5. ¿Imatan Jehová Dios munan amigonkunamanta?

Lliupas amigonchiskuna imallapipas yanapawananchistan munanchis ¿riki?

• ¿Amigoykikuna ima ruwapunasuykitan munawaq?

Leeychis 1 Juan 5:3 textota, jinaspa qatiqninpi tapuyman jina parlariychis:

• ¿Imatan Jehová Dios munan amigonkunamanta?

Jehová Diosta kasukunanchispaqqa yaqapaschá imachus ruwasqanchistapas imayna kasqanchistapas cambiananchis kanqa. Leeychis Isaías 48:17, 18 textota, jinaspa jamuq tapuyman jina parlariychis:

• ¿Imaraykun Jehová Dios vidanchista cambiananchista munan?

Biblia estudiayta qallarisqaykimantapachaqa yaqapaschá munay amigoykita jinaña Jehová Diosta qhawarishanki. ¿Munawaqchu astawan payta munakuyta? Chhayna kaqtinqa astawanmi paypas qanta munakusunki, sumaqtataqmi uywasunkipas. Ichaqa, ¿imaynatan payman rikuchiwaq munakusqaykita? Chaytan kunan yachasunchis.

1. ¿Imaynatan Jehová Diosman rikuchisunman payta munakusqanchista?

Diosta munakusqanchistaqa rikuchisunchis kamachikuyninkunata kasukuspan (leey 1 Juan 5:3). Ichaqa, manan Jehová Diosqa munanmanchu pipas mana munashaspa kamachisqankuna ruwanantaqa. Aswanmi payqa munan payta munakuspa noqallanchismanta “tukuy sonqo kasukunanchista” (Romanos 6:17). Kay libropi kinsa t’aqapi tawa t’aqapi iman yachasunchis imaynas Jehová Dios munakusqanchista rikuchinanchispaqqa kamachikuyninkunata kasukunanchis, cheqnikusqan ruwaykunatataq cheqnikunanchis chaykunamanta.

2. ¿Imaraykun mayninpi sasa kanman Jehová Dios munakusqanchista rikuchiy?

Bibliaq nisqan jina “chanin runaq ñak’ariyninqa askhapunin” (Salmos 34:19). Juchasapa kayninchispin mayninqa mana facilchu allin kaqta ruway. Mayninqa qolqe imapaschá pisiwasunman, runamasinchis imapaschá ima mana allinpipas tarichiwasunman, ima llakipi imapaschá tarikusunman. Chhaynakunapi tarikuqtinchisqa sasan mayninqa kanman Jehová Diosta kasukuy. Ichaqa, chhaynaña kaqtinpas kasukuspaqa, Jehová Dios munakusqanchistan rikuchishanchis, pay sonqollapuni kasqanchistan rikuchishanchis. Chayta rikuspaqa paypas may sumaqtan qhawariwasunchis, manataqmi jayk’aqpas saqewasunchu (leey Salmos 4:3).

4. Jehová Diospa sonqonta kusichiy

Leeychis Proverbios 27:11 textota, jinaspa jamuq tapuykunaman jina parlariychis:

• ¿Imata ruwaspan Jehová Diospa sonqonta kusichiwaq? ¿Imaraykun allinpuni chay ruway?

5. Kallpachakuy Jehová Diosta tukuy sonqo kasukunaykipaq

VIDEO: Mana manchakuspa iñiyninchismanta rimasun (5:09)

• ¿Sasachu qanpaq Jehová Diosmanta jujkunaman willay?

• Videopi qhawasqanchisman jina, ¿imaynatan Grayson manchakuyninta atiparqan?

Jehová Diosta tukuy sonqo servinanchispaqqa paypa munakusqantan munakunanchis, cheqnikusqantataq cheqnikunanchis. Leeychis Salmos 97:10 textota, jinaspa jamuq tapuykunaman jina parlariychis:

• Kaykama yachasqaykiman jina, ¿imakunatan Jehová Dios munakun? ¿Imakunatataqmi cheqnikun?

• ¿Imaynatan yachasunman Jehová Diospa munakusqan munakuyta, cheqnikusqan cheqnikuytapas?

6. Jehová Diosta kasukuyqa allinninchispaqmi

Jehová Diosta kasukuyqa allinninchispaqpunin. Leeychis Isaías 48:17, 18 textota, jinaspa jamuq tapuykunaman jina parlariychis:

• Qhawarisqaykiman jina, ¿yachanmanchu Jehová Dios imachus noqanchispaq allin chayta? ¿Imaraykutaq chhaynata piensanki?

• ¿Yanapashasunkichu Bibliata estudiasqayki, Jehová Diostapas reqsisqayki? ¿Imakunapin yanapashasunki?

IMATAN YACHAMURQANCHIS

Jehová Diosta munakusqaykita rikuchinaykipaqqa paytan kasukunayki, sasaña kaqtinpas payllatapunin tukuy sonqo kasukunayki.

Yuyarisun

• ¿Imatan yachawaq Jobpa imachus ruwasqanmanta?

