Leapai textoguna ¿Imara Biblia yachachin?

TEMA 1

(Job 34:​10-12) Chiraigu, uyahuaichi shunguyuj runaunara, ¡Cierto Diosga manali ruranamanda, Tucui Ushaj manali dirichu ruranamanda carui tiachu! ¹¹ Runa rurashcasna pai pagangami, runa causashcasna pai ruranga paihua ahuai shamuchu. ¹² Ari, cierto pacha Dios manalira mana ruranzhu, Tucui Ushaj taripanara mana huajlichinzhu.

(Salmo 37:​9-11) Manali rajcuna tucuchishca anungami, shinajpi Jehovapi chapaujcunaga cai allpara apinungami. ¹⁰ Charaj ansa timpu pishijpi, manali runa ña mana tiangachu; cierto pacha pai tiashca lugarbi, mana tiangachu. ¹¹ Shinajpi mansuunallarami cai allpara apinunga, cierto pacha ali gustu sumajta tupanungami yapajta ganaslla causai.

(1 Pedro 5:7) Canguna tucui turbarishcara paihua ahuai churaichi, pai cangunara cuiranmi.

(Rashcauna 17:11) Caiguna Tesalonicaunamanda yali valijcuna anauca. Ali shunguhua shimira uyanauca. Caran punzha Quillcashcaunara ricunauca, “¿Cai shimiuna alichu manzhu ali? nisha.

TEMA 2

(2 Timoteo 3:16) Tucui Dios Quillcashca Diosmanda rimashcami. Valinmi yachachingaj, camachingaj, alichingaj, ali causanara yachachingaj.

(Isaías 48:17) Casnami Israelmanda Santo, camba randij, Jehová rimashca: “Ñuca, Jehová, cambaj Dios ani, canllara ali causachu Yachachij, canda ali ñambi purichu Yachachij ani.

(Isaías 44:​27–​45:2) Pai riman ucuma tiaj cuchai: ‘Chaquiri; camba yacuunaras chaquichisha’; ²⁸ Ciromanda riman: ‘Ñuca mandaj an, tucui ñuca cushiyaushcai pactachingami’; ñuca Jerusalenmanda rimashcai: ‘Cutillara shayachishca tucunga’, astaun templomanda: ‘Istandira churashcami tucunga’ ”.

45 Caitami Jehová paihua ajllashca Cirora rimashca, pai ñuca ali maquima apashcani, paihua ñaupajpi llactaunara taripangaj, reyguna siquitullu huatashcara llucchingaj; paihua ñaupajpi ishqui pangara charij punguras pascangahua, chi punguunallaras mana tapashca tucungaj: ² “Ñucallara camba ñaupajpi rini, allpaunara dirichushami. Cobre punguunaras ichilla partii pitisha, iru barragunaras pitisha.

(Tito 1:2) Huiñai huiñai causaira chapasha tiauni, imasna mana llullaj Dios paihua shimira cuca timpuuna manara callarishcaira.

(Hebreos 4:​12) Diospa shimi causajmi, ushajmi, tucui ishqui iluyuj isparamanda yali. Ushan almara ispiritumanda, tullu mucuunara tullu ñuctumandas chicanyachingaj. Shungu iyairas munairas ricsin.

TEMA 3

(Santiago 1:​13-​15) Shu runa tintai tucusha, ama nichu “Diosmanda tintashca ani,” Dios mana ushanzhu manalihua tintai tucungaj, shinallara mana pitas tintanzhu. ¹⁴ Astaun shu runa tintai tucujpi, paihua quiquin ucha munaimanda aisai tucunmi, umachishca tucunmi. ¹⁵ Shinajpi ucha munai, huahuara cuinta tupashca huasha, uchara pagarichin. Ucha pactarijpi huañuira pagarichin.

