Salmos

123 Qanmanmi qhawarimuyki,+

qanqa janaq pachapin tronoykipi tiyashanki.

 2 Imaynan juj kamachiqa patronninpa makinta makilla qhawashan,

imaynan juj warmi kamachipas patronanpa makinta makilla qhawashan,

chhaynatan ñawiykupas Jehová Diosniykuta makilla qhawashan,+

paypa khuyapayakuynintan suyakushayku.+

 3 Diosniyku Jehová, khuyapayaykuwayku,

ama jinachu kay, favorniykita rikuchiwayku,

nishutañan pisichawanku.+

 4 Paykunallapi confiaqkunaq asipayawasqankuwanmi sayk’usqaña kashayku;

jatunchakuq runakunapas nishutañan pisichashawanku.