Proverbios

12 Wanachiyta munakuqqa yachaytan munakun,+

anyaykuyta cheqnikuqmi ichaqa mana yuyayniyoq.+

 2 Allin runataqa Jehová Diosmi chaskin,

mana allinkuna yuyaykuq runatan ichaqa juchachan.+

 3 Pipas mana allin kaqta ruwaqqa manan tajyanchu,+

chanin runan ichaqa allin saphichasqa sach’a jina sayashallanqa.

 4 Allin esposaqa qosanpaqmi corona jina,+

mana allin esposan ichaqa tulluta ismuchiq onqoy jina.+

 5 Chanin runakunaq yuyaykusqanqa allinkaman,

millay runakunaq yuyaychasqanmi ichaqa q’otukuq.

 6 Millay runakunaq rimasqanqa wañuna trampa jinan,*+

chanin runakunaq rimayninmi ichaqa salvan.+

 7 Millay runakunaqa wañuchisqa kaspan ch’usaqyapunku,

chanin runakunaq wasinmi ichaqa sayashallanqa.+

 8 Allin yuyaywan rimaq runataqa jatunchankun,+

millay sonqoyoqtan ichaqa pisichanqaku.+

 9 Aswan allinqa pisipaq qhawarisqa kashaspa kamachiyoq runan,

mana mijunanpas* kashaqtin jatunchakuq runamantaqa.+

10 Chanin runaqa uywankunatan allinta cuidan,+

millay runaqmi ichaqa khuyapayakuyninpas millay.

11 Chajranta llank’aqqa askha mijunayoqmi kanqa,+

mana valeq kaqkunata maskhaqmi ichaqa mana yuyayniyoq.

12 Millay runaqa millay runakunaq qechusqantan envidiakun,

chanin runan ichaqa allin saphichasqa sach’a jina rurun.

13 Millay runaqa mana allin rimasqankunawanmi mayt’uchikun,+

chanin runan ichaqa ñak’ariymanta salvakun.

14 Runaqa allinta rimasqanman jinan allin kaqwan kusikun,+

llank’asqanmantan pagota chaskinqa.

15 Mana yuyayniyoqqa allinta imatapas ruwananpaqmi piensan,+

yachayniyoqmi ichaqa yuyaychaykunata chaskikun.+

16 Mana yuyayniyoqqa kaq ratupachan* phiñakun,+

allin yuyayniyoq runan ichaqa ima k’amisqatapas mana kasunchu.*

17 Junt’aq testigoqa cheqaqllatan* riman,

llulla testigon ichaqa mana cheqaqtachu riman.

18 Comunta rimasqa simikunaqa espada jinan k’irikun,

yachayniyoqpa rimasqanmi ichaqa jampi jina.*+

19 Cheqaqta rimasqa simiqa wiñaypaqmi kashallanqa,+

llullakuspa rimasqan ichaqa juj ratullapi chinkapunqa.+

20 Q’otukuyqa mana allinta yuyaykuqkunaq sonqonpin kashan,

thaj kaymanta yuyaychaqkunan ichaqa kusikunku.+

21 Manan ima ñak’ariypas chanin runamanqa chayamunqachu,+

millay runan ichaqa ñak’ariykunawan amikunqa.+

22 Jehová Diosqa cheqnikunmi llulla runata,+

junt’aq sonqo runakunawanmi ichaqa kusikun.

23 Allin yuyayniyoq runaqa yachasqantan pakaykun,

mana yuyayniyoqmi ichaqa rimasqanpi mana yuyayniyoq kayninta reqsichikun.+

24 Allin llank’aqqa kamachikuqmi kapunqa,+

qellan ichaqa sasa ruwaykunata ruwananpaq kamachisqa kanqa.+

25 Llakikuyqa runaq sonqontan ñit’iykun,+

sumaq simikunan ichaqa kallpachan.+

26 Chanin runaqa allin pastokunatan maskhan,

millay runakunan ichaqa mana allin ñanpi purispa pantanku.

27 Qellaqa manan animal jap’iqllapas rinchu,+

k’uchi runapaqmi ichaqa k’uchi kaynin qhapaq kay jina.

28 Chanin kaqta ruwayqa kausaymanmi apan,+

paypa ñanninpiqa manan wañuyqa kanchu.