9. ¿Imatan yachanchis sasachakuypi kananta yachaspapas Silo llaqtaman Anaq risqanmanta?

⁹ Sapa watan ruwasqankuta hinan Elcanaq familianqa tutaraq sayarispa allichakushanku viajanankupaq. Huch’uypas hatunpas llapankun alistakushanku. Silo llaqtaman rinankupaqqa 30 kilometrotan rinanku kanqa, Efraín aylluq orqo q’asankunata purispa.b Huk p’unchay otaq iskay p’unchaymi purinanku kanqa. Anaqa yachanñan imatapas Peninaq ninanta, chaywanpas manan wasinpichu qhepakun. Chayta ruwasqanqa yachachiwanchismi kay tiempopi Dios serviqkunata. Manan hayk’aqpas huk runakunaq mana allinta ruwawasqanchisraykuqa saqenanchischu Dios yupaychayninchista. Chaypin kallpata chaskinchis sasachakuykunata atipanapaq, saqesunman chayqa manan chaykunata chaskisunmanchu.