Uranpi willakuy

e Jerjes I kamachikuqqa reqsisqan karqan sinchi millay kasqanwan munasqanman hinapuni ruwaq kasqanpiwan. Grecia nacionmanta Heródoto runan willan Jerjes I kamachikuq Grecia ladokunata maqanakuq risqanmanta. Huk kutinmi Helesponto nisqapi kashaspa kamachirqan iskay barcokunata teqsita hina churaspa huk puenteta ruwanankupaq. Sinchi wayra hamuspan chayta thunirqan, chaymi sinchita phiñakuspa chay puente ruwaypi umalliqkunata wañuchirqan, unuta hasut’ispataq qaparispa ñakarqan. Chay risqallanpitaqmi huk qhapaq runa rogakurqan maqanakuykunaman huknin churin amaña rinanpaq, hinan reyqa kamachirqan chay churinta iskayman partenankupaq, llapa runa wanananpaqtaq rikunankupaq chayta churachirqan.