¿Askhachu Diospa sutin?
¿Imaninmi Biblia?
Diospa sutinqa ch’ullallan. Hebreo rimaypiqa kay letrakunawanmi qelqakurqan יהוה, quechua simipitaq “Jehová” nispa qelqakun.a Profeta Isaiaswanmi Diosqa willachirqan: “Noqan Jehová Dios kani. Chaymi sutiy”, nispa (Isaías 42:8, La Biblia. Traducción del Nuevo Mundo [TNM]). Diospa sutinqa 7.000 kutita jinan Bibliamanta ñaupa copiakunapi rijurin, chhaytukuyqa manan Diosta jatunchanapaq ima simipas rijurinchu, nitaq jujkunaq sutinpas.b
¿Kanchu Jehová Diospa juj sutinkuna?
Bibliapiqa willawanchismi Diospa sutinqa ch’ullalla kasqanta, Ichaqa kallantaqmi Diospa titulonkuna: “Señor”, “Dios” jujkunapas, wakinmanta yacharisun, chaykunan rikuchin imaynachus Jehová Dios kasqanta.
Diosta nikullantaq |
Bibliapi rijurisqan |
Imaninanmi |
|---|---|---|
Alá |
(Manan rijurinchu) |
Alá nispan árabe simipi Diosta ninku. Chayqa manan Diospa sutinchu, aswanpas Dios ninankutan chaywanqa nishanku. Chaymi árabe simipipas wakin simikunapipas Bibliata t’ijraqkuna Diosmanta rimaspa Alá nispa qelqarqanku. |
Alfa, Omega |
Alfa nisqaqa griego simipi ñaupaq kaq letran, omega nisqataq último kaq letra. ¿Imaninanmi chay simikuna? Jehová Diosmi qallariypas tukukuypas, paypa ñaupantaqa manan tukuy atiyniyoq juj diosqa karqanchu, qhepamanpas manallataqmi kanqachu (Isaías 43:10). |
|
Ancha jatun Dios |
Payqa ancha jatunmi, munayniyoq Dios. |
|
Ancha jatun ruwaq |
Tukuy imaymanatan kamarqan (Apocalipsis 4:11). |
|
Atiyniyoq Señor |
Atiyniyoqmi tukuytapas kamachinanpaq. Chay ninantan hebreo simipi ’Adhonái nin. |
|
Celoso Dios |
Diosqa manan munanchu juj dioskunaman k’umuykunanchista, payllata adorananchistan munan (Traducción del Nuevo Mundo [con referencias], willakuy). |
|
Ch’uya Dios |
Payqa santo Diosmi, payllan llapa kausaqkunamantapas aswan limpio aswan ch’uyapas. |
|
Dios |
Chay simiqa adoranapaq kasqanmantan rimashan, jinallataq atiyniyoq kasqanmanta. Hebreo simipi ’Elohím nisqaqa Jehová Dios may jatunpuni, ancha respetanapaq kasqanmantan rimashan. |
|
Dioskunaq Diosnin |
Payqa munayniyoq Diosmi, idolokunaqa manan imapaschu ñaupaqenpiqa kanku (Isaías 2:8). |
|
Ejercitokunata kamachiq Jehová Dios |
Payqa janaq pachapi sinchi askha angelkunatan kamachin. Chay simikunaqa t’ijrakullanmantaqmi “janaq pacha ejercitokunata kamachiq SEÑOR”, nispa (Romanos 9:29, Nueva Traducción Viviente). |
|
Kamaq |
Paymi tukuy imatapas kamarqan. |
|
Kusisqa Dios |
Payqa kusisqa kausaq Diosmi (Salmos 104:31). |
|
Llut’aq |
Imaynan runaqa t’uruwan imaymanata ruwan, chhaynatan Diospas runakunata nacionkunatapas kamachiyta atin (Romanos 9:20, 21). |
|
Mañakusqata uyariq |
Diosqa pay kikinmi llapa iñiyniyoq runakunaq mañakusqanta uyarin. |
|
Michiq |
Serviqnin runakunatan cuidawanchis. |
|
Ñoqan kani Ñoqaqa |
Éxodo 3:14, Diospa Simin Qelqa |
Chaywanqa manan “noqaqa kausaq Diosmi kani” nispallachu niwashanchis, aswanpas payqa imachus necesitakusqanmanmi tukunman munayniyta junt’ananpaq. Chay simikunaqa t’ijrakullanmantaqmi: “Noqaqa imachus munasqayman jinan kasaq”, nispa (Éxodo 3:14, Traducción del Nuevo Mundo [con referencias]; willakuy). Chaymi allinta entiendechiwanchis qatiqnin versiculopi Jehová Diospa sutin imaninanchus kasqanta (Éxodo 3:15). |
