• ¿Tukuy fiestastachu Dios allinpaj qhawan?
    Wiñaypaj kusisqa kausakuy. Bibliata estudiay

    • Efesios 5:10 leeriychej, chantá yachakojta tapuriy:

      • Uj fiestata ruwanatachus manachus ajllashaspa, ¿imapitaj ñaupajta piensarinanchej tiyan?

      • Tiyakunki chaypi, ¿ima fiestastataj runas ruwanku?

      • ¿Chay fiestasta allinpajchu Dios qhawanman, ima niwajtaj?

      Chay fiestasmanta ujnenqa diachakus chayri cumpleaños. ¿Imatataj Dios yuyanman diachakusmanta? Bibliaqa mana ninchu Diospa kamachisnin diachakusta ruwasqankuta. Jinapis willawanchej Diosta mana yupaychaj iskay runas diachakusta ruwasqankuta. Génesis 40:20-22; Mateo 14:6-10 leeriychej, chantá yachakojta tapuriy:

      • ¿Imataj iskaynin diachakuspi pasasqa?

      • Kay versiculosta leerisqanchejman jina, ¿allinpajchu Dios qhawanman diachakusta ruwayta?

      Ichapis qanqa nishanki diachakuta ruwayta chayri waj fiestasman riyta Biblia mana juchachasqanta. Éxodo 32:1-8 leeriychej, chantá VIDEOTA qhawariychej. Chaymantataj yachakojta tapuriy:

      VIDEO: Diospa chejnisqan fiestas (5:07)

      • Imatachus ruwanata ajllashaspa, ¿imapirajtaj ñaupajta piensarina tiyan?

      • ¿Imaynatá chayta ruwasunman?

      Ima fiestastachus Dios chejnisqanta yachanapaj

      • Uj fiesta Bibliaj nisqanman churanakusqantachus manachus yachanapajqa imaynatachus chay fiesta rikhurisqanta maskʼasunman.

      • Uj fiesta runasta, organizacionesta, banderata chayri chayman rijchʼakoj imasta jatunchananpaj kajtenqa yuyarikuna Diosllata jatunchayta munasqanchejta. Paylla llakiykunata chinkachiyta atin.

      • Uj fiestapi Bibliaj juchachasqan imasta ruwakonqa chayqa, yuyarikuna llimphus kananchej kasqanta.

  • Jehovata kusichej imaswan kusirikuna
    Wiñaypaj kusisqa kausakuy. Bibliata estudiay
    • Lección 53. Uj qhariwarmi imillitankuwan teleta qhawashanku.

      LECCIÓN 53

      Jehovata kusichej imaswan kusirikuna

      Jehovaqa kusikoj Dios (1 Timoteo 1:11). Payqa munan tukuy kausayninchejpi kusisqa kanata. Chantapis munallantaj trabajonchejmanta, waj ruwanasmantapis samarikunata, chaypajtaj tiempochakunata. Kaypi yachakusun imaswanchus kusirikunata, mashkha tiempotachus kusirikunata, Jehovata kusichinapaj imaswanchus kusirikunatapis.

      1. Imawanchus kusirikunata ajllashaspa, ¿imapitaj ñaupajta piensarina?

      Wakenqa samarinankupaj wasillapi qhepakunku uj librota leespa, takiykunata uyarispa, peliculasta qhawaspa chayri Internetman yaykuspa. Wakintajrí amigosninkuwan puriykacharej rinku, piscinaman rinku chayri pujllarej rinku. Imawanchus kusirikunata ajllashaspaqa, ñaupajta reparananchej tiyan “imaschus Señorta kusichisqanta” (Efesios 5:10). ¿Imaraykutaj chaypi piensarinanchejpuni tiyan? Imaraykuchus kusirikunapaj wakin imasqa, Jehovaj chejnisqan imaswan chhapusqa kashan: maqanakuykunawan, khuchichakuywan, layqerioswan ima (Salmo 11:5 leey). ¿Imataj yanapawasunman imawanchus kusirikunata allinta ajllanapaj?

      Jehovata munakojkunawan masichakusunchej chayqa, paykuna yanapawasunchej imawanchus kusirikunata sumajta ajllanapaj. 48 leccionpi yachakorqanchej “allin yachayniyoj runaswan purejqa allin yachayniyojllataj” kananta. Yachakullarqanchejtaj Jehovata mana kasukojkunawan purejqa “mana allinman” chayananta (Proverbios 13:20).

      2. ¿Imapitaj rikukusunman imawanpis ashkha tiempota kusirikojtinchej?

      Imawanpis ashkha tiempota kusirikusun chayqa, manaña tiemponchej kanqachu aswan allin imaspaj. Imawanchus kusirikushasqanchej allillan kajtinpis, qhawarikunanchej tiyan mashkha horastachus chayman churasqanchejta. Chayrayku Biblia niwanchej: “Tiempoykichejta ama usuchiychejchu”, nispa (Efesios 5:15, 16 leey).

      ASTAWAN YACHAKUNA

      Kaypi yachakusun imaswanchus kusirikunata sumajta ajllana kasqanta.