(Génesis 3:​1-5) Cuna, shinallara tucui Jehová Dios rashca animalgunamandas cai machacui yapa iyayuj aca. Chiraigumanda huarmira nica: “¿Ciertochu Dios tucui yuraunamanda muyura ama micunguichichu cangunara nicairi?”. ² Shina nijpi, huarmiga machacuira nica: “Ali gustu pambamanda yuraunai tiaj muyura micunara ushanchi. ³ Astaumbas ali gustu pamba chaupii shayaj yuramanda muyura, Dios nica: ‘Ama micunguichichu, mana, mana apinguichichu mana huañungahuas’ ”. ⁴ Shinajpi, cai machacui huarmira nica: “Mana huañunguichichu. ⁵ Dios yachanmi chi micushca punzhallara camba ñahuiunara pascarinungami, astaun Dios cuinta tucusha aliras manaliras riparanguichimi”.

(Romanos 5:​12) Chiraigumanda imasna shu runamandalla ucha mundui icuca, uchamanda huañuis icuca, shinallarami huañui tucui runaunama shamuca, paiguna tucui ucharashcamanda.

(Proverbios 27:11) Ñuca churi, sabiru ai, ñuca shungura cushiyachichu, ñucara camiujta cutipangaj.

(1 Corintios 15:​24) Chimanda huasha tucurina huras pactamungami. Cristo pai mandana pachara intrigangami Yaya Diosma, tucui mandanaras, tucui gubirnuras, tucui ushanaras tucuchishca huasha.

(Juan 3:​16) Casnami Dios cai pachara llaquica, paihua sapalla Churira cuca, maicans paihuajpi quirisha ama chingarichu, astaumbas huiñai causaira charichu.

(Juan 17:3) Caimi huiñai causai, canda sapalla sirtu Dios ajta ricsinauchu, shinallara can cachamushca Jesucristoras.

(Isaías 32:18) Ñuca llacta shu gustu lugarbi causana an ali huasiunais gustu samana lugargunais.

(Miqueas 4:4) Caran shu paihua uvillas chagra ucui, higoguna yura ucui tiarinunga, mana pihuas paigunara manzhachinungachu; Tucui Ushaj Jehová shimira casna rimashca.

(Isaías 65:​21-​24) Huasiunara rurasha, paigunallara causanunga; cierto pacha uvillas chagrara tarpusha paihua muyura micununga. ²² Huasiunara ruranunga mana shujcuna causanuchu; mana tarpununga shujcuna micunuchu. Shu yura causana cuinta ñuca llacta punzhauna anga; paihua quiquin maquiunahua rurashcamanda ñuca ajllashcauna cushiyanunga. ²³ Mana yangamandachu tarbanunga, huahuaunara mana pagarichinunga turmindarinuchu; paiguna Jehovamanda bendiciashcauna ashcaraigu paiguna miraigunahuas. ²⁴ Cierto pacha manara paiguna mañajllaira, ñuca paigunara cutipasha; rimaushcallaira, ñucallara uyashami.

(Ricuchina 11:18) Llactauna piñarisha caparinauca, cambas piñarishcangui. Huañushcaunara taripana timpu pactamushcami, shinallara timpu pactamun premio cuyanaunara cuyangaj canda sirvij rimajcunaras, quirijcunaras, camba shutira manzhajcunaras, ichillaunandi, atungunandi. Timpu pactamun cai pachara tulajcunara tulangaj.”

(Isaías 11:​6-9) Loboga shu timpu buriguhua causanga, muru puma huahua chivuhua siringa, huagra huahua leonhua, ali micushca animalhua parijulla tianunga; shu ichilla huahua paigunara pushanga. ⁷ Huagraga osahua pariju micununga; paiguna huahuauna parijulla sirinunga. Leonga shu toro cuinta quihuara micungami. ⁸ Chuchuj huahuaga cierto pacha cobra uctui pujllangami; astaumbas chuchura saquishca huahua shu milli machacui uctui maquira churangami. ⁹ Paiguna mana huajlichinunga manaliras mana ruranunga ñuca santo urcui; allpallara Dios yachanahua undajta ashcaraigu imasna yacu lamarda tapan.

