15 Jinaspa Jehová Diosmanta mañakuyta qallarirqan:+ “Israelpa Diosnin Jehová Diosníy, qanqa querubín angelkuna patapi* kaq tronoykipin tiyashanki.+ Qan sapallaykin cheqaq Diosqa kanki, qanllan llapa nacionkunaq Diosninqa kanki.+ Qanmi janaq pachatapas kay pachatapas kamarqanki.

7 “Kallpachakuychis, ama manchakuychischu. Asiria reytapas+ paywan jamuq askha runakunatapas ama manchakuychischu nitaq khatatataychispaschu.* Payta yanapaqkunaqa pisillan, noqanchista yanapawaqninchiskunan ichaqa aswan askha kashan.+ 8 Jinaspapas payqa runakunaq kallpallanpin confiashan, noqanchiswanmi ichaqa Jehová Diosninchis kashan, paymi kay maqanakuyta atipananchispaq yanapawasun”,+ nispa. Judá ayllu rey Ezequiaspa rimasqanta uyarispataq llapa runakunaqa kallpachakurqanku.+