      3. Ama sajra imaswan kusirikunachu

      Imawanchus kusirikunata sumajtapuni ajllana. VIDEOTA qhawariychej, chantá yachakojta tapuriy:

      VIDEO: Allin pujllaykunata ajllana (4:39)

      • Ñaupa tiempomanta Roma llajtapi jina, ¿kay tiempopi ima pujllaykunataj mana allinchu kanman?

      • Videopi rikorqanchej chay joven, ¿imatataj ruwanan karqa?

      Romanos 12:9 leeriychej, chantá yachakojta tapuriy:

      • Kay versiculopi leesqanchejman jina, ¿imatataj ruwana kanman?

      Imastachus Jehová Dios chejnisqanta qhawarina. Proverbios 6:16, 17; Gálatas 5:19-21 leeriychej, chantá yachakojta tapuriy:

      • Kay tiempomanta runas, ¿imaswantaj astawan kusirikunku?

      Imawanchus kusirikunata allinta ajllana

      Tapurikuna:

      • ¿Imamantataj? ¿Jehovaj chejnisqan imaswanchu chajrusqa kashan?

      • ¿Maykʼajtaj? ¿Allin imasta ruwanaymantachu tiempoyta qhechuwanqa?

      • ¿Piwantaj? ¿Jehovata mana munakojkunawanchu masichakusaj?

      Imawanchus kusirikusqanchej mana llakichinawanchejpajqa, sumajta ajllana. Imawanchus kusirikuyta munashanchej chay mana allinchu kasqanta reparanchej chayqa, chayta qhesachana.

      Uj auto qaqa puntamanta urmaykunanpajña kashan.

      4. Ama tiemponchejta usuchinachu

      VIDEOTA qhawariychej, chantá yachakojta tapuriy:

      VIDEO: ¿Imapitaj tiemponchej ripushan? (2:45)

      • Videopi rikorqanchej chay hermano allin imasta ruwajtinpis, ¿imata ruwananpajtaj manaña tiempon karqachu?

      Filipenses 1:10 leeriychej, chantá yachakojta tapuriy:

      • ¿Imasta ruwanapajtaj astawan tiempochakuna tiyan?

      5. Allin imaswan kusirikuna

      Jehová Diosqa munan allin imaswan kusirikunata. Chayta ruwaspaqa kusisqa kasun, Jehovatapis kusichisun. Jehovaqa nipuni munanchu sajra imaswan kusirikunata. Eclesiastés 8:15; Filipenses 4:8 leeriychej, chantá yachakojta tapuriy:

      • Samarishaspa, ¿imata ruwaytaj gustasunki?

      Tukuy rijchʼaj runas allin imaswan kusirikusqankumanta dibujos: 1) Uj sipasita musicata uyarispa dibujashan. 2) Kinsa jóvenes basquetta pujllashanku. 3) Iskay lloqallitus bicicletata apaykachashanku. 4) Uj lloqallitu pujllananpaj autitota ruwakushan. 5) Uj runa bombota tocashan. 6) Uj lloqallitu tatanwan videojuegosta pujllashan. 7) Uj warmi fotosta orqhoshan.

      Samarishaspaqa allin imaswanpuni kusirikuna.

      WAKIN RUNAS NINKU: “Khuchichakuymanta, maqanakuymanta, layqeriosmanta peliculasta qhawayqa allillan, chayman jina ruwaymá jucha”, nispa.

      • Qanrí, ¿imatá yuyanki?

      ¿IMASTÁ YACHAKUNCHEJ?

      Kaypi yachakunchej Jehová Diosqa allin imaswan kusirikunata munasqanta.

      Yuyarikunapaj

      • ¿Imaswan kusirikunataj mana allinchu kanman?

      • ¿Imaraykutaj qhawarikuna tiyan mashkha tiempotachus imawanpis kusirikusqanchejta?

      • ¿Pita kusichinapaj jinataj imawanchus kusirikunata ajllana tiyan?

      Tarea

      ASTAWAN YACHAKUNAYKIPAJ

      Imawanchus kusirikunata ajllayta yachanaykipaj kayta leeriy.

      “¿Jehovaj testigosnin prohibinkuchu ima peliculatapis, takiytapis chayri ima librotapis?” (Chaytaqa Internetpi jw.org nisqapi tarinki)

      Imawanchus kusirikuyta sumajta ajllayta yachanaykipaj kayta leeriy.

      “¿Kusirikunapaq ruwasqanchik allinninchikpaqchu?” (Torremanta Qhawaj, 15 de octubre de 2011)

      ¿Imaraykú uj runa niña wakin imaswan kusirikorqachu? Paymanta yachanaykipaj “Manaña wak laya runasta chiqnikunichu” nisqata leeriy.

      “Bibliamanta yachakusqankuqa kawsayninkuta tikrachirqa” (Torremanta Qhawaj, 1 de julio de 2010)

      ¿Imatá ruwarqa uj warmi layqerioswan mana kusirikunanpaj? Chayta yachanaykipaj kay videota qhawariy.

      Layqerioswan chhapusqa imasta qhesachana (2:02)