(Isaías 65:25) Loboga, buriguhua pariju micununga, leonllara shu huagrara cuinta quihuara micunungami, astaun machacui pulvurami micunga. Mana huajlichinungachu manaliras mana ruranungachu ñuca santo urcui”, Jehová rimashca.

(Juan 5:​28, 29) Caimanda ama manzharinguichi. Huras shamungami tucui pambariajcuna paihua shimira uyanaungami. ²⁹ Alira rajcuna causarinaungami causangaj; randi manalira rajcuna causarinaungami cauźayachi tucungaj.

TEMA 4

(Juan 3:​13) Pihuas ahua pachama mana sicacachu, astaun ahua pachamanda irgumujlla; pai ahua pachai tiaj Runa Churimi.

(Juan 6:​38) Ahua pachamanda irgumucami, mana ñuca munaira rangaj. Astaun ñucara cachamuj munashcara rangaj.

(Juan 6:​62) ¿Imara ninguichima canguna Runa Churira pai ñaupa tiashcama sicashcara ricusha?

(Juan 17:​4, 5) Ñuca cai pachai canda sumajyachishcani. Can ñucama cushcara rangaj pactachishcani. ⁵ Cuna Yaya, ñucara sumajyachihuangui canhua pariju, ñuca ñaupa huras canhua pariju charishca sumajhua, cai pacha manara tiashcaira.

(Juan 14:28) Uyashcanguichi imasnara cangunara nicani, ‘Riunimi,’ shinallara, ‘tigramunimi.’ Canguna ñucara llaquisha, sirtu pacha cushiyanguichima, ‘Yayajma riunimi,’ nishcamanda, Yaya ñucamanda yali ashcaraigu.

(Mateo 9:​35, 36) Jesús tucui atun tucui ichilla llactaunara purica, tandarina huasiunai yachachisha. Dios mandana pacha ali shimira rimaca, tucui ungüiras tucui nanairas alichisha. ³⁶ Jesús ashca taucarimuj runaunara ricusha llaquirica. Ichushca cuinta, chausishca cuinta anauca, cuiraj illaj buriguunasna.

(Hebreos 5:8) Churi ashallara, uyanara yachacami pai turmindarishcamanda;

TEMA 5

(Mateo 20:28) Imasna ñuca, Runa Churi, mana shamucanichu sirvi tucungaj, astaumbas sirvingaj shamucani, shinallara ñuca causaira cungaj ashcaunara randingaj.”

(Romanos 5:19) Chiraigumanda, imasna shu runa mana caźushcamandalla ashcauna uchayuj tucunauca, shinallara shu Runa caźushcamandalla ashcauna Dioshua ali dirichu tucunaungami.

(Romanos 3:​23, 24) Imasna tucui runauna ucharanaushcami, Diospa sumajmanda anzhurinaushcami. ²⁴ Astaun, mana ima paganahuas Dioshua dirichu alichishca anaun, Diospa gracia yangamanda llaquishcaraigu, Cristo Jesús paigunara randishcamanda.

(Lucas 22:19) Tandara apisha, Diosta agrasica; tandara paquisha, paigunara cuca, casna nisha: “Cai tanda ñuca aichami, canguna randimanda cushca. Caita raichi ñucara iyaringaj.”

TEMA 6

(Eclesiastés 9:​5, 6) Causajcunaga yachanunmi huañunara; shinajpi huañushcaunaga, paiguna imaras mana yachanun, cullquiras ña mana apinun, paiguna iyais ña tucurishcami. ⁶ Shinallara paihua llaquina, chijnina, munarinas ña tucurishcami, ña mana imas cunara charinun huiñai huiñaigama imaras ruranara indimanda allpai.

(Eclesiastés 9:10) Tucui can maquihua rurana ushasha, rurailla camba quiquin ushaihua, ña tarbana ima ruranaras yachanaras intindinaras pambariaushcai can riushca lugarbi, mana mas tianzhu.

(Génesis 3:19) Camba ñahuimanda umbihua micunara micungui allpama tigrangagama, allpamanda apishcaraigu. Allpa pulvu angui, pulvumallara tigrangui.

