27 Pusamuspankutaq Jatun Juntaq ñaupanpi sayaykachirqanku, jinan uma sacerdoteqa paykunata 28 nirqan: “¿Manachu noqaykuqa kamachirqaykichis amaña chay runaq sutinpi yachachinaykichispaq?+ Chhaynaqa, ¿imaraykutaq qankunari Jerusalén llaqtaman yachachikuyniykichista junt’aykachishankichis? ¿Imaraykun chay runaq wañusqanmantapas noqaykuta juchachayta munashawankiku?”,+ nispa.