1. ¿Imaraykutaj amigosninchejta sumajta ajllana tiyan?

Pikunawanchus astawan masichakunchej, chay runas jina ruwayta qallarisunman. Chayrayku sumajta qhawarikunanchej tiyan pikunawanchus masichakusqanchejta, pikunawanchus Internetpipis parlasqanchejta. Biblia nin: “Allin yachayniyoj runaswan purejqa allin yachayniyojllataj kanqa. Mana yuyayniyojkunawan [Jehovata mana munakojkunawan] purejtaj mana allinman chayanqa”, nispa (Proverbios 13:20). Jehovata munakoj, payta yupaychaj amigosqa yanapawanchej Jehovaj qayllallanpipuni kanapaj, imatapis sumajta ajllanapaj. Jinapis amigosninchej mana congregacionmantachu kanku chayqa, Jehovamanta karunchawasunman. Chayrayku Bibliaqa yuyaychawanchej amigosninchejta sumajta ajllana kasqanta. Jehovata munakojkunawan masichakusun chayqa, Jehovata munakunapaj yanapawasun, noqanchejpis paykunata yanapasun. Ajinamanta purajmanta ‘sonqochanakusun, kallpachanakusuntaj’ (1 Tesalonicenses 5:11).

Parlayta atisqanchejqa Jehová Diospa regalon. Chayrayku payqa munan allintapuni parlananchejta (Santiago 1:26 leey). Kaypi yachakusun Jehovata kusichinapaj jinapuni parlana kasqanta.

1. ¿Imaynataj parlayninchej kanan tiyan?

Biblia nin: “Qankunapura sonqochanakullaychejpuni, kallpachanakuychejtaj”, nispa (1 Tesalonicenses 5:11). Pillapis kallpacharinata necesitan chay, ¿imatataj nisunman? Kallpacharinapajqa mayta munakusqanchejta, may kʼacha kasqantataj nisunman. Chantapis kallpacharinapaj jina Bibliapi ashkha versículos tiyan, chaymanta mayqellantapis leeripusunman. Jinapis sumajta piensarina imaynatachus ninapi, imatachus ninapipis. Chantá munakuywan, kʼachallamantataj kallpacharina (Proverbios 15:1).

2. ¿Imatataj mana parlanallachu tiyan?

Biblia nin: “Ama simiykichejmantaqa ima millay parlaypis llojsichunchu”, nispa (Efesios 4:29 leey). Chaywan nishawanchej mana millay palabrasta parlanata, mana sonqota nanachinapaj jinachu, nitaj kʼumuykachachinapaj jinachu parlanata. Chantapis ama cuento qʼepi kanachu, nitaj wajkunamantapis llullasta parlanachu (Proverbios 16:28 leey).

3. ¿Imastaj yanapawasunman allin imasmantapuni parlanapaj?

Imachus sonqonchejpi kasqan, imatachus yuyasqanchejpis parlasqanchejpi yachakun (Lucas 6:45). Allin imasmantapuni parlanapajqa kay imaspi piensarina: cheqan kajpi, llimphu kajpi, kʼacha imaspi, jatunchanapaj jina imaspi (Filipenses 4:8). Chay allin imaspi piensanapajqa allinta ajllana imawanchus kusirikusqanchejta, pikunawanchus masichakusqanchejta (Proverbios 13:20). Chantá niraj imatapis nishaspa ñaupajta piensarinanchej tiyan imatachus nisqanchej wajkunata yanapananpichus manachus. Biblia nin: “Mana allinta yuyaychakuspa parlarpareyqa espadaj tʼojsisqan jina. Yachayniyoj runaj parlasqantaj sanoyachin”, nispa (Proverbios 12:18).

ASTAWAN YACHAKUNA

4. Ama imatapis parlarpanallachu

Imatapis parlarparillanchej chayqa, “amallapis chayta niymanchu karqa” nispa arrepientekunchej (Santiago 3:2). Gálatas 5:22, 23 leeriychej, chantá yachakojta tapuriy:

• Kay leerisqanchejmanta, ¿mayqenta ruwanaykipajtaj Jehovamanta yanapata mañakuwaj? ¿Imaraykutaj chaypi yanapasunanta mañakuwaj?

1 Corintios 15:33 leeriychej, chantá yachakojta tapuriy:

• Imawanchus kusirikusqanchej, imaynatachus amigosninchej parlasqanku, ¿chimpaykuwasunmanchu?

Eclesiastés 3:1, 7 leeriychej, chantá yachakojta tapuriy:

• ¿Ima kutispitaj allin kanman chʼinlla kananchej chayri parlanapaj tumpata suyarinanchej?

5. Wajkunamanta sumajta parlana

VIDEO: “Wajkunata kallpachanapaj jina parlana” (4:07)

• Videopi rikorqanchej chay hermano, ¿imaraykutaj cambiayta munarqa?

• ¿Imatá ruwarqa cambiananpaj?

Eclesiastés 7:16 leeriychej, chantá yachakojta tapuriy:

• Niraj pimantapis sajrata parlashaspa, ¿imapitaj ñaupajta piensarina kanman?

Eclesiastés 7:21, 22 leeriychej, chantá yachakojta tapuriy:

• Kay versículos nisqanman jina, ¿imatataj mana ruwanachu kasqa pillapis noqanchejmanta mana allintachu parlajtin?

6. Familianchejwan kʼachamanta parlarina

VIDEO: Qhariwarmi jina munanakuspaqa ujchasqa kausakusunchej (3:08)

• ¿Imataj familiasta yanapanman kʼachamanta parlanakunankupaj?

Efesios 4:31, 32 leeriychej, chantá yachakojta tapuriy:

• ¿Imaynataj parlayninchej kanan tiyan familiapi kusisqa kausakunapaj?

Jehovaqa Wawan Jesusta munakusqanta nerqa. Mateo 17:5 leeriychej, chantá yachakojta tapuriy:

• ¿Imaynatá qanpis Jehová jina ruwawaj familiaykiwan parlarishaspa?

¿IMASTÁ YACHAKUNCHEJ?

Kaypi yachakunchej parlasqanchejwan kallpachayta chayri llakichiyta atisqanchejta. Chayrayku sumajta piensarina imatachus ninapi, maykʼajchus, imaynatachus ninapipis.

Yuyarikunapaj

• ¿Imatataj ruwasunman wajkunata kallpachanapaj jina parlanapaj?

• ¿Imastataj mana parlanallachu tiyan?

• ¿Imastaj yanapawasun kʼachamanta, allin imasmantataj parlanapaj?

ASTAWAN YACHAKUNAYKIPAJ

¿Imataj yanapawasunman allin imasmantapuni parlanapaj? Chayta yachanaykipaj kay videota qhawariy.

Yachayniyoj runa jina parlanachej (8:09)

¿Imataj yanapawasunman mana millay palabrasta parlanapaj? Chayta yachanaykipaj kayta leeriy.

“¿Imaraykutaj mana allinchu millay imasta parlananchej?” (Chaytaqa Internetpi jw.org nisqapi tarinki)

¿Imatá ruwasunman mana cuento qʼepis kanapaj? Chayta yachanaykipaj kay videota qhawariy.

Ama cuento qʼepi kaychu (2:36)

¿Imataj uj runata yanaparqa manaña millay imasta parlananpaj? Chayta yachanaykipaj kayta leeriy.

“Kausayniypi allinta tʼukuriyta qallarerqani” (Torremanta Qhawaj, 1 de agosto de 2013)