(1 Juan 4:8) Mana llaquij runa Diosta mana ricsishcachu. Dios llaquijmi.

TEMA 7

(2 Corintios 1:​3, 4) Bindisiashca achu Dios, ñucanchi Señor Jesucristo Yaya. Paiga llaquij Yaya, cushiyachij Diosmi. ⁴ Pai tucui turmindariushcai ñucanchira cushiyachin. Chimanda shinallara imais turmindarijcunaras cushiyachinara ushanchi, Dios ñucanchira cushiyachishcahua.

(Juan 11:​41, 42) Shinajpi huañushca runa siriushcamanda rumira anzhuchinauca. Jesús ahuama ricusha: “Yaya,” nica, “can ñucara uyashcamanda agrasini. ⁴² Can tucui huras ñucara uyashcara yachacani. Randi cai ashca muyujta shayajcunamanda casna nicani, paiguna can ñucara cachamushcara quirinauchu.”

(Isaías 40:26) “Ahua pachama ñahuira atachisha ricuichi. ¿Pita caigunara rurashca? Caiguna shuj shuj llupasha suldaruuna cuinta llucchin. Tucuigunara paihua quiquin shutii cayan. Paihua ursa yapajtami an, paihua ushai yapa manzhanaitami an, paigunamanda ni shuj pishinzhu.

(Rashcauna 24:15) Diospi chapasha tiauni, paiguna chapashcasna, imasna huañushcauna causarinaungami, aliunas manaliunas.

(Isaías 25:8) Pai huañuira tucuchingami unaigama, Tucuira Mandaj Jehová tucui ñahuiunamanda iquira pichangami. Paihua llacta caminara intiru allpamanda anzhuchingami, Jehovallarami casna rimashca.

TEMA 8

(Mateo 6:​9-13) Cangunaga casna mañaichi: ‘ Ñucanchi ahua pachai tiaj Yaya, camba shutira ahuayachishca achu, ¹⁰ shamuchu camba mandana. Can munashcara rashca achu, imasna ahua pachais, shinallara cai pachais. ¹¹ Ñucanchi caran punzha micunara cuna punzha cuhuai. ¹² Ñucanchi manali rashcaunara perdonahuai, imasna shinallara ñucanchira manalira rajcunara perdonaunchi. ¹³ Tintarinai urmangaj ama lugarda cuhuaichu ñucanchira, astaun manalimanda quishpichihuai. Cambajmi mandanas, ushanas, sumajpas, huiñai huiñaigama. Amen.’

(Ricuchina 14:1) Chimanda huasha Burigura Sión urcui shayajta ricucani. Paihua pariju shu patsaj chuscu chunga chuscu huaranga runauna tianauca. Paihua shutira paihua Yaya shutiras urintii quillcashcara charinauca.

(Ricuchina 14:4) Caiguna mana huarmiunahua huajlijcuna anauca, huanraunami anauca. Caiguna Burigura catijcunami anauca pai maita rijpis. Caiguna runaunamanda randishcaunami anauca, shu yura ñaupa punda aparij muyuuna cuinta, Diospajtas Burigujtas.

(Ricuchina 12:​7-10) Chihuasha atun macanauna tiauca ahua pachai, Miguel paihua angelgunandi macananauca dragunhua. Dragumbas paihua angelgunandi macananauca. ⁸ Astaun dragunguna mana vinsinaucachu, maspas paigunaj mana lugar tiacachu ahua pachai. ⁹ Atun dragún canzhama ichushca aca, pai callari timpumanda machacui, supai apu, paihua shuti Satanás, intiru mundura umachij. Cai pachama shitashca aca paihua angelgunahua pariju. ¹⁰ Shinajpi, shu shinzhi shimihua rimauta uyacani ahua pachai, casna nisha: “Cuna pactamunaushcami ñucanchi Diospa quishpichinas, paihua ushais, pai mandanas, paihua Cristo mandana ushais, ñucanchi uquiunara cauźayachijta canzhama ichushcaraigu. Paiga paigunara cauźayachica ñucanchi Diospa ñaupajpi tutandi punzhandi.