• ¿Imaynatan Jehová Dios munakusqaykita rikuchiwaq?

• ¿Iman yanapasunkiman Jehová Diosta tukuy sonqowan kasukunaykipaq?

ASTAWAN YACHANAYKIPAQ

¿Imaynatan Jehová Diostapas llaqtantapas tukuy sonqo munakusunman? Chaymantan kay videopi yachanki.

“Junt’aq sonqopaqqa junt’aqllataqmi kanki” (16:49)

Kay qelqapin astawan yachanki imanispas Satanás Jobta tumparqan chayta.

“Job Diospaq junt’aq karqan” (Bibliaq willasqan, 6 t’aqa)

Wawakunapas atinkumanmi Jehová Diospa sonqon kusichiyta, chaymantan kay videopi yachanki.

¡Jehová Diosta kusichiy! (8:16)

Jujkunaña mana allinman apayta munanman chaypas wayna-sipaskunapas Jehová Diostaqa kasukunkumanmi. Chaymantan kay videopi yachanki.

Ama jujkunawan tanqachikuychu mana allinkunata ruwanaykipaq (4:00)

Ima ruwasqanchispas vidanchistan cambianman, Jehová Dioswan amigontin kasqanchistapas cambianmanmi. Chaymi allinta piensaykuspa imatapas ruwananchis. Yaqapaschá piensashanchis maypis tiyasun, imaynatas mantenekusun, casarakusunchus manachus chaykunapi. Allinta piensaykuspa imatapas ruwasun chayqa, kusisqan kasunchis, Jehová Diostapas kusichisunmi.

1. ¿Yanapasunkimanchu Biblia allinta imatapas ruwanaykipaq?

Imatapas ruwayta munashanchis chayqa, ñaupaqtan Jehová Diosmanta mañakunanchis. Chaymantataq Bibliapi maskhananchis imatas pay piensan chayta (leey Proverbios 2:3-6). Mayninpiqa juj kamachikuytan tarinki imatachus ruwanaykipaq, chhayna kaqtinqa kasukunaykin chayta.

Mayninpin ichaqa mana tarinkichu ima kamachikuytapas. Chhaynaña kaqtinpas Jehová Diosqa rikuchisunkipunin “may ñannintachus purinaykita” (Isaías 48:17). ¿Imaynatan chayta ruwanqa? Bibliapi kaq willakuykunawan yachachikuykunawan iman. Chaykunan reparachiwasun imaynatas Jehová Dios piensan, imaynatas imatapas qhawarin chayta. Mayninpiqa Bibliapi imapas pasasqanmanta leespan chay willakuykunata yachachikuykunatapas tarisun. Chhaynapin Jehová Diospaq jina imatapas ruwasun.

2. ¿Imakunapin piensanayki imatapas manaraq ruwashaspa?

Biblian nin: “Allin yuyayniyoqqa allinta tanteakuspan imatapas ruwan”, nispa (Proverbios 14:15). Chhaynaqa imata ruwananchispaqpas ñaupaqtan allintaraq piensarinanchis. Chaypi piensashaspan tapukunanchis: “¿Bibliapi kaq mayqen yachachikuymi yanapawanman? ¿Thajchu kasaq kayta ruwaspa? ¿Imaninqakun jujkuna kay ruwasqayta rikuspa? ¿Kusikunqachu Jehová Dios kay ruwasqaywan?”, nispa (Deuteronomio 32:29).

Jehová Diosqa derechonpin kashan imachus allin imachus mana allin chayta niwananchispaq. Sichus allinta yachasun kamachikuyninkunata, Bibliapi kaq yuyaychaykunatapas, chayman jinataq kausasunpas chayqa, allin concienciayoqmi kasunchis. Concienciaqa pipas rimapayawashasunman jinan niwanchis imapas allinchus kashan icha manachus chayta (Romanos 2:14, 15). Conciencianchis Bibliawan allin educasqa kanqa chayqa allintan imatapas ruwasunchis.

ASTAWAN YACHASUNCHIS

3. Bibliaq nisqanman jina imatapas ruway

VIDEO: Bibliapi nisqanman jina kausasunchis (5:54)

• ¿Ima regalotan Dios qowarqanchis?

• ¿Imaraykun Dios chay regalota qowarqanchis?

• ¿Ima yanapaykunatan Dios qowarqanchis libreña kanchis chaypas allin yuyaywan imatapas ruwananchispaq?

Juj yachachikuyta Bibliapi qhawasunchis. Leeychis Efesios 5:15, 16 textota. Chay textoqa allintan reparachiwanchis imaynas tiempotaqa mana usuchinachu chayta ¿riki?

• ¿Imaynatan tiempota mana usuchiy yanapawasunman Bibliata sapa p’unchay leenapaq?

• ¿Imaynatan yanapawasunman allin qosa, allin esposa, allin tayta-mama, allin wawa kanapaq?

• ¿Imaynatan yanapawasunman juñukuykunaman mana faltakunapaq?

