Tukuy imapi llimphu kana

Uj munakuyniyoj mamaqa wawitan escuelaman rinanpaj sumajta bañarqon, llimphu ropatataj churaykun. Ajinamanta wawitaqa sanito, wajkunapis reparanku tatasnin wawitankuta munakusqankuta. Tatanchej Jehovapis ajinallatataj munakuwanchej. Payqa munan cuerponchej, yuyayninchej, ruwasqanchej, parlasqanchejpis llimphu kananta. Llimphus kaspaqa Jehovata allinpaj qhawachisun, allinninchejpajtaj kanqa.

1. ¿Imaraykutaj llimphus kananchej tiyan?

Jehovaqa niwanchej: “Llimphus kanaykichej tiyan”, nispa (1 Pedro 1:16). Chaywan nishawanchej cuerponchejpi, kausayninchejpipis llimphus kanata. Chayrayku bañakunchej, ropanchejtapis llimphuta japʼinchej, wasinchejta, autonchejtapis llimphuchanchej, kʼuchunchanchejtaj. Tantakuna wasita llimphuchaypipis yanapakunchej. Llimphus kajtinchejqa wajkunapis Jehovamanta yachakuyta munanqanku (2 Corintios 6:3, 4).

2. ¿Ima ruwaykunawantaj mana chʼichichakunachu tiyan?

Biblia nin: “Cuerponchejta, sonqonchejtawan tukuy chʼichi kajmanta llimphuchakuna”, nispa (2 Corintios 7:1). Chayrayku cuerponchejta, yuyayninchejta chʼichichaj imasmanta jarkʼakunapaj tukuy imata ruwanchej. Jehovata kusichiyta munasqanchejrayku umanchejmanta sajra yuyaykunata orqhonapaj mayta kallpachakunchej (Salmo 104:34). Nitaj millay imastapis parlanchejchu (Colosenses 3:8 leey).

¿Imastaj cuerponchejta, yuyayninchejtapis chʼichichallanmantaj? Cigarrota pitay, cocata akulliy, mana doctor nejtillan ashkha tabletasta tomay, drogakuy ima. Chay imasta mana ruwaspaqa cuerponchejta cuidanchej, kausaytapis jatunpaj qhawanchej. Llimphus kayta munasqanchejrayku mana masturbakunchejchu,a nitaj pornografiatapisb qhawanchejchu (Salmo 119:37; Efesios 5:5). Chay imasman yachasqa kaspaqa, mana saqeyta atillasunmanchu, jinapis Jehová yanapawasun (Isaías 41:13 leey).

ASTAWAN YACHAKUNA

3. Llimphus kaspaqa Jehovata jatunchanchej

Jehová Dios ima kamachiykunatachus israelitasman qosqanta leespaqa, reparanchej llimphus kananchejta munasqanta. Éxodo 19:10; 30:17-19 leeriychej, chantá yachakojta tapuriy:

• Kay versiculospi, ¿imatataj Jehová Dios nin llimphus kanamanta?

• ¿Imatá ruwasunman cuerponchejta, imachus kapuwasqanchejtapis llimphuta japʼinapaj?

Llimphus kayta atinchej maypi tiyakuspapis, wajcha kaspapis, qhapaj kaspapis. Chaypajtaj kallpachakunanchej, tiempochakunanchej tiyan. VIDEOTA qhawariychej, chantá yachakojta tapuriy.

VIDEO: Jehová Diosqa llimphu runasta munakun (4:10)

• Waj runas tukuy imitanchejta llimphuta japʼisqanchejta rikojtinku, ¿Jehová Diosmanta yachakuyta munankumanchu?

4. Viciosta saqena

Uj runa cigarrota pitayman chayri drogakuyman yachasqa chayqa, chay imasta saqeyta mana atillanchu. Chay imas cuerponpaj mana allinchu kasqanta yachaspataj saqeyta atillanman. Mateo 22:37-39 leeriychej, chantá yachakojwan parlariy:

• Imaraykuchus cigarrota pitay, drogakuypis Jehová Diosman mana gustasqanmanta.

• Imaraykuchus cigarrota pitay, drogakuypis familiaresninchejpaj, waj runaspajpis mana allinchu kasqanmanta.