(Salmo 37:10) Charaj ansa timpu pishijpi, manali runa ña mana tiangachu; cierto pacha pai tiashca lugarbi, mana tiangachu.

TEMA 9

(Hebreos 10:​24, 25) Ñucanchipura parijumanda iyarishunchi, mas mas llaquinausha, alira rausha yanaparingaj; ²⁵ ñucanchi tandarimunara mana saquisha, huaquinguna rashcasna, astaun animarisha rimanausha, shinallara mas mas casna rasha canguna Cristo shamuna punzha mayanllayaushcara ricuusha.

TEMA 10

(Génesis 6:2) Shinasha cierto Diospa churiuna runauna ushushiunara sumaj ashcara ricungaj callarinuca; huarmiunara apingaj callarisha, tucuigunamanda ajllanuca.

(2 Corintios 2:11) Casna nini Satanás supai apu imaras ama ganangaj ñucanchimanda. Pai ima rana tunuras ña yachanchi.

(Deuteronomio 18:​10, 11) Cambajpi mana tianachu an maicambas paihua churira o ushira ninai pasachij, mana pis tsalamanga runa, yachaj runa, huasha punzhauna pasanara yachaj runara o brujora mascaj, ¹¹ mana pis sagraj runa, yachaj runama rij o adivinasha rimaj, mana pis huañushcaunahua cuintarijpas.

(Proverbios 18:10) Jehová shuti shu shinzhi torre cuintami. Chima alira ruraj runa callpajpi, yanapaira charin.

(Santiago 4:​7, 8) Shinajpi Diosta uyaichi. Supai apu ñaupajpi shinzhira shayarichi, shina rajpi cangunamanda miticungami. ⁸ Diospajma mayanllayamuichi, shina rajpi pai cangunama mayanllayamungami. Uchayujcuna, maquira maillaichi; canguna, ishqui iyaiyujcuna, shungura sumajyachichi.

TEMA 11

(2 Pedro 3:​9, 10) Señorga pai shimi cushcara mana unaiyanzhu runauna iyashcasna, astaumbas ñucanchihua chapaisiqui, pihuas ama pirdirichu nisha, astaun tucui runauna uchamanda aripintirinauchu. ¹⁰ Señorba punzha shamungami shuhuaj runa tutai shamushcasna. Chi huras ahua pachauna shinzhi uyarinahua tucurinaunga, tucui tiajcuna rupasha pasanaunga, cai pachara paihuajpi tiaj rashcaunaras rupachishca anaunga.

(1 Corintios 10:13) Runaunara apina tintanaunalla cangunara apishcami. Dios paihua shimira pactachijmi, mana lugarda cungachu shu mana ahuantaihuaj tintana canda apingaj, astaun tintanahua pariju shu quishpinara cachamungami canguna ahuantangaj.

TEMA 12

(Salmo 55:22) Churai camba aparishcara Jehová ahuai, paillara canda cuirangami. Mana ima huras saquingachu alira raj runa chucchurichu.

(Salmo 15:​1-5) Jehová camba huasii, ¿pita pasiachishca tucungairi? ¿Pita camba santo urcui causangairi? ² Mana culpayuj causaj runa, ali dirichu ranara pactachij, paihua shungüi cierto shimira rimaj. ³ Paihua calluhua mana camicachu, paihua cumpañajta manalira mana rurashcachu, paihua quiquin amigora mana ima huras pingachishca. ⁴ Paihua ñahui ñaupajpi manali runa anzhuchishca anmi, shinallara Jehovara sirvijcunara respetanmi. Paihuajma manali ashas pai rimashcara pactachinmi, shinallara mana turcanzhu. ⁵ Paihua cullquira mana cushcachu yaparichu yangamanda cullquira mana apishcachu pugri runara llaquichingahua. Maicambas casna ruraujta mana ima huras chucchurishca anga.

TEMA 13

(Salmo 36:9) Causai cambajpi tian; can punzhayachij ashcamanda punzhara ricunchi.

