Malaquías

2 Diosmi nin: “Sacerdotekuna, qankunapaqmi kay kamachikuy.+ 2 Sichus mana uyariwankichischu, manataq sonqomantachu sutiyta jatunchankichis chayqa, ñakasaykichismi.+ Bendicionniykichiskunatapas ñakaymanmi tukuchisaq.+ Arí, manataq tukuy sonqochu kasukuwankichis chayqa, bendicionkunatan ñakayman tukuchipuni”, nispa. Ejercitokunata kamachiq Jehová Diosmi chayta nin.

3 Diosmi nin: “Mana allinkunata ruwasqaykichisraykun muju tarpusqaykichista mana wiñachisaqchu.+ Fiesta p’unchaykunapi sacrificiopi jaywasqaykichis uywakunaq phusnunwanmi uyaykichispi laq’aykusaykichis, qankunaqa phusnu jich’anamanmi apasqa kankichis. 4 Chhaynapin yachankichis kay kamachikuyqa Leví aylluwan rimanakusqay mana p’akisqa kananpaq kasqanta”,+ nispa. Ejercitokunata kamachiq Jehová Diosmi chayta nin.

5 Diosmi nin: “Leviqa paywan rimanakusqayraykun kausashallarqan, thaj kaypin kausarqan. Chay bendicionkunaraykun yupaychawarqan. Sutiyta anchata respetasqanraykun cheqnisqay ruwaykunata cheqnikurqan. 6 Cheqaq kaq kamachikuymi* siminpi kasharqan,+ manan mana chanin kaqqa siminpi karqanchu. Payqa thaj kaypin noqawan purirqan, allin kaqtan ruwarqan,+ askhatataqmi mana allin ñanmantapas t’aqarqan. 7 Sacerdoteqa noqamantan runakunaman yachachinan, llaqtaqa paypa siminmantan kamachikuykunata* uyarinan,+ payqa ejercitokunata kamachiq Jehová Diospa siminta willaqmi”, nispa.

8 Ejercitokunata kamachiq Jehová Diosmi nin: “Qankunan ichaqa allin ñanmanta t’aqakurqankichis, qankunaq causaykichispin askha runakuna kamachikuyniykunata p’akirqanku.*+ Leví aylluwan rimanakusqaytan p’akirqankichis.+ 9 Chayraykun p’enqayman churasaykichis, runakunaq ñaupanpin pisichasaykichis, qankunaqa ñanniymantan t’aqakurqankichis, manan kaqllatachu llapa runawanpas kamachikuy simita junt’achirqankichis”,+ nispa.

10 “¿Manachu llapanchispas juj taytallayoq kanchis?+ ¿Manachu llapanchistapas juj Dioslla kamawarqanchis? Chhaynaqa, ¿imaraykun ñaupa taytanchiskunawan rimanakuy ruwakusqanta qhellichaspa noqanchispura traicionanakunchis?+ 11 Judá runakunaqa mana chanintan ruwashanku. Millakunapaq kaqtan Israelpipas Jerusalenpipas ruwakushan. Judá runakunan waj llaqtayoq diospa ususinwan casarakuspa+ Jehová Diospa ch’uya kayninta,*+ ancha allinpaq qhawarisqan ch’uya kayninta qhellichashanku. 12 Pi runaña kanman chaypas chay ruwaqtan Jehová Diosqa Jacobpa karpanmanta chinkachipunqa, ejercitokunata kamachiq Jehová Diosmanña ofrendata jaywanman chaypas chinkachinqapunin”.+

13 Diosmi nin: “Qankunaqa juj juchatawanmi ruwashankichis, chay jawan noqa Jehová Diospa altarniyqa waqaywan junt’a kashan, llakikuyllan waqayllan uyarikushan. Chaymi ofrendaykichistapas manaña allinpaqchu qhawarini, manan ima jaywawasqaykichiswanpas kusikunichu.+ 14 Qankunataq nishankichis: ¿Imaraykun mana chaskiwanchischu?, nispa. Wayna kashaspa casarakusqayki esposaykita traicionasqaykiraykun noqa Jehová Diosqa manaña chaskiykichu. Rikurqanin prometekuspa jujllachakusqayki warmita imatachus ruwasqaykita.+ 15 Ichaqa karqanmi chayta mana ruwaq runa, paypiqa espirituymi kasharqanraq. ¿Imatan pay maskhasharqan? Noqaq mirayniytan.* Chhaynaqa allinta qhawarikuychis imakunapichus piensashankichis chayta,* amataq wayna kasqaykichis esposaykichista traicionaychischu”, nispa. 16 Israelpa Diosnin Jehová Diosmi nin: “Cheqnikunin t’aqanakuytaqa,*+ cheqnikunin maqaylla maqakuqkunatapas”, nispa. Ejercitokunata kamachiq Jehová Diosmi nillantaq: “Allinta qhawarikuychis imakunapichus piensashankichis chayta,* amataq traicioneroqa kaychischu.+

17 ”Qankunaqa rimasqaykichiswanmi noqa Jehová Diosta sayk’uchiwankichisña.+ ¿Imaynatataq Diostari sayk’uchirqayku?, ninkichisraqtaqmi. Jehová Diosqa allillanpaqmi qhawarin juchapakuqkunatapas, mana allin ruwaqkunatapas chaskillanmi,+ nispaykichismi sayk’uchiwarqankichis, ¿maytaq chaninta ruwaq Diosri?, nispaykichis iman sayk’uchiwarqankichis”, nispa.