Tito

3 Yuyarichishallay paykunataqa gobiernokunata autoridadkunatapas kasukushanallankupaq,+ tukuy allin kaqkunata ruwanankupaqpas listo kashanankupaqwan. 2 Ama pimantapas millaytaqa rimachunkuchu, amataq churanakuspachu purichunku, aswanpas llamp’u sonqo kachunku,*+ lliu runapaqpas sumaq sonqo kachunku.+ 3 Noqanchispas ñaupaqqa mana yuyayniyoq, mana kasukuq, jujkunaq pantachisqan, imaymana munapayayllapi puriq, aycha kusichiyllapi puriq, millayta kausaq, envidiakuq, sinchi millay runa, jujkuna-jujkunawan cheqninakuq iman karqanchis ¿riki?

4 Chaywanpas, salvawaqninchis Diosmi lliu runaman rikuchirqan sumaq sonqo kasqanta+ munakuq kasqantawan. 5 Payqa salvawarqanchis manan imatapas chaninta ruwasqanchisraykuchu,+ aswanpas khuyapayakuq kasqanraykun.+ Salvawarqanchisqa mosoq kausaypaq limpiawaspanchismi,*+ santo espiritunwan mosoq runaman tukuchiwaspanchis iman.+ 6 Chay espiritutan payqa askhatapuni* qowarqanchis salvawaqninchis Jesucristowan,+ 7 chhaynapi paypa ancha sumaq sonqo kayninrayku chaninpaq jap’isqa kaspanchis,+ suyakusqanchisman jina wiñay kausay herenciata chaskinanchispaq.+

8 Chay nisqaykunaqa cheqaqpunin. Chaykunamanta rimashanallaykitan noqaqa munani, chhaynapi Diospi iñiqkunaqa allin kaq ruwaykunallapi yuyayninkuta churanankupaq. Chaymantapas, chaykunaqa ancha allinpunin runakunapaqqa, paykunaq allinninkupaqtaqmi kanpas.

9 Ichaqa amapunin metekunkichu yanqa rimaykunapi, ñaupa taytakunaq sutinkumanta listakuna t’aqwiypi, discutiykunapi, ni kamachikuy simimanta jap’inakuykunapipas, chaykunaqa yanqa ruwaykunan, manataqmi imapaqpas valenchu.+ 10 Pipas yachachisqanchismanta jujnirayta yachachishanman chayqa,+ anyay chay runata;+ iskay kutikama anyashaqtiyki mana kasukunqachu chayqa,+ t’aqakunkin chay runamantaqa. 11 Chhayna runaqa allin ñanmantan t’aqakushan, juchatan ruwashan, imachus ruwasqankunataqmi juchachashanpas.

12 Artemasta otaq Tiquicota+ kachamusaq nishanin, mayqenninkupas chayamuqtinqa apuraylla Nicópolis llaqtata watukuqniy jamunki, chaypin chiri tiempota pasasaq. 13 Allinta yanapay kamachikuy simita allin yachaq Zenasta Apolostawan, chhaynapi viajenkupi ama imankupas faltananpaq.+ 14 Ichaqa iñiqmasikunapas yachanankun allin kaqkuna ruwaytaqa, chhaynapi imapas necesitakuqtin yanapakunankupaq,+ chhaynapin Diospaq allinta llank’anqaku.+

15 Llapa noqawan kaqkunan napaykuyta apachimushasunkiku. Napaykapuway munakuwaqniyku iñiqmasikunata.

Qankunawan kachun Diospa ancha sumaq sonqo kaynin.