Ucrania llactai tiaj guerra intiru mundui yarcai pasana mirachin

19 de mayo de 2022 Consejo de Seguridad de las Naciones Unidas nishca organizaciombi shu tandarina ruranuca, chibi 75 yali atun apuuna rimanuca, “COVID-19 ungüimanda, indi yapa rupachishcamanda, shinzhi tamiashcamanda, intiru mundui yarcai tiashcara, astaumbas Ucrania guerramanda yarcai pasanas mas miraringaraushcara”. Shinallara El Economista nishca revista nica “cai guerramanda intiru mundui ashca runauna shinzhi yarcai pasanuchu rurachiun”. Biblia ña rimaca ñucanchi punzhaunai cai tunu shinzhi yarcai shamungaraushcara, shinajpis yarcaira vinsingajpas ali camachishcaunara chapanaras cun.

• Jesús nica: “Shu llacta shu llactahua ataringa, shu rey apu shu rey apuhua. Llaqui ungüiguna, yarcaiguna […] tianaungami” (Mateo 24:7).

• Bibliamanda Apocalipsis libro ricuchin chuscu caballura muntajcunara. Shu caballura muntaj guerra ashcara ricuchin. Catijga yarcai an. Chi yarcai pasana timpui ansa micuna tiangaraushcara, micunauna ashca valingaraushcara ricuchingaj shina nin: “Shu yana caballura ricucani; paihuajpi muntashca runa shu balanzara charica paihua maquii. […] Shu shimi rimajta uyacani: ‘Ishqui libra trigu muyu shu punzha ganana tupura valin, sucta libra cebada muyu shu punzha ganana tupura valin’” (Apocalipsis 6:5, 6 Dios Habla Hoy).

Yarcaimanda Biblia rimashcara cuna punzhaunai pactariun, cai punzhaunara Biblia nin “puchucai timpuuna” ashcara (2 Timoteo 3:1). Puchucai timpuunamanda mas yachangaj munasha, En 1914 el mundo cambió de rumbo nishca videora ricungui. Shinallara chuscu caballura muntajcunamanda mas yachangaj, “¿Que representan los jinetes del Apocalipsis” nishca temara leangui.

• Biblia ali camachishcaunara cun shinzhi llaquiunara vinsingaj, imasna micunauna mana tiashcai, yapa valij ashcais. Caimanda huaquin iyaigunara leangui “Como vivir con menos” nishca temai.

• Shinallara Biblia gustu chapana iyaira cun shamuj punzhaunai cushi causai tianamanda. Bibliai Yaya Dios nin allpai ashca muyuuna tianga tucui runauna ashca micunaunara charinunga (Salmo 72:16). Shamuj punzhaunai cushi causai tianamanda Biblia nishcara imarasha quirina ushangui mas yachangaj, “La esperanza real de un mañana mejor” nishca temara leangui.