1 Reyes

9 Jehová Diospa wasinta, reypa wasinta,*+ tukuy imaymana ruway munasqantawan rey Salomón tukuqtin jinan,+ 2 Jehová Diosqa iskay kaq kutipi jujmanta Salomonman mosqoyninpi rijurillarqantaq imaynan Gabaonpi rijurirqan jinata.+ 3 Jinan Jehová Diosqa nirqan: “Mañakamuwasqaykitapas rogakamuwasqaykitapas lliutan uyarini. Ruwapuwasqayki wasitapas ch’uyanchanin, chaypin sutiyqa wiñaypaq kashanqa.+ Chay wasitaqa qhawashallasaqmi, manapunin qonqasaqchu.+ 4 Sichus papayki David jina+ tukuy sonqowan+ chaninta kausaspa+ ñanniykunapi purinki, tukuy nisqayta junt’anki,+ kamachikuyniykunatapas chaninchayniykunatapas kasukunki chayqa,+ 5 papayki Davidman prometesqayman jinan gobiernoykita wiñaypaq Israel llaqtapi tajyachisaq. Noqan papayki Davidman prometerqani: Familiaykimanta jamuq runakunallapunin Israelpa trononpiqa tiyanqaku,+ nispa. 6 Ichaqa sichus qankunapas wawaykichiskunapas saqepuwankichis, kamachikuyniykunatapas mana kasukunkichischu, jinaspa waj dioskunata yupaychankichis, chaykunamantaq k’umuykunkichispas chayqa,+ 7 kay qosqay jallp’amantan Israel llaqtata chinkachipusaq,+ sutiyta jatunchananpaq ch’uyanchasqay wasitapas ñaupaymantan wijch’upusaq, manan qhawarimusaqpaschu,+ chhaynapin Israel llaqtaqa waj llaqtakunaq pisichasqan asipayasqan kapunqa.+ 8 Kay wasipas rumi montonmi kapunqa.+ Chaymi chayninta puriqkunaqa admirasqa ninqaku:* ¿Imaraykutaq Jehová Diosri kay Israel llaqtatapas kay wasitapas chhaynatari ruwarun?,+ nispa. 9 Jinan ninqaku: Egiptomanta ñaupa taytankuta orqomuq Jehová Diosninkuta saqerparisqankuraykun chhayna kashanku. Paykunaqa waj dioskunamanmi k’umuykurqanku jinaspa chaykunata yupaycharqanku, chaymi Jehová Diosqa kay ñak’ariyta paykunaman apachimurqan,+ nispa”.

10 Salomonqa iskay chunka watapin Jehová Diospa wasintapas reypa wasintapas ruwayta tukurqan.+ 11 Chay qhepamanmi Salomonqa Tiro llaqtamanta rey Hiramman+ Galilea jallp’api iskay chunka llaqtakunata qorqan. Chay llaqtakunatan Salomonqa Hiramman qorqan jayk’achus necesitasqan qorita, cedro maderakunata, enebro maderakunatawan apachimusqanrayku.+ 12 Jinan Hiramqa Tiro llaqtamanta lloqsispa Salomonpa qosqan llaqtakunata qhawaq rirqan, chay llaqtakunan ichaqa mana gustonpaqchu karqan.* 13 Chaymi nirqan: “Wayqéy Salomón, ¿imaraykutaq khayna llaqtakunatari qowanki?”, nispa. Chaymantapachan chay llaqtakunataqa Cabul Jallp’a* nispa kunan p’unchaykama sutichanku. 14 Hiramqa pachaj iskay chunka talento* pesaq qoritan rey Salomonman apachimurqan.+

15 Rey Salomonqa runakunatan juñumurqan llank’anankupaq,+ paykunan kamachisqa karqanku Jehová Diospa wasinta,+ Salomonpa wasinta, Miló* nisqa moqota,+ Jerusalén llaqtaq perqanta, Azor+ llaqtata, Meguidó+ llaqtata, Guézer+ llaqtatawan ruwanankupaq. 16 (Guézer llaqtataqa Egipto rey faraonmi* ninawan kanaykurqan jinaspa jap’ikapurqan, chaypi tiyaq Canaán runakunatapas+ lliutan wañuchipurqan. Chay llaqtatan faraonqa ususinman regalarqan,*+ chay ususinqa rey Salomonpa esposanmi karqan). 17 Salomonqa kay llaqtakunata allichaspan jujmanta jatarichirqan: Guézer llaqtata, Uray Bej-Orón+ llaqtata, 18 Balaj+ llaqtata, Israelpi kaq* ch’inneq ladopi Tamar llaqtata, 19 Salomonpa mijuy waqaychanan llaqtakunata, carreta waqaychana llaqtakunata,+ caballopi sillakuq soldadokunapaq llaqtakunatawan. Chaymantapas Salomonqa imaymanakunatan ruwallarqantaq Jerusalén llaqtapi, Líbano orqopi, lliu kamachikusqan jallp’apipas. 20 Israel jallp’api qhepaqkunan karqanku amorreo runakuna, Het runakuna, perizita runakuna, heveo runakuna, Jebús runakunapiwan.+ Chay runakunaqa manan Israel runakunachu karqanku,+ 21 paykunatan Israel runakunaqa mana chinkachiyta atirqankuchu. Chay runakunaq miraynintan rey Salomonqa esclavota jina llank’achirqan, kunan p’unchaykamataqmi esclavo jina llank’ashanku.+ 22 Israel runakunatan ichaqa mana mayqentapas esclavota jinaqa llank’achirqanchu,+ aswanpas paykunaqa karqanku Salomonpa soldadonkuna, kamachinkuna, churasqan autoridadkuna, oficialninkuna, carretakunata manejaqkunaq umallinkuna, caballopi sillaykuspa puriq soldadokunaq umallinkuna ima. 23 Salomonpa lliu ruwachisqanmanta encargakuqkunaq umallinkunan karqan pisqa pachaj pisqa chunka, chay umallikunaqa llank’aq runakunaq capatazninmi karqanku.+

24 Faraonpa ususinmi+ Davidpa Llaqtan+ nisqamanta Salomonpa ruwapusqan wasiman astakapurqan. Chaymantataq Salomonqa Miló* nisqa moqota jatarichirqan.+

25 Salomonqa Jehová Diospaq ruwapusqan altarpin+ watapi kinsa kutita+ ruphachina sacrificiota sumaq kausay sacrificiotawan jaywaq. Chaymantapas Jehová Diospa ñaupanpi kaq altarpin sacrificiota q’osñichiq. Chhaynatan Diospa wasinta ruwayta tukurqan.+

26 Chaymantapas Salomonqa askha barcokunatan ruwachirqan Edom jallp’api+ kaq Ezión-Gueberpi,+ chayqa karqan Eloj qayllapin, Puka lamar-qocha patapi. 27 Hiramqa kamachinkunatan kachamurqan Salomonpa kamachinkunawan kuska chay barcokunapi llank’anankupaq.+ Hirampa chay kamachinkunaqa allin experienciayoq marinerokunan karqanku. 28 Paykunan Ofirman+ rispa chaymanta tawa pachaj iskay chunka talento pesaq qorita apamurqanku, chaytataq rey Salomonman qorqanku.