parlasharqa. Pabloqa ajllasqa cristianosmanta parlasharqa. Imajtinchus ‘Diosqa paykunata tʼaqarqa, Cristo Jesuswan ujchasqa kanankupaj’ (1 Cor. 1:2; 15:18) (w20.12, páginas 5, 6).

¿Imatá ajllasqa cristianos ruwanqanku ‘qhepa kaj corneta waqashajtin uj ñawi chʼirmiypi’ cambiasqa kasqankutawan? (1 Cor. 15:51-53).

Jesuswan khuska ‘fierro varawan nacionesta kamachenqanku’ (Apo. 2:26, 27) (w20.12, páginas 12, 13).