14 Chay langostakunaqa sinchi askhapunin karqanku, lliu Egiptomanmi junt’aykurqanku, llapa k’uchunkunamanraqmi chayarqanku.+ Manan jayk’aqpas chhaynaqa pasarqanchu,+ manataqmi jayk’aqpas jujmantaqa pasananchu karqan. 15 Lliu Egiptotan langostakunaqa p’ampaykurqanku, chaywanmi Egiptoqa tutayarqanraq. Tukuy imaymana plantakunata, chijchiq puchusqan llapa rurukunata iman lliuta tukupurqanku. Manañan ima sach’apas ni ima plantapas Egiptopiqa karqanñachu.