Diospa Reino ¿imara an?

Bibliai Diospa Reinomanda mas riman. Jehová Dios paihua Reinohua, cai allpara shu Paraíso tucuchu ruranga pai punda munashcasna. Diospa Reino ¿imara an? ¿Imasnara yachanchi cai ña mandaushcara? ¿Imara cunagama pactachishca? ¿Imara ruranga shamuj punzhaunai? Cai lecciombi, catij ishqui lecciongunaibi cai tapuigunara cutipangaraunchi.

1. Diospa Reino ¿imara an? ¿Pita cai Reinoibi mandaun?

Diospa Reino, Jehová churashca gobierno an. Cai Reinoibi Jesucristo Rey apu an, ahua pachamanda mandaunmi (Mateo 4:17; Juan 18:36). Jesusmanda rimasha Biblia nin: “Rey apu tucunga huiñai huiñaigama” (Lucas 1:32, 33). Diospa Reinoi Rey ashcamanda, Jesús tucui allpai causajcunara mandangami.

2. ¿Pigunara Jesushua mandanun?

Jesús mana sapallachu mandaun. Paihua “tucui ailluunamanda, tucui shimimandas, tucui llactamandas, tucui partimandas” runauna mandanunga (Apocalipsis 5:9, 10). ¿Masna runauna Cristohua mandangaranun? Jesús cai allpai ashcai ashca runauna paita catinuca. Cuna punzhaunais huaranga huaranga runauna Jesusta catinun. Shinajpis paita catijcunamanda 144.000 runaunalla ahua pachama rinun Jesushua pariju mandangaj (leai Apocalipsis 14:1-4). Randi, shujcuna cai allpai saquirinunga Diospa Reino mandaushcai causangaj (Salmo 37:29).

3. ¿Imarasha Diospa Reino mas ali an runa gobiernogunamanda?

Runa mandajcuna alira rurana munashas, ushaira mana charinun paiguna tucui munashcara pactachingahua. Shinallara timpu huasha shuj mandaj shuj mandaj icusha, cai mushuj presidentega runaunamanda mana preocuparingachari. Randi Jesusta, Diospa Reinoi mandaujta mana ima huras mana pihuas turcanungachu. Dios churashca mandana “mana ima huras tucuchishca tucunga” (Daniel 2:44). Jesús runauna ñahuira mana ricushalla tucui allpara mandanga. Pai cuinta llaquij, ali shungu, ali dirichu ruraj runauna tucunuchu yanapanga (leai Isaías 11:9).

4. Ashca ushaira charij Reino tucui allpara mandanga

Ñaupa, cunas timpu tiaj gobiernogunamanda Jesucristo mas mandana ushaira charin. Leaichi Mateo 28:18, huasha catij tapuimanda rimaichi:

• ¿Imarasha Jesús mandana ushai mas atun yali an tucui runa mandajcunamanda?

Caran gobierno shu llactallara mandana ushan shinallara paiguna mandana timpus tucurin. ¿Diospa Gobierno shinallarachu tucunga? Leaichi Daniel 7:14, huasha catij tapuigunamanda rimaichi:

• ¿Ima bendiciongunara charishun Diospa Reino mana ima huras tucurijpi?

• ¿Imarasha ali an Diospa Reino tucui allpara mandachu?

5. Runa gobiernoguna tucuchishca ana anun

¿Imarasha ministirishca an runa gobierno randi, Diospa Reino mandangaj callarichu? VIDEORA ricuichi, huasha catij tapuimanda rimaichi:

VIDEO: Diospa Reino ¿imara an? (Ansa parti) (1:41)

• ¿Runa gobiernoguna ima problemagunara apamunushca?

Leaichi Eclesiastés 8:9, huasha catij tapuimanda rimaichi:

• ¿Imarasha Diospa Reino mandana an, runa gobiernoguna randimanda?

6. Diospa Reinoi mandajcuna ñucanchira intindinunmi

Jesús cai allpai causaushcai ñucanchi cuinta causaca chiraigu ‘ñucanchi turmindarishcara pai sintij’ an (Hebreos 4:15). Jehová 144.000 casuj cariunara huarmiunaras ajllaca Jesushua pariju mandanuchu “tucui ailluunamanda, tucui shimimandas, tucui llactamandas, tucui partimandas” (Apocalipsis 5:9).

• ¿Imasnara sintiringui Jesús paihua mandajcunas runa causanara ali intindishcara yachasha?

7. Runa leygunamanda Diospa Reino leyguna mas ali an

Runa gobiernoguna leygunara llucchinushca runaunara yanapangahua cuirangahuas. Shinallara Diospa Reino leygunara charin, cai leygunara tucuiguna pactachina anun. Leaichi 1 Corintios 6:9-11, huasha catij tapuigunamanda rimaichi:

• ¿Imasnara causashun tucui runauna Diospa mandashcaunara casusha?a

• ¿Alichu an Jehová chapachu Diospa Reinoi causajcuna paihua mandashcaunara respetanuchu? ¿Imarasha shina rimangui?

• ¿Imasnara yachanchi cai leygunara mana casujcuna alima turcarisha casuna ushashcara? (Versículo 11 ricuichi).

IMARA YACHASHCANGUI

Diospa Reino shu sirtu gobierno an. Cai gobierno ahua pachamanda tucui allpara mandangami.

Iyaringaj

• ¿Pigunara mandanunga Diospa Reinoi?

• ¿Imarasha Diospa Reino runa gobiernogunamanda mas ali an?

• ¿Imara Jehová chapan Diospa Reinoi causajcunamanda?

RICUNGUI

Jesús, Diospa Reinomanda yachachishcara leai.

“¿Diospa Reino ñucanchi shungu ucui apanchi?” (jw.org partii tiaj tema)

¿Imarasha Jehovahuaj testigoguna runa gobiernogunamanda parti tucuna randi, mas munanun Diospa Reino partimanda tucungaj?

Diospa Reinollara yanapanchi (1:44)

Jesushua pariju mandangaj 144.000 Jehová ajllashca runaunamanda Biblia rimashcara yachai.

“¿Pigunara ahua pachama rinun?” (jw.org partii tiaj tema)

Carcelbi aj huarmira ¿imara yanapaca intindingaj Dioslla manalira tucuchina ushai charishcara?

“Yachacani imasna tucui manali rurashcaunara alichingaraushcara” (¡Despertad!, noviembre de 2011)