4. Saqepunan mana allin viciokunataqa

Cigarrota pitashanki, ima pastillatapas nishuta tomashanki, drogatapas mijushanki chayqa, sasapaschá kanqa chay viciota saqey. Ichaqa yaqapaschá yanapasunkiman imaynas chay vicioq causanpi vidayki kashan chaypi piensay. Leey Mateo 22:37-39 textota, chaymantataq qatimuq tapuykunamanta parlariychis.

• ¿Ima vicioyoq kaspapas allinpichu kashasunman Jehová Dioswan?

• ¿Atisunmanchu familianchiswanpas jujkunawanpas sumaqta kausayta?

Piensay imatas ruwawaq vicioykita atipanaykipaq chaypi.a VIDEOTA qhawaychis.

VIDEO: Allintan cuerponchista kamachinanchis (2:47)

Leeychis Filipenses 4:13 textota, chaymantataq jamuq tapuykunaman jina parlariychis:

• ¿Yanapawasunmanchu Diosmanta mañakuy, Bibliata estudiay, Diosta yupaychanapaq juñukuykunaman riypas viciota atipanapaq? ¿Imaraykutaq chhaynata piensanki?

5. Atipallankin qhelli piensaykunatapas millay ruwaykunatapas

Leeychis Colosenses 3:5 textota, chaymantataq jamuq tapuykunaman jina parlariychis:

• ¿Imaraykun nisunman: “Jehová Diosqa cheqnikunmi pornografía nisqatapas, qhelli ruwaykunata mensajepi apachinakuytapas, masturbación nisqatapas”, nispa?

• ¿Allinchu kausayninchispi limpio kananchispaq Jehová Diospa kamachiwasqanchis? ¿Imaraykutaq chhaynata ninki?

Kaypin yachanki imaynatas umaykimanta qhelli piensaykunata wijch’uwaq chayta. VIDEOTA qhawaychis.

VIDEO: Kallpachakusun piensayninchispi limpio kananchispaq (1:51)

Juj rijch’anachiyta willaspan Jesús yachachirqan imatachus ruwana kausayninchispi limpio kananchispaq chayta. Leeychis Mateo 5:29, 30 textota, chaymantataq jamuq tapuyman jina parlariychis:

• Jesusqa manan cuerponchista imatapas ruwananchismantachu rimasharqan, aswanpas cuidakunapaq imachus ruwanamantan rimasharqan. ¿Imatan ruwasunman amapuni qhelli piensaykuna umanchispi kananpaq?b

Kallpachakushankiña mana allin piensaykunata umaykimanta wijch’unaykipaq chayqa, allinmi, Jehová Diosqa anchatan valoran chay ruwasqaykita. Leeychis Salmos 103:13, 14 textota, jinaspa jamuq tapuyman jina parlariychis:

• Ima viciota saqenaykipaqpas kallpachakushanki chayqa, ¿yanapasunkimanchu chay texto? ¿Imarayku?

Vicioman jujmanta urmanki chayqa, ¡ama pisipaychu!

Yaqapaschá mayninpiqa niwaq: “¡Jujmanta kayta ruwarullanitaq, manasuna atiymanchu!”, nispa. Juj phawaq runapi piensasun. Phawashaspa urmanman chayri, ¿nisunmanchu “manañan atinmanñachu” nispa, “qallariymantachá phawanan kanqa” nispa? Manan riki. Chhaynallataqmi viciowanpas, manan jujmanta urmaspachu nisunman “manan atiymanñachu” nispaqa. Chaykamaqa imaymanatañachá ruwarqanki. Mayninpiqa urmankipasraqchá, chhaynapunin ima viciotapas saqeyqa. Chhaynaqa, ¡ama pisipaychu! Jehová Diospa yanapayninwanqa atillankin.

6. Tomay viciomanta ayqekuy

VIDEO: “Manañan machaq runa kayta munarqanichu” (6:32)

• ¿Imapin Dimitri tarikurqan nishuta ujasqanrayku?

• ¿Facil-llachu paypaq karqan trago ujayta saqey?

• ¿Iman yanaparqan trago ujayta saqepunanpaq?

Leeychis 1 Corintios 6:10, 11 textota, jinaspa jamuq tapuykunaman jina parlariychis:

• ¿Mana allinpunichu machay? ¿Imaraykutaq chhaynata ninki?

• ¿Atinmanchu machay vicioyoq runa cambiayta? ¿Imaraykutaq chayta nisunman?

Leeychis Mateo 5:30 textota, jinaspa jamuq tapuyman jina parlariychis:

• Chay nisqanwanmi Jesusqa yachachisharqan imaynas Jehová Diosta servinapaqqa tukuy atisqanchista kallpachakunanchis chayta. Tomayta saqenaykipaqchus kallpachakushanki chayqa, ¿imatan ruwawaq jujpaqkama saqepunaykipaq?a

Leeychis 1 Corintios 15:33 textota, jinaspa jamuq tapuyman jina parlariychis:

• ¿Iman pasanman tragota nishuta ujaqkunawan juñukuqtiyki?