Qaqa |
Payqa imamantapas pakaykuwasunmi, salvaqninchistaqmi kanpas. |
|
Rantiq, kacharichiq |
Diosqa juchanchismanta wañuymantawan kacharichiwananchispaqmi churin Jesusta kachamurqan noqanchisrayku wañunanpaq (Juan 3:16). |
|
Salvaq |
Payqa ima llakimantapas, wañuymantapas librawaqninchis, salvawaqninchismi. |
|
Señor |
Payqa dueñonchis patronninchismi; hebreo simipin ’Adhóhn, ’Adhoním nispa nikun. |
|
Tayta |
Paymi kausay qoq. |
|
Tukuy atiyniyoq |
Manan pipas pay jina kallpayoq atiyniyoqqa kanchu. Hebreo rimaypin ’El Schaddái simiqa “tukuy atiyniyoq Dios” ninanta nin, chayqa qanchis kutitan Bibliapi rijurin. |
|
Tukuy munayniyoq |
Payllan tukuy munayniyoq Dios. |
|
Wiñay-wiñay rey |
Payqa tukuyta kamachinanpaq atiyniyoqmi, wiñaypaqtaqmi kamachikunqapas. |
|
Yachachiq |
Chayqa “ancha allin yachachiq” nispan t’ijrakullantaq (Traducción del Nuevo Mundo [con referencias]). Diosqa allin kananchispaqmi yachachiwanchis pusariwanchispas (Isaías 48:17, 18). |
|
Yuyaq runa |
Diospaqa manan qallariynin kanchu, wiñay tiempomantapachan kausan; manaraq pipas ni imapas kashaqtin (Salmos 90:2). |
Wakin lugarkuna Diospa sutinta aparqanku
Bibliapiqa willanmi wakin lugarkuna Diospa sutinta apasqankumanta, ichaqa manan chayraykuqa nisunmanchu “chaypas Diospa sutinmi” nispa.
Lugarkuna |
Bibliapi rijurisqan |
Imaninanmi |
|---|---|---|
Jehová-nisí |
“Jehová Diosmi señalaq sayaq postey” (La Palabra de Dios para Todos). Jehová Diospa muyuriqninpin llaqtanqa juñulla sayaykunkuman pakaykusqa kanankupaq, yanapayta chaskinankupaq ima (Éxodo 17:13-16). |
|
Jehová-salom |
Jehová Diosqa thaj kaymi. |
|
Jehová-sama |
Ezequiel 48:35, Reina-Valera |
Jehová Diosmi chaypi kashan. |
Jehová-yiré |
Jehová Diosmi qonqa. |
¿Imanaqtinmi Diospa sutinta yachananchis, wajakunanchispas?
Diosqa anchatan munan sutinta respetananchista sutinmanta wajakunanchistapas, chaychá waranqa-waranqa kutitaraq Bibliapi sutinta qelqachirqan (Malaquías 1:11).
Diospa Churin Jesucristopas askha kutipin rikuchirqan Diospa sutinqa importante kasqanta. Juj kutinpas Jehová Diosmanta mañakushaspan nirqan: “Sutiyki ch’uyapaq jap’isqa kachun”, nispa (Mateo 6:9; Juan 17:6).
Diospa sutinta yachaspa, sutinmanta wajakuqkunaqa atinkumanmi Diospa amigon kayta (Salmos 9:10; Malaquías 3:16). Diosqa amigonkunamanmi prometen: “Munakuwantaq chayqa librasaqmi. Sutiyta reqsisqanraykun paytaqa waqaychasaq”, nispa (Salmos 91:14, TNM).
Bibliapin nishan: “Ichaqa janaq pachapipas kay pachapipas askhan kan dios nisqakunaqa, arí, askhatan ninku dios nispa, señor nispapas”, nispa (1 Corintios 8:5, 6). Ichaqa Jehová sutiqa sut’itan rikuchishan sapallan cheqaq Dios kasqanta (Salmos 83:18).
a Hebreo simimanta wakin yachaqkunan Diospa sutinta t’ijranku “Yahweh” otaq “Yahvé” nispa.
b Jehová sutiqa pisi letrakunapin Jah nikullantaq, chayqa 50 kutita jinan Bibliapi rijurin. Ejemplopaq Aleluya simipin rijurin, chayqa “alabasqa kachun Jah” ninantan nin (Apocalipsis 19:1, Reina-Valera).