1 Crónicas

25 Chaymantapas Davidwan Leví ayllu umallikunapiwanmi t’aqarqanku Asafpa, Emanpa, Jedutunpa+ wakin churinkunata. Paykunatan t’aqarqanku arpakunata, cuerdayoq tocanakunata,+ platillokunata+ tocaspa Diosta jatunchanankupaq profetizanankupaq ima. Kaykunan karqanku ajllasqanku runakuna: 2 Asafpa churinkunamantan karqan: Zacur, José, Netanías, Asarelapiwan. Paykunatan umallirqan taytanku Asaf, Asaftaq rey Davidpa kamachisqan takirqan* Diosta jatunchananpaq. 3 Jedutunpa+ churinkunamantan karqan soqta: Guedalías, Zerí, Jesayá, Simeí, Asabías, Matitiaspiwan.+ Paykunatan umallirqan taytanku Jedutún, Jedutunqa arpata tocaspan Jehová Diosta jatunchaq graciastapas qoq, chhaynatan payqa profetizaq.+ 4 Emanpa+ churinkunamantataq karqan: Buquías, Matanías, Uziel, Sebuel, Jerimoj, Hananías, Ananí, Eliatá, Guidaltí, Romanti-Ézer, Josbecasa, Malotí, Otir, Majaziojpiwan. 5 Llapa chaykunan karqan Emanpa churinkuna. Emanqa Diospa rikuchisqantan rey Davidman willaq, chhaynapi Dioslla jatunchasqa kananpaq. Chaymi Diosqa Emanman qorqan chunka tawayoq qhari wawakunata kinsa warmi wawakunatawan. 6 Chay takiqkunaqa llapallankun taytankuq umallisqan Jehová Diospa wasinpi takirqanku. Chhaynatan paykunaqa Diospa wasinpi Diosta serviqku platillokunata, cuerdayoq tocanakunata, arpakunata tocaspa.+

Asafwan, Jedutunwan, Emanpiwanqa rey Davidpa umallisqanmi takirqanku.

7 Llapa paykunaqa iskay pachaj pusaq chunka pusaqniyoq takiqkunan karqanku, Jehová Diosman takinankupaqmi paykunataqa yachachirqanku, chaymi paykunaqa allin takiqkuna karqanku. 8 Imachus ruwanankuta chaskinankupaqmi paykunataqa sorteopi ajllarqanku.+ Jatuntapas juch’uytapas, allin yachaqtapas chayllaraq yachashaqtapas igualtan sorteopi ajllarqanku.

9 Sorteaqtinkun ñaupaqta lloqsimurqan Asafpa churin José;+ iskay kaqpitaq lloqsimurqan Guedalías,+ paywan, wayqenkunawan, churinkunapiwanqa chunka iskayniyoqmi karqanku; 10 kinsa kaqpitaq lloqsimurqan Zacur,+ paywan, wayqenkunawan, churinkunapiwanqa chunka iskayniyoqmi karqanku; 11 tawa kaqpitaq lloqsimurqan Izrí, paywan, wayqenkunawan, churinkunapiwanqa chunka iskayniyoqmi karqanku; 12 pisqa kaqpitaq lloqsimurqan Netanías,+ paywan, wayqenkunawan, churinkunapiwanqa chunka iskayniyoqmi karqanku; 13 soqta kaqpitaq lloqsimurqan Buquías, paywan, wayqenkunawan, churinkunapiwanqa chunka iskayniyoqmi karqanku; 14 qanchis kaqpitaq lloqsimurqan Jesarela, paywan, wayqenkunawan, churinkunapiwanqa chunka iskayniyoqmi karqanku; 15 pusaq kaqpitaq lloqsimurqan Jesayá, paywan, wayqenkunawan, churinkunapiwanqa chunka iskayniyoqmi karqanku; 16 isqon kaqpitaq lloqsimurqan Matanías, paywan, wayqenkunawan, churinkunapiwanqa chunka iskayniyoqmi karqanku; 17 chunka kaqpitaq lloqsimurqan Simeí, paywan, wayqenkunawan, churinkunapiwanqa chunka iskayniyoqmi karqanku; 18 chunka jujniyoq kaqpitaq lloqsimurqan Azarel, paywan, wayqenkunawan, churinkunapiwanqa chunka iskayniyoqmi karqanku; 19 chunka iskayniyoq kaqpitaq lloqsimurqan Asabías, paywan, wayqenkunawan, churinkunapiwanqa chunka iskayniyoqmi karqanku; 20 chunka kinsayoq kaqpitaq lloqsimurqan Subael,+ paywan, wayqenkunawan, churinkunapiwanqa chunka iskayniyoqmi karqanku; 21 chunka tawayoq kaqpitaq lloqsimurqan Matitías, paywan, wayqenkunawan, churinkunapiwanqa chunka iskayniyoqmi karqanku; 22 chunka pisqayoq kaqpitaq lloqsimurqan Jeremoj, paywan, wayqenkunawan, churinkunapiwanqa chunka iskayniyoqmi karqanku; 23 chunka soqtayoq kaqpitaq lloqsimurqan Hananías, paywan, wayqenkunawan, churinkunapiwanqa chunka iskayniyoqmi karqanku; 24 chunka qanchisniyoq kaqpitaq lloqsimurqan Josbecasa, paywan, wayqenkunawan, churinkunapiwanqa chunka iskayniyoqmi karqanku; 25 chunka pusaqniyoq kaqpitaq lloqsimurqan Ananí, paywan, wayqenkunawan, churinkunapiwanqa chunka iskayniyoqmi karqanku; 26 chunka isqonniyoq kaqpitaq lloqsimurqan Malotí, paywan, wayqenkunawan, churinkunapiwanqa chunka iskayniyoqmi karqanku; 27 iskay chunka kaqpitaq lloqsimurqan Eliatá, paywan, wayqenkunawan, churinkunapiwanqa chunka iskayniyoqmi karqanku; 28 iskay chunka jujniyoq kaqpitaq lloqsimurqan Otir, paywan, wayqenkunawan, churinkunapiwanqa chunka iskayniyoqmi karqanku; 29 iskay chunka iskayniyoq kaqpitaq lloqsimurqan Guidaltí,+ paywan, wayqenkunawan, churinkunapiwanqa chunka iskayniyoqmi karqanku; 30 iskay chunka kinsayoq kaqpitaq lloqsimurqan Majazioj,+ paywan, wayqenkunawan, churinkunapiwanqa chunka iskayniyoqmi karqanku; 31 iskay chunka tawayoq kaqpitaq lloqsimurqan Romanti-Ézer,+ paywan, wayqenkunawan, churinkunapiwanqa chunka iskayniyoqmi karqanku.