8 Chaymantataq qhasqo* ch’uspata+ ruwarqan, chaytapas unkuta jinan bordarqan qori q’aytuwan, azul q’aytuwan, azulniraq puka q’aytuwan, k’anchaq puka q’aytuwan, ñañuy-ñañu k’antisqa lino q’aytuwan ima.+ 9 Chay ch’uspaqa cuadradon karqan, anchonpas largonpas juj cuartan* karqan. 10 Chay ch’uspamanmi k’askachirqanku tawa fila rumikunata. Ñaupaq filapin kasharqan rubí rumi, topacio rumi, esmeralda rumipiwan. 11 Iskay kaq filapitaq kasharqan turquesa rumi, zafiro rumi, jaspe rumipiwan. 12 Kinsa kaq filapitaq kasharqan lésen rumi,* ágata rumi, amatista rumipiwan. 13 Tawa kaq filapitaq kasharqan crisólito rumi, ónice rumi, jade rumipiwan. Sapanka rumin qori jap’inaman ch’olqochisqa karqan. 14 Chay rumikunapin k’iñasqa karqan Israelpa chunka iskayniyoq churinkunaq sutin. Sapanka rumin juj aylluwan tuparqan. Sapanka rumipitaqmi juj aylluq sutin sello jina k’iñasqa karqan.