2. ¿Imakunata ruwaspan Jehová Diosta gracias nisunman?

Mamaykiq wijsanpi paqarishallaqtiykiraqmi Jehová Diosqa rikumusharqasunkiña. Juj kutinmi, Diospa yuyaychasqan kaspa rey Davidqa khaynata nirqan: “Mamaypa wijsanpi rijurishaqtiypas ñawiykiqa rikushawarqanmi”, nispa (Salmos 139:16). Vidaykiqa anchatan valen Jehová Diospaqqa (leey Mateo 10:29-31). Chaymi payqa manapuni munanmanchu pipas runamasinta wañuchinantaqa ni pay kikinta wañuchikunantapas (Éxodo 20:13).a Chaymantapas, manapunin allinchu kanman yanqapas qasi ima desgraciamanpas wañuypatamanpas churakuyqa, manapunin jujkunatapas chhaynakunamanqa churananchischu. Vidanchistapas jujkunaq vidantapas cuidaspan rikuchisun Jehová Diospa kausay qowasqanchista valorasqanchista.

5. Respetananchismi manaraq naceq wawaq vidantaqa

Rey Davidmi qelqarqan imaynas Jehová Diosqa wijsallapiraq kaq wawakunata makilla qhawamushan chaymanta. Leeychis Salmos 139:13-17 textota, jinaspa jamuq tapuyman jina parlariychis:

• ¿Jayk’aqmi Jehová Diospaq juj runaq kausaynin qallarin, naceqtinchu icha mamanpa wijsanpi paqariqtinchu?

Israel llaqtaman kamachikuykunata qoshaspan Jehová Diosqa paykunata kamachirqan onqoq warmikunata, wijsankupi kaq wawakunatapas cuidanankupaq. Leeychis Éxodo 21:22, 23 textota, jinaspa jamuq tapuykunaman jina parlariychis:

• Jehová Diospa kamachisqanman jinaqa, juj runa manaña yuyaypichu ruwarqan chaypas, ¿imatan ruwananku karqan manaraq naceq wawa wañuchiqtaqa?

• Chhaynaqa, ¿imaninmanmi Jehová Dios manaraq naceq wawakunata yuyaypipuni wañuchiqkunamanta?b

• ¿Imaninkin manaraq naceq wawakunata imaynatachus Dios qhawarisqanmanta?

VIDEOTA qhawaychis.

VIDEO: Jehová Dios jina llapa runaq vidanta valorasun (5:00)

Kausayta valoraq warmipas yaqapaschá sinchi llakipi tarikuspa wawanta orqochikuyta munanman. Leeychis Isaías 41:10 textota, jinaspa jamuq tapuyman jina parlariychis:

• Pipas wawanta orqochikunanpaq mat’ipayasqa kanman chayqa, ¿pimantan yanapayta mañakunan? ¿Imaraykun chay ruway allin kanman?