INTERNETPI QELQANCHISKUNA Watchtower

“Junt’an kasharqanku santo espírituwan, ancha kusisqataqmi kasharqankupas”

Diospa gobiernonmanta “allintapuni willasun”
- 5. ¿Imaynatan Chipre llaqtapi Diosmanta willakurqan?
  
  ⁵ Saulowan Bernabewanqa Seleucia llaqtamanmi ñaupaqtaqa rirqanku, chayqa cercallan kashan Antioquía llaqtamantaqa. Chaymantataq Chipre llaqtaman barcopi chimparqanku, Chipreqa Seleucia llaqtamantaqa 200 kilometropi jinan kashan.d Bernabeqa Chipre llaqtamantan karqan, payqa maytachá munasharqan llaqtanpi allin willakuykuna willayta. Chaychá paykunaqa Salamina llaqtallamanraq chayashaspa “judiokunaq sinagogankunapi Diospa siminta willayta qallarirqanku” (Hech. 13:5).e Chaymantataq Chipre islata cantonmanta cantonkama purirqanku, paykunaqa Diospa siminta willan-willanpunichá chaypiqa purirqanku, manan yachakunchu maymanta maykama purisqankuta. Ichaqa yaqachus jina 220 kilometrosta jina purinkuman karqan.
  
  JUDÍO RUNAKUNAQ SINAGOGAN
  
  Sinagoga nisqa simiqa griego rimaymantan jamun, chayqa “juñukuy otaq juñunakuy” ninantan nin. Judío runakunaq juñunakusqankutan chhaynata niqku. Chaymantan ichaqa maypichus juñukurqanku chayta sinagoga nispa suticharqanku.
  
  Chay sinagoga nisqakunaqa judío runakuna Babiloniaman apasqa kasqanku tiempopi jinas rijurinman karqan. Chaypin runakunaman Diosmanta yachachiqku, Diosta adoraqku, Diospa kamachikuynin simitapas leeqku. Apostolkunaq tiemponpaqqa Palestina ladopiqa sapanka llaqtapin sinagogaqa kaq, jatun llaqtakunapiqa askha jawapin kaq. Jerusalenpipas askhan karqan sinagogakunaqa.
  
  Ichaqa judío runakunaqa manan Israel llaqtallapichu kasharqan. Askhan kasharqanku Babilonia llaqtapipas juj llaqtakunapipas. Negocionkuraykun wakinqa chay llaqtakunapi qhepakuqku. Jesuspa manaraq jamusqan tiempopi tawa pachaq watakuna ukhupiqa aswan askha llaqtakunapiñan kasharqanku. Chay tiempopi Persia nación jatun kashaqtinqa 127 provinciakunatan kamachisharqan, chay tiempopiqa llapan provinciakunapin judío runakunaqa kasharqanku (Est. 1:1; 3:8). Tiempoq pasasqanman jinaqa aswan askha llaqtakunapin judío runakunaqa tiyarqanku. Chaymantaqa “ch’eqerisqa” nispan chay runakunataqa sutichakurqan, paykunaqa may llaqtapichus tiyashanku chay llaqtakunapin sinagogakunata jatarichiqku.
  
  Sapa sabadonmi chay sinagogakunapi Diospa kamachikuyninkunata leeqku entiendechiqku ima. Chay sinagogakunapiqa ñaupaqmantapachan leekuq, kinsantin ladokunapitaq tiyanakuna kaq. Llapa qharikunan invitasqa kaqku leenankupaq yachachinankupaqpas.

“Junt’an kasharqanku santo espírituwan, ancha kusisqataqmi kasharqankupas”

Diospa gobiernonmanta “allintapuni willasun”
- d Chay tiempopiqa 150 kilometrota jinan barcokunaqa allin tiempo kaqtinqa puriqku. Mana allin tiempo kaqtinmi ichaqa aswan unaypi maymanpas chayaqku.