BIBLIAMANTA TAPUKUYKUNA
¿Kausarimpunqakuchu wañupuqkuna?
Kausayta paqarichiqqa atinmi wañusqakuna kausarichiyta
Jehová Diosmantan “kausayqa paqarimun” (Salmo 36:9). Chayraykun wañusqakunataqa kausarichiyta atinqa. Bibliapin asegurawanchis jamuq tiempopi wañusqakunata kausarichinanta (leey Hechos 24:15). ¿Imaraykun Jehová Dios munan wañusqakuna kausarichiyta?
Jehová Diosqa runakunata kamaspaqa munaranmi wiñaypaq kausanankuta (Génesis 1:31; 2:15-17). Kunanpas munashallanmi. Payqa manan munanchu problemakunapi tarikuspa pisi tiempolla kausananchista (leey Job 14:1, 14, 15).
¿Maypin tiyanqaku kausarimpuqkuna?
¿Janaq pachapi tiyanankupaqchu Dios runakunata kamaran? Manan. Angelkunatan janaq pachapi kausanankupaqqa kamaran, runakunatataq kay pachapi kausananchispaq (Génesis 1:28; Job 38:4, 7). Chaymantapas kaypi piensay, ¿maypin tiyaranku Jesuspa kausarichisqan runakuna? Kay pachapin. Jamuq tiempopipas kausarimpuq runakunaqa kay pachapin tiyanqaku (leey Juan 5:28, 29; 11:44).
Ichaqa Jehová Diosqa juj t’aqa runakunatan ajllan janaq pachapi kausarinankupaq, chaypiqa espíritu cuerpoyoqmi kanqaku (Lucas 12:32; 1 Corintios 15:49, 50). Chay t’aqa runakunan Jesucristowan kuska kay pachapi runakunata kamachimunqaku (leey Apocalipsis 5:9, 10).