(1 Juan 3:15) Maicans paihua uquira chijnisha, runara huañuchijmi. Yachanguichi pis runara huañuchij huiñai causaira mana charinzhu paihuajpi.

(Éxodo 21:​22, 23) Ishqui caripura macanusha shu icsayuj huarmira huajlichijpi, paihua huahuaunara pagarinujpi, shinajpi mana pis huañusha, huajlichij runa huarmihua cari ima mañashcara pagana an; taripajcuna ñaupajpi. ²³ Astaun pi runas huañujpi, causaipura causaipura pagana angui.

(Rashcauna 15:​28, 29) Alimi yachin Santu Ispiritumas ñucanchimas cangunara ama mas mandangaj. Cai mandashcaunallara ministirin: ²⁹ Runa rashca dioscunara sacrificioi ricuchishca aichara ama micuichichu. Yahuardas, yahuaryuj aicharas ama micuichichu. Shujhua tacarinaras saquinguichi. Caigunara pactachisha, alira ranguichi. Ali pasanguichi.”

TEMA 14

(Efesios 5:​25-29) Cariuna, canguna huarmiunara llaquichi, imasna Cristo iglesiara llaquica, iglesia randimanda paillara cuca, ²⁶ iglesiara sumajyachingaj, pai Quillcashca Shimihua paita maillaca, chuya yacuhua maillashca cuinta, ²⁷ iglesiara sumajlla pai quiquinmallara cungaj, ima iruspas illaj, ima sipus illaj, ima manalis illaj, chuya achu, ima tinirishcas illaj. ²⁸ Shinallara cariuna paiguna huarmiunara llaquinami, paiguna quiquin aicharasna. Maican runa paihua huarmira llaquisha, pai quiquinllarara llaquinmi. ²⁹ Mana imahuraspas pi runas paihua quiquin aichara chijnicachu, astaumbas carán, cuiran, imasna Cristo iglesiara cuirashcasna.

(Tito 2:​4, 5) malta huarmiunara yachachijcuna quiquin cariras churiunaras llaquingaj; ⁵ caiguna ali iyaiyujcuna tucungaj, sumaj causajcuna, quiquin huasira cuirajcuna, ali shunguuna, carira caźujcuna. Shina rajpi Diospa shimi ama camishca tucungaj.

TEMA 15

(Juan 17:17) Paigunara sumajyachi camba sirtu shimii. Can rimashca shimi sirtumi.

(Juan 17:6) Can cai pachamanda ñucara cuhuashca runaunama camba shutira ricuchishcani. Cai runauna cambajcuna anauca, paigunara cuhuashcangui. Paiguna camba shimira huacachinaushca.

(Juan 13:35) Caimanda tucui runauna canguna ñuca yachachishca runauna ajcunara ricsinaungami, canguna parijumanda llaquinanaupi.”

(Juan 3:36) Maicans Churii quirisha huiñai causaira charin. Maicans Churira mana caźusha, causaira mana ricungachu, randi Dios piñarishca paihua ahuaimi.”

(Juan 18:36) Jesús cutipaca: “Ñuca mandana pacha mana cai pachamandachu. Cai pachamanda ajpi, ñucara sirvijcuna macananaunmami, ñuca judiugunama ama intrigai tucungaj. Astaun ñuca mandana pacha mana caimandachu.

(Mateo 24:14) Cai Dios mandana pacha evangelio ali shimi intiru mundui camachishca anga, tucui llactaunara ricuchingaj. Chihuasha tucurina huras pactamunga.

TEMA 16

(Éxodo 20:​4, 5) “Ama raichu runa maquihua rashca diosta, mana imaras ahua pachai tiashcaras, cai allpai tiashcaras, yacui tiashcaras allpa yacu ucupis. ⁵ Ama cumurichu paiguna ñaupai mana tintai tucuchu paigunara sirvingaj, ñuca Jehová camba Dios ani ñucallara adurana angui, yayauna pandarishcamanda paiguna huahuaunajpi libachinara apamusha, quinsa mirai chuscu miraigunaras, ñucara chijnijpi;

(Isaías 52:11) Anzhurichi anzhurichi, chimanda llucshichi, mana imas irusta llangaichichu, paihua chaupimanda llucshichi, chuyaj aichi, canguna Jehová ima charishcaunara apaujcuna.

