2 Samuel

24 Israel runakunata Judá ayllu runakunatawan yupananpaqmi Davidqa tanqasqa karqan,+ chaymi Jehová Diosqa anchata Israel runakunapaq phiñakurqan.+ 2 Rey Davidmi soldadonkunaq umallin Joabta+ nirqan: “Valekuykin Israelpi kaq llapa ayllukunata rinaykipaq, jinaspa Danmanta Ber-Sebakama+ runakunata yuparamuy. Chaymantataq willawanki jayk’a runachus kasqanta”, nispa. 3 Joabmi ichaqa reyta nirqan: “Wiraqocháy, qan rikushaqtiyki Jehová Diosniykiqa pachaj kutitawanraq llaqtata mirachichun. Ichaqa reyníy, ¿imanaqtintaq runakunatari yupayta munashanki?”, nispa.

4 Rey Davidmi ichaqa yupanankutapuni munarqan, chaymi mana uyarirqanchu Joabtapas soldadokunaq umallinkunatapas. Jinan Joabqa soldadokunaq umallinkunapiwan Davidpa ñaupanmanta lloqsirqanku, jinaspa Israelpi kaq lliu ayllukunapi runakunata yupaq rirqanku.+ 5 Jinan Jordán mayuta chimpaspa Aroer+ llaqtapi karpakurqanku, wayq’o chaupipi kaq llaqtaq paña ladonpi.* Chaymantataq rirqanku Gad runakunaq tiyasqan Jazer+ llaqtaman. 6 Chay llaqtakunata pasaspataq rirqanku Galaad+ runakunaq tiyasqan jallp’aman, jinallataq Tatin-Ojsí jallp’amanpas. Dan-Janman chayaspataq Sidón+ llaqtaman muyuykurqanku. 7 Chaymantataq chayarqanku allin perqasqa Tiro+ llaqtaman, qhepamantaq heveo runakunaq+ tiyasqan llaqtakunaman, jinallataq Canaán runakunaq tiyasqan llaqtakunamanpas. Tukurqankutaq Ber-Sebapi,+ chayqa kashan Judá ayllupi kaq Neguebpin.+ 8 Chhaynapin paykunaqa Israelpi kaq lliu runakunata yupamurqanku, chaymantataq Jerusalén llaqtaman chayampurqanku isqon killa iskay chunka p’unchaymanta. 9 Chaymantataq Joabqa jayk’a runakunachus kasqanta reyman willarqan. Israelpin kasqa pusaq pachaj waranqa maqanakuq runakuna, sapankankun espadayoqkama karqanku, Judá ayllupitaq pisqa pachaj waranqa maqanakuq runakuna karqanku.+

10 Runakunata yupasqan qhepamanmi ichaqa Davidta sonqon* juchacharqan,+ chaymi Jehová Diosta nirqan: “Jehová Diosníy, kay ruwasqaywanqa sinchitan juchallikuni.+ Ama jinachu, kay juchaymanta perdonaykuway,+ mana yuyayniyoq jinan chayta ruwaruni”,+ nispa. 11 Tutamantanta David sayariqtintaq Jehová Diosqa profeta Gadman+ rimaykurqan, Gadqa Diospa rikuchisqantan Davidman willaq. Paytan nirqan: 12 “Phaway Davidta nimuy, Jehová Diosmi nin: Kay kinsa castigokunamanta ajllakuy, ¿ima ruwanaytan munanki?,+ nispa”. 13 Jinan profeta Gadqa Davidpa kasqanman jaykuspa nirqan: “¿Mayqentan munanki? ¿Qanchis wata Israelpi yarqay kanantachu?+ ¿Kinsa killa enemigoykikunaq qatikachasqan puriytachu?+ Icha, ¿kinsa p’unchay Israel llaqtapi mast’arikuq onqoy kanantachu?+ Allinta yuyaykuspa niwanki kachamuwaqniyman willamunaypaq”, nispa. 14 Chaymi Davidqa Gadta nirqan: “May llakisqan kashani. Manan munaymanchu pi runapas ñak’arichiwanantaqa.+ Jehová Diosqa khuyapayakuqmi,+ paypa castigonta aswanpas suyakusaq”,+ nispa.

15 Jinan Jehová Diosqa Israel llaqtantinta mast’arikuq onqoywan jap’ichirqan+ tutamantanmanta señalasqa tiempokama. Chaypin wañurqanku Danmanta Ber-Sebakama+ qanchis chunka waranqa runakuna.+ 16 Jerusalén llaqta runakunata chinkachinanpaq juj ángel makinta oqariqtintaq Jehová Diosqa onqoy apachimusqanmanta pesapakurqan,*+ jinan chay angelta nirqan: “¡Chaykamalla! Makiykita uraykachiy”, nispa. Jehová Diospa angelninqa Arauna+ sutiyoq Jebús runaq+ eranan pata* qayllapin kasharqan.

17 Chay ángel runakunata wañuchishasqanta rikuspataq rey Davidqa Jehová Diosta nirqan: “Noqan juchayoq kani, noqan pantaruni. Kay runakunaqa*+ manan imatapas ruwarqankuchu. Ama jinachu kay noqata papaypa familiantawan castigawayku”,+ nispa.

18 Chaymi Gadqa Davidpa kasqanman jaykuspa payta nirqan: “Phaway Arauna sutiyoq Jebús runaq eranan pataman, chaypi juj altarta Jehová Diospaq ruwamuy”,+ nispa. 19 Jinan Davidqa Gadpa nisqanman jina ruwaspa Jehová Diospa kamachisqanta kasukurqan. 20 Araunataq rey Davidta kamachinkunatawan rikuspa usqhaylla aypaq lloqsimurqan, jinaspa reypa ñaupanpi qonqorikuspa pampakama k’umuykurqan. 21 Chaymantataq Davidta tapurqan: “Reyníy, ¿imaraykun kay kamachiykita visitamushawanki?”, nispa. Davidtaq nirqan: “Eraykita rantikuqmi jamushani, chaypi Jehová Diospaq juj altarta ruwanaypaq, chhaynapi kay castigo sayananpaq”,+ nispa. 22 Araunan ichaqa nirqan: “Reyníy, jap’ikapullay chay erataqa, qanña ima munasqaykitapas chaypi ruway. Torokunatapas qosaykin ruphachina ofrendata jaywanaykipaq. K’ullumanta sarunatapas yugotapas qosaykin llant’aykipaq. 23 Tukuy chaykunatan qopusayki reyníy”, nispa. Chaymantapas nillarqantaqmi: “Jehová Diosmi bendecisunki”, nispa.

24 Rey Davidmi ichaqa Araunata nirqan: “Noqaqa pagasaykin, manan gratisllaqa chaskiykimanchu. Jehová Diosniymanqa manan mana qolqeywan rantisqa ruphachina sacrificiokunataqa jaywaymanchu”, nispa. Jinan Davidqa chay erata torokunatawan rantispa pisqa chunka* qolqeta pagapurqan.+ 25 Chaymantataq Davidqa Jehová Diospaq juj altarta ruwapurqan,+ chaypitaq jaywarqan ruphachina sacrificiokunata sumaq kausay sacrificiokunatawan. Jinan Jehová Diosqa Israel runakunaq mañakusqanta uyarirqan,+ chhaynapin Israel runakunapaq castigoqa tukupurqan.