Uj viciota saqenaykipaj imatachus ruwanaykipi piensariy.c VIDEOTA qhawariychej.

VIDEO: Ama ima viciopis atipanawanchejta saqenachu (2:47)

Filipenses 4:13 leeriychej, chantá yachakojta tapuriy:

• Orakuy, Bibliata estudiay, reunionesman riypis, ¿uj runata yanapanmanchu uj viciota saqenanpaj? ¿Imaraykú chayta ninki?

5. Millay ruwaykunata, millay yuyaykunatapis saqena

Colosenses 3:5 leeriychej, chantá yachakojta tapuriy:

• ¿Imatá Jehová yuyan pornografiamanta, qhariwarmi jina puñuykuymanta millay fotosta, videosta apachiymanta, masturbakuymanta ima?

• ¿Jehová Dios llimphus kanata niwasqanchej yanapawanchejchu? ¿Imaraykú chayta ninki?

Millay yuyaykunata umanchejmanta orqhona. VIDEOTA qhawariychej.

VIDEO: Diospa chejnisqan imasta qhesachana (1:51)

Jesusqa uj kikinchaywan yachacherqa millay imasta saqenapajqa, tukuy imata ruwana kasqanta. Mateo 5:29, 30 leeriychej, chantá yachakojta tapuriy:

• ¿Jesús ñawita orqhokunamantapunichu chayri makita khuchukunamantapunichu parlashanman karqa? Chayrayku millay yuyaykuna umanchejman jamojtin, ¿imatataj ruwana kanman?d

Millay yuyaykunata saqenaykipaj kallpachakushanki chayqa, Jehová Diosqa chayta sumajpaj qhawan. Salmo 103:13, 14 leeriychej, chantá yachakojta tapuriy:

• Ima viciotapis saqeyta munashanchej chay, ¿Jehová yanapawasunmanchu?

Urmaspapis atipayta atinchej

Uj viciopi watej urmaspaqa, ichá yuyasunman chay viciota manapuni saqeyta atinanchejta. Uj correjpi piensariy, payqa urmaspa mana qallariymantapachachu watej corremunan tiyan, nitaj yuyanchu manaña ganananta. Ajinallatataj noqanchejpis, ima viciopipis watejmanta urmaspaqa mana yuyanachu tiyan mana saqeyta atinata, kallpachakusqanchejpis qhasillapaj kasqanta. Uj viciota saqenapaj kallpachakushanchej chayqa, watej urmasunpuni, jinapis kallpachakunallapuni, Jehová yanapawasun saqenapaj.

¿IMASTÁ YACHAKUNCHEJ?

Kaypi yachakunchej cuerponchejpi, yuyayninchejpi, ruwayninchejpi llimphus kaspaqa Jehovata kusichisqanchejta.

Yuyarikunapaj

• ¿Imaraykutaj tukuy imapi llimphus kananchej tiyan?

• ¿Imastá ruwananchej tiyan cuerponchej, imaschus kapuwasqanchejpis llimphu kananpaj?

• ¿Imastá ruwananchej tiyan, yuyayninchejpis kausayninchejpis llimphu kananpaj?

ASTAWAN YACHAKUNAYKIPAJ

Llimphus kanapaj mana tukuy imachu kapuwajtinchej, ¿imatá ruwasunman? Chayta yachanaykipaj kay videota qhawariy.

Mana onqonapaj: Makinchejta mayllakuna (3:01)

¿Imatá ruwasunman cigarrota pitayta saqenapaj? Chayta yachanaykipaj kayta leeriy.

“Cigarro pitayta qonqanaykipaj yuyaychaykuna” (¡Despertad!, mayo de 2010)

¿Imaraykutaj mana allinchu pornografiata qhaway? Chayta yachanaykipaj kayta leeriy.

“Khuchichakuykunata, ¿qhawanallachu?” (Torremanta Qhawaj, 1 de agosto de 2013)

¿Imataj uj runata yanaparqa manaña pornografiata qhawananpaj? Chayta yachanaykipaj kayta leeriy.

“Millay ruwaykunata mana saqeyta atillarqanichu” (Torremanta Qhawaj, 4 kaj 2016)