(Mateo 7:12) Imasna tucui imaras canguna munanguichi runauna cangunahua rangaj, shinallara raichi paigunahua. Caimi ley nishca shimi Diosmanda rimajcuna rimashca shimiunas.

(Hebreos 10:​24, 25) Ñucanchipura parijumanda iyarishunchi, mas mas llaquinausha, alira rausha yanaparingaj; ²⁵ ñucanchi tandarimunara mana saquisha, huaquinguna rashcasna, astaun animarisha rimanausha, shinallara mas mas casna rasha canguna Cristo shamuna punzha mayanllayaushcara ricuusha.

TEMA 17

(Filipenses 4:​6, 7) Imais ama turbarichichu, astaun canguna mañashcauna Diospa ñaupajpi uyarinauchu tucui mañashcahua, rugashcahua, agrasishcahua. ⁷ Shinasha, Diospa tucui intindinara pasaj cushi canguna shunguras, canguna iyairas huacachingami Cristo Jesuspi.

(Santiago 2:26) Imasna runa aicha alma-illaj huañushcami, shinallara quirinas ali ranauna illaj huañushcami.

(Mateo 6:​9-13) Cangunaga casna mañaichi: ‘Ñucanchi ahua pachai tiaj Yaya, camba shutira ahuayachishca achu, ¹⁰ shamuchu camba mandana. Can munashcara rashca achu, imasna ahua pachais, shinallara cai pachais. ¹¹ Ñucanchi caran punzha micunara cuna punzha cuhuai. ¹² Ñucanchi manali rashcaunara perdonahuai, imasna shinallara ñucanchira manalira rajcunara perdonaunchi. ¹³ Tintarinai urmangaj ama lugarda cuhuaichu ñucanchira, astaun manalimanda quishpichihuai. Cambajmi mandanas, ushanas, sumajpas, huiñai huiñaigama. Amen.’

(Ricuchina 14:6) Shu angel huamburijta ricucani ahua pacha chaupi shungüi. Pai huiñai huiñaigama duraj evangelio ali shimira charica cai pachai tiajcunara rimangaj, tucui llactara, tucui aillura, tucui shimira, tucui runaunaras.

(Filipenses 4:13) Tucuira ushani ñucara shinzhiyachij Cristoi.

TEMA 18

(Juan 17:3) Caimi huiñai causai, canda sapalla sirtu Dios ajta ricsinauchu, shinallara can cachamushca Jesucristoras.

(1 Pedro 4:2) paihua aichai causana puchuj punzhauna ama runauna ucha munaibi causachu, astaumbas Diospa munaira rasha.

(Mateo 28:19) chiraigumanda richi, runaunara yachachichi tucui llactaunai, paigunara bautisaichi Yaya shutii, Churi shutii, Santu Ispíritu shutiis.

TEMA 19

(Mateo 22:37) Jesús paita nica: “Camba Señor Diosta llaquinami angui, intiru shunguhua, intiru almahua, intiru iyaihua.

(1 Juan 5:3) Diosta llaquina casnami, ñucanchi pai mandashcaunara pactachingaj. Dios mandashcaunaga mana turminduscunachu.

(1 Tesalonicenses 5:17) Mana saquisha mañaichi.

(1 Corintios 15:58) Shina ajpi, ñuca llaquishca uquiuna, shinzhi shayarichi, ama cuyunguichichu, tucui huras Diospa tarabanai yaparisha ringuichi. Caita yachanguichi, canguna Señorbi tarabashcauna mana yangachu.

(Colosenses 3:13) Parijumanda ahuantanuichi. Parijumanda perdonanuichi maican runa shujta piñajpi. Imasna Cristo cangunara perdonashcasna, shinallara perdonanuichi cangunapura.