4. Concienciaykita yachachiy imatapas allinta reparachinasuykipaq

VIDEO: “Allin concienciawanpuni kausaychis” (5:13)

• Videota qhawasqanchisman jina, ¿imaynatan chay hermana conciencianta yachachirqan, chhaynapi ima ruwasqanpas Jehová Diospa munayninman jina kananpaq?

Imata ruwananchis kaqtinpas, sapankanchismi reparananchis imatachus ruwasun chayta, manan jujkunaq imapas niwananchistaraqchu suyananchis. Leeychis Hebreos 5:14 textota, jinaspa jamuq tapuykunaman jina parlariychis:

• Jujkunaq yanapayninta mañakuy allinña chaypas, ¿imaraykun sapankanchispuni reparananchis imachus allin imachus mana allin chayta?

• ¿Imatan ruwananchis conciencianchis allinta imatapas reparachiwananchispaq, chhaynapi allin yuyaywan imatapas ruwananchispaq?

5. Jujkunaq conciencianta respetasun

Llapanchispas jujniraytan piensanchis, chaymi mana igualtachu imatapas ruwanchis. ¿Imaynatan rikuchisunman jujkunaq imaynachus piensasqanta respetasqanchista? Kaypi iskaymanta yachasun.

Juj kaq: Juj hermanas juj iñiq t’aqaman astakunman, paymanqa allin pintasqa puriysi gustanman, chay iñiq t’aqapi hermanakunas ichaqa mana allinpaqchu qhawarinkuman chhayna pintakuyta.

Leeychis Romanos 15:1; 1 Corintios 10:23, 24 textokunata, jinaspa jamuq tapuykunaman jina parlariychis:

• Chaypi leesqanchisman jina, ¿imatan ruwanman chay hermana? Qanpas concienciaykiman jinaqa atiwaqpaschá ima ruwaytapas, ichaqa manapaschá jujkunaqa allinpaqchu chayta qhawarinkuman, ¿imatan ruwawaq chhaynapi tarikuspa?

Iskay kaq: Juj hermanos kanman manapuni pisillatapas alcoholniyoq ujanakunata tomaq. Manaña Biblia prohibinchu pisilla ujariyta chaypas, chay hermanoqa totaltapunis prohibikunman. Paytas invitankuman juj juñukuyman, chaypis rikunman hermanokuna juj chhikan ujashaqta.

Leeychis Eclesiastés 7:16; Romanos 14:1, 10 textokunata, jinaspa jamuq tapuykunaman jina parlariychis:

• Chaypi leesqanchisman jina, ¿imatan chay hermano ruwanman? Qanri, ¿imatan ruwawaq mana ruwasqaykikunata jujkuna ruwaqtinku?

¿Iman yanapasunkiman imatapas allinta ruwanaykipaq?

1. Jehová Diosmanta mañakuy, paymi allin yuyayta qosunki (Santiago 1:5).

2. Reparachiq yachachikuykunata maskhay, chaypaqqa Bibliata qelqanchiskunata iman estudianayki, chhaynapin reparanki imaynatas imatapas ruwawaq chayta. Tapurikuwaqmi allin iñiyniyoq hermanokunatapas.

3. Piensay imas pasanman chaypi. ¿Imaynan concienciayki qhepanqa? ¿Imaynatan jujkuna qhawarinqaku ima ruwasqaykitapas? Chaykunapi piensay.

IMATAN YACHAMURQANCHIS

Imatapas allinta ruwananchispaqqa yachananchismi Jehová Diospa imayna piensasqanta. Chaymantapas qhawarinanchismi jujkunata yanapanqachus icha phiñachinqachus chayta.

Yuyarisun

• ¿Imatan ruwanayki ima ruwasqaykiwanpas Jehová Dios kusikunanpaq?

• ¿Imatan ruwanayki concienciayki allinta imatapas reparachinasuykipaq?

• ¿Imaynatan rikuchiwaq jujkunaq piensasqan respetasqaykita?

ASTAWAN YACHANAYKIPAQ

¿Imaynatan Diospaq jina imatapas ruwawaq? Chaymantan kay qelqapi yachanki.

“Diosta jatunchanapaq jina imatapas ruwasun” (Qhawaq, 2011 watapi 15 abril)

¿Imaynatan Jehová Dios yuyayta qowanchis? Chaymantan kay videopi yachanki.

¿Imaynatan Jehová Dios pusariwanchis? (9:50)

¿Imatan juj runa ruwarqan Diosta servinanpaq? Chaymantan kay videopi yachanki.

Jehová Diosllan qowasunchis tukuy allin kaqtaqa (5:46)

Ima ruwanapaqpas Bibliapi mana juj kamachikuy kaqtin, ¿imaynatan yachasunman ima ruwananchistas Jehová Dios munan chayta? Chaymantan kay qelqapi yachanki.

“¿Juj kamachikuy kallaqtinchu imatapas kasukunanchis?” (Qhawaq, 2003 watapi